Ադրբեջանցիները Շուռնուխ գյուղից երեխա են գողացել և բռնաբարել․ Ղուկասյանը հայտարարում է, գյուղապետը՝ մեկնաբանում

«Ազատ հայրենիք» կուսակցության ղեկավար Անդրիաս Ղուկասյանը «Նոյան Տապան» հեռուստաընկերության եթերում հայտարարել է, որ սահմանին լինում են միջադեպեր, որոնց մասին իշխանությունները տեղեկատվություն չեն տրամադրում, որպեսզի հնարավոր լինի խոսել ադրբեջանցիների հետ խաղաղ համակեցության մասին։ Նա հայտարարել է, որ պատերազմից հետո ադրբեջանցիները Շուռնուխ գյուղից երեխա են տարել  և բռնաբարել․ «Ինչպես կարելի է խոսել խաղաղությունից, եթե գալիս են Շուռնուխ գյուղից երեխա են տանում, բռնաբարում են և հետ են բերում»,-ասել է Ղուկասյանը՝ ավելացնելով, որ այս մասին իշխանությունները գիտեն, բայց թաքցնում են։

Տեղեկությունը ճշտելու համար ԼՈՒՐԵՐ․com-ը զրուցեց Շուռնուխ համայնքի ղեկավար Հակոբ Արշակյանի հետ, որը հերքեց տարածված լուրը․ «Նման բան չկա, կեղծ լուրեր են տարածում։ Բացառում և հերքում եմ, հավատացնում եմ ձեզ, ես գյուղում եմ, նման դեպք չի եղել»,- նշեց նա։

Հարցին՝ հնարավո՞ր է եղած լինի, բայց ինքը տեղյակ չլինի դրանից, համայնքապետը պատասխանեց․ «Ընդամենը 35 տնտեսություն է, եթե որևէ բան է լինում, առաջիններից մեկը բնականաբար ես եմ, որ իմանում եմ։ Աստված չանի, եթե նման բան լինի»,- ասաց Հակոբ Արշակյանը։  

Այս թեմայով «Մարդիկ անորոշության մեջ են, չգիտեն՝ ինչ է լինելու». Կիրանցի գյուղապետ 44-oրյային զավակ կորցրածներին նոր երեխա ունենալու հնարավորություն է տալիս պետությունը. ԱՆ նախարար (տեսանյութ) Տեխնիկական միջոցներով կոտրել են «Իզիփեյ» վճարային տերմինալի փականը և գողացել մի քանի մլն դրամ Գյուղ տանող կենտրոնական ճանապարհը փլված է՝ իսկական աղետ է. մեզ վտանգի ենթարկելով՝ ելումուտ ենք անում. Շնողի վարչական ղեկավար Ծովագյուղի մոտակայքում ավտոմեքենաները ընկել են գետը (տեսանյութ) Կրասնոդարում դպրոցի տանիքի փլուզման հետևանքով` 12 երեխա է վիրավորվել Վահե՛ Ղազարյան, որպեսզի հրահրումներ չլինեն, ասեք՝ բացեն ճանապարհը, խաղաղ գնանք գյուղ, գանք. Բագրատ Սրբազան (տեսանյութ) ՈՒՂԻՂ․ Դեպի Կիրանց ճանապարհը փակ է, Բագրատ Սրբազանի առաջնորդած շարասյանը թույլ չեն տալիս մուտք գործել գյուղ «Չի կարելի գյուղ մտնել», «Ես պատգամավոր եմ, որ օրենքով չեք թողնում». Կիրանցը կրկին բլոկադայի մեջ է (տեսանյութ) Լավ գիտեք՝ հիմա ինչ է կատարվում, ես էլ ի՞նչ ասեմ. Բերքաբերի գյուղապետ