Պոռնիկ, իդիոտկա, անասուն, հիմար․ ո՞ր բառերն են համարվում հայհոյանք

ՀՀ ազգային ժողովն օրերս ընդունեց «Իմ քայլը» խմբակցության պատգամավորների ներկայացրած օրենքի նախագիծը, որով նախատեսվում է քրեականացնել ծանր վիրավորանքը՝ հայհոյանքը։ Իսկ թե ո՞ր բառերն են համարվում հայհոյանք, որի համար անձը ենթարկվելու է պատասխանատվության ԼՈՒՐԵՐ․com-ը փորձեց պարզել նախագծի համահեղինակ իմքայլական պատգամավոր Վլադիմիր Վարդանյանից։ 

«Դուք ուզում եք, որ հիմա ես հայհոյանքնե՞ր շարադրեմ և ենթարկվեմ քրեական օրենսգրքով սահմանված պատժի՞»,- մեզ հետ զրույցում կատակեց իմքայլական պատգամավորը։ 

Նրա խոսքով՝ դատարանների համար առավել քան պարզ է, թե ինչ է հայհոյանքը․ «Իսկ կներեք ատելության խոսքը, բռնության կոչը ունե՞ն սահմանում։ Սոցիալական փիլիսոփայությունը և սոցիալական փիլիսոփայությոան մեջ օգտագործվող կատեգորիաներն ունեն սպեկուլյատիվ բնույթ, այսինքն` դրանք պայմանավորվածության արդյունք են։  Այն արտահայտությունների սահմանը, որը հասարակության մեջ հնարավոր չէ տալ, որովհետև դա հասարակության  բարոյական նորմերին հակասող է, կարող է դիտվել հայհոյանքի դրսևորում»,- նշեց նա։

Վլադիմիր Վարդանյանին խնդրեցինք նշել մի քանի բառ, որոնք համարվում են հայհոյանք, սակայն նա հրաժարվեց՝ նշելով, որ իր դաստիարակաությունը թույլ չի տալիս, ապա նշեց՝ ընդունվել է համապատասխան օրինագիծ, որով հայհոյանքը քրեորեն պատժելի է։ Հետաքրքրվեցինք՝ արդյոք հիմար, իդիոտկա, անասուն բառերը համարվո՞ւմ են հայհոյանք, թե՞ ոչ։ «Ես դատավոր չեմ, որ դիտարկեմ այս կամ այն արտահայտությունը։ Թե ինչ է հայհոյանքը և անձի արժանապատվությունը ծայրահեղ անպարկեշտ եղանակով վիրավորելը ընկալելի, հասկանալի է մեր դատական իշխանության համար և ես համոզված եմ, որ նրանք կկարողանան կողմնորոշվել»,- ասաց իմքայլական պատգամավորը։

Մեջբերեցինք Աստվածաշնչում նշված «պոռնիկ» բառը, որը լայն հասարկության կողմից ընկալվում է որպես ոչ պարկեշտ բառ, սակայն այն օգտագործողները արդարանում են, թե աստվածաշնչյան բառ են օգտագործում, հարցրինք՝ արդյոք այդ բառը կիրառողները կենթարկվե՞ն պատասխանատվության, թե՞ ոչ․ «Ցանկացած բառ կարող է դիտվել գրական։ Եթե օրինակ, որևիցե մեկի նկատմամբ օգտագործվի այդ բառը և վիրավորի դիմացինի արժանապատվությունը, արդյոք տվյալ անձը թույլ կտա՞ այն վերարտադրել հանրության մեջ։ Եթե ոչ, ապա ինձ թվում է գտնվեց հարցի պատասխանը՝ արդյոք այդ արտահայտությունը կարող է դիտարկվել քրեորեն պատժելի արարք, թե ոչ։ Օրինակ անասուն բառը կարող է օգտագործվել և՛ դրական, և՛ բացասական իմաստով։ Եթե ասենք՝ անասունի գինը բարձրացավ, նկատի ունենք կենդանիներին, իսկ եթե անձի դեպքում է օգտագործվում լրիվ այլ երանգ է ձևավորվում։ Սա արդեն դատարանը պետք է գնահատի։ Ես չեմ կարող որևիցե օրինակ բերել ամեն դեպքում դատարանը մի դեպքում կարող է ասել նման միտում է եղել, մյուս դեպքում չի եղել»,- նշեց պատգամավորը՝ ընդգծելով, որ եթե կողմերը համաձայն չլինեն նրանք իրավունք ունեն դատական պաշտպանության և կարող են վիճարկել։ 

Նշենք, որ օրենսդրական փոփոխությունը նախաձեռնել է իշխող «Իմ քայլը» խմբակցությունը։

Սոնա Հարությունյան

Այս թեմայով Այսօր երեկոյան ԱԺ «Հայաստան» խմբակցության պատգամավորներ Գեղամ Մանուկյանը և Արման Ղազարյանը այցելել են Աշտարակ քաղաքի ՁՊՎ Հաջորդ քայլը լինելու է ՀԱՊԿ-ից դուրս գալը. Փաշինյան (տեսանյութ) Երեկ ՀՀ-ում 2-րդ «Հոկտեմբերի 27»-ն է կանխվել. ՔՊ խմբակցության ղեկավար (տեսանյութ) Աղետալի վիճակում ենք, հաջորդ քայլը անդունդից ընկնելն է լինելու. սա ասում եմ առանց դրամատիզացնելու (տեսանյութ) Միացե՛ք Բագրատ Սրբազանի օրակարգին. Ատոմ Մարգարյանը դիմել է ՔՊ-ի պատգամավորներին Հանրային Հեռուստաընկերության Քաղաքական հաղորդումների ղեկավար-պրոդյուսերի՝ բացարձակ սուտ պարունակող գրառումը լայքում են ՀՀ արդարադատության նախարարը, ԱԺ քպ-ական պատգամավորներ․ Ռուբեն Մելիքյան Սգո մատյանում «Պատիվ ունեմ» խմբակցության և ՀՀԿ ԳՄ կողմից ցավակցություն հայտնեցի Իրանի ժողովրդին. Աբրահամյան ԱԺ մի քանի պատգամավորներ՝ չնայած ոստիկանական բլոկադային, հասան Կիրանց (տեսանյութ) Ադրբեջանից Հայաստան տրանսֆերներ կա՛մ առկա չեն, կա՛մ էական ծավալ չեն կազմում․ Կենտրոնական բանկ Հայ պատգամավորները ԱՄՆ սենատորների հետ քննարկել են «Խաղաղության խաչմերուկ» նախագիծը