Ինչ են քննարկել Լավրովն ու Ալիևը. մանրամասներ

Մոսկվան պատրաստ է ՅՈՒՆԵՍԿՕ-ի համար պայմաններ ստեղծելուն`  Լեռնային Ղարաբաղի մշակութային ժառանգության պահպանման աշխատանքների համար: Այդ մասին երկուշաբթի օրը հայտարարել է Ռուսաստանի արտգործնախարար Սերգեյ Լավրովը Ադրբեջանի նախագահ Իլհամ Ալիեւի հետ հանդիպման ժամանակ: Այս մասին հաղորդում է ՏԱՍՍ-ը:

«ՅՈՒՆԵՍԿՕ-ն, որպես միջազգային մշակութային ժառանգության պահպանման համար պատասխանատու կազմակերպություն, նույնպես շահագրգռված է մասնակցելու այդ ջանքերին: Մենք պատրաստ ենք օգնելու ստեղծել պայմաններ, որոնք դա հնարավոր կդարձնեն: Բնականաբար, մենք պետք է հաշվի առնենք սրա վերաբերյալ պայմանավորվածությունները, շահագրգիռ կողմերի դիրքորոշումը », - ասել է Լավրովը:

«Պատերազմի հումանիտար հետևանքների լուծման հետ կապված հարցեր` դուք նշեցիք ռազմագերիներին, պատմական ժառանգության հետ կապված որևէ չարաշահում թույլ չտալու մասին: Մենք ուզում ենք օգնել այս ամենը հնարավորինս կառուցողական լուծել» - շեշտել է նա:

Ինչպես նշել է նախարարը, Ռուսաստանը կշարունակի իր ներդրումն ունենալ, որպեսզի Ռուսաստանի Դաշնության, Ադրբեջանի և Հայաստանի ղեկավարների համաձայնագրերը Ղարաբաղի վերաբերյալ իրականացվեն «կառուցողական արդյունքին նպաստող» պայմաններում:

Լավրովը նաև ուշադրություն է հրավիրել այն փաստի վրա, որ Ռուսաստանի Դաշնությունն աջակցում է այն ձեռնարկություններին, որոնք պատրաստ են աշխատել Լեռնային Ղարաբաղում. «Մենք խրախուսում ենք մեր ընկերություններին մասնակցել վերականգնման աշխատանքներին, ձեր կողմից պլանավորած ծրագրերին»:

Ալիևը Լավրովին հայտնել է, թե ադրբեջանական կողմը 44-օրյա պատերազմի ընթացքում զոհված շուրջ 1600 զինծառայողի աճյուն է հանձնել հայկական կողմին: 

Նշվել է, որ Ռուսաստանի և Ադրբեջանի պետական ​​կառույցները երկխոսություն են վարում Ադրբեջանի տարածքում Sputnik V պատվաստանյութի արտադրություն կազմակերպելու հարցի շուրջ:

Այս թեմայով Ռուսաստանը բաց է Արևմուտքի հետ երկխոսության համար՝ հավասարը հավասարի սկզբունքով. Լավրով ՌԴ-ի ձեռնարկած քայլերն ուղղված չեն կոնկրետ ազգի դեմ. Լավրով Ուկրաինայից հետո Արևմուտքը փորձում է ապակայունացնել իրավիճակը Հարավային Կովկասը․ ՌԴ ԱԳՆ Նախքան ասելը, որ ՀԱՊԿ-ը պարտավոր է սահմանել իր պատասխանատվության գոտին, պետք է սահմանել ՀՀ սահմանները. Լավրով Հայաստանին ուզում են արագացված տեմպերով պոկել Ռուսաստանի Դաշնությունից. Լավրով Արևմուտքը չի ցանկանում, որ իրականացվեն ՌԴ-ի օգնությամբ Հայաստանի և Ադրբեջանի միջև ձեռք բերված պայմանավորվածությունները. Լավրով Լավրովը ժամանել է Մինսկ՝ մասնակցելու ԱՊՀ ԱԳ նախարարների խորհրդի նիստին Երազելը վնաս չէ. Լավրով Ֆիդանը և Լավրովը քննարկել են տարածաշրջանային հարցեր Պուտինը զարմացած էր Փաշինյանի հայտարարությունից. Լավրով