Ռուս մեկնաբանին թույլ չեն տվել մուտք գործել Ադրբեջան՝ անձնագրում հայկական կնիք ունենալու պատճառով

Եվրո-2020-ի հավատարմագրում ունեցող «Матч-ТВ»-ի մեկնաբան Միխայիլ Մոսակովսկուն Բաքվի օդանավակայանում թույլ չեն տվել հատել սահմանը եւ նույն ինքնաթիռով հետ են ուղարկել Մոսկվա։ Նա պետք է լուսաբաներ հունիսի 12-ին Բաքվում նախատեսված Ուելս - Շվեյցարիա հանդիպումը։ Մեկնաբանը մի քանի տարի առաջ այցելել է Արցախի Հանրապետություն, իսկ անցած տարի եղել է Հայաստանում։

«Թույլ չտվեցին Ադրբեջան մտնել։ Վաղը պետք է մեկնաբանեի Շվեյցարիայի եւ Ուելսի հանդիպումը։ Սահմանին անձնագրիս մեջ տեսան հայկական կնիքը, խնդրեցին սպասել, հետո ուղեկցեցին Մոսկվա մեկնող թռիչքին։ Ոչ մի հարցի չպատասխանեցին։ Հավատարմագրման հաստատման եւ Ադրբեջանի ֆուտբոլային ֆեդերացիայից ստացած թղթին չնայեցին։ Վերադարձա նույն ինքնաթիռով, որով ժամանել էի Բաքու։

Անմիջապես պատասխանեմ գլխավոր հարցին․ այո, Ղարաբաղում եղել եմ։ Մի քանի տարի առաջ եղել եմ այնտեղ անցկացված ֆուտբոլային մրցաշարի։ Եթե պատճառը դա է, այլ ոչ թե անցած տարվա հայկական սահմանի կնիքը, ապա ադրբեջանցի սահմանապահներին հարց չունեմ։ Հարցերը կազմկոմիտեին են։ Հավատարմագրման բոլոր հայտերը ստուգում են ուժայինները։ Եթե որեւէ մեկը հայտնվել է սեւ ցուցակներում, ապա ինչո՞ւ չհայտնել այդ մասին։ Բաքուն հաստատել է իմ հավատարմագրումը, ես վաղվա խաղի ցուցակներում կամ, ունեմ հրավեր ադրբեջանական ֆեդերացիայից»,- Տելեգրամում գրել է Մոսակովսկին։

Բաքվում կանցկացվեն նաեւ Եվրո-2020-ի խմբային փուլի Թուրքիա – Ուելս (հունիսի 16), Շվեյցարիա - Թուրքիա (հունիսի 20) եւ քառորդ եզրափակիչի մեկ հանդիպում (հուլիսի 3)։

Այս թեմայով Ըմբիշ Եղիշե Մոսեսյանը՝ Եվրոպայի Մ15 առաջնության ոսկե մեդալակիր Ըմբիշ Եղիշե Մոսեսյանը՝ Եվրոպայի Մ15 առաջնության ոսկե մեդալակիր Դավիթ Վարդանյանը հաղթել է ադրբեջանցուն, դուրս եկել ԵԱ կիսաեզրափակիչ (տեսանյութ) Ըմբշամարտի ՕԽ վարկանիշային մրցաշարին Հայաստանից կմասնակցի 7 մարզիկ ԵԱ․ Արթուր Դավթյանը, Գագիկ Խաչիկյանը եւ Արթուր Ավետիսյանը եզրափակիչում են «Հարդքոր» մրցաշարի ժամանակ ամբոխը հարձակվել է Արկադի Օսյապինի վրա (տեսանյութ) Վահագն Դավթյանը Փարիզի Օլիմպիական խաղերի ուղեգիր նվաճեց Հրաձիգ Էլմիրա Կարապետյանը դուրս է եկել Ռիո դե Ժանեյրոյի մրցաշարի եզրափակիչ «Ադրբեջանում ինձ առաջարկեցին 300 հազար դոլար՝ պարտվելու համար». իտալացի ըմբիշ Հայ կին մրցավարն առաջին անգամ մասնակցել է բասկետբոլի ՖԻԲԱ Եվրոպայի մրցավարական ճամբարին