Անահիտ Ավանեսյանը ներկայացնում է համաճարակային վիճակը երկրում

Հայաստանում կորոնավիրուսից մահացել է պատվաստված 23 քաղաքացի, որոնք բոլորն էլ ունեցել են քրոնիկ հիվանդություններ, այս մասին ասաց ՀՀ առողջապահության նախարար Անահիտ Ավանեսյանն իր ասուլիսում:

«Այս պահին իրականացված շուրջ 1 մլն 200 հազար պատվաստման փորձը ցույց է տալիս, որ դրանք անվտանգ են, արդյունավետ են: Այս 1 մլն 200 հազար պատվաստումների ընթացքում 79 քաղաքացիների մոտ եղել են առողջական խնդիրների որոշակի բողոքներ: 40-ից ավելիի դեպքում քաղաքացիների մոտ եղել է հենց կորոնավիրուս, այսինքն առողջության հետ կապված բողոքները պայմանավորված են եղել կորոնավիրուսով, պարզապես քաղաքացին չի իմացել, որ հիվանդ է և պատվաստվել է, չի ունեցել որևէ սիմպտոմ»,-ասաց Ավանեսյանը՝ հավելելով, որ այդ պարագայում պատվաստվելու որևէ հակացուցում չկա, խնդիր չի կարող առաջանալ:

Մնացած փոքրաթիվ դեպքերում գրանցվել են որոշակի ալերգիկ ռեակցիաներ, մի շարք այլ սիմպտոմատիկ բողոքներ: Ում անհրաժեշտ է եղել, տրամադրվել է բժշկական օգնություն:

Անդրադառնալով այն դեպքերին, երբ քաղաքացիները պատվաստված են եղել, սակայն կորոնավիրուսով վարակվել են ու հիվանդությունը ծանր են տարել, ու, ցավոք, մահ է գրանցվել՝ նախարարն ասաց. «23 քաղաքացիներ են, որոնց ընդհանուր միջին տարիքը 75-ից բարձր է, նրանց բոլորի մոտ գրանցված են եղել քրոնիկ հիվանդություններ, ինչպիսին են շաքարային դիաբետը, տարբեր օրգանների չարորակ նորագոյացություններ, սրտի իշեմիկ հիվանդություններ, զարկերակային գերճնշում, հիպերտենզիա»:

Նա հավելեց, որ նման հիվանդություն ունեցող քաղաքացիները, ցավոք, առավել ծանր են տանում կորոնավիրուսը և շատ ավելի մեծ ռիսկ են կրում՝ վատ ելքով ավարտվելու: Չպատվաստված քաղաքացիների մահացության թվերը, նախարարը նկատում է, անգամ դժվար է համեմատել պատվաստված քաղաքացիների մահվան դեպքերի հետ: «Պատվաստումներն իսկապես տասնյակ անգամներ իջեցնում են ռիսկը՝ հիվանդությունը ծանր տանելու»,-ասաց Ավանեսյանը:

Հայաստանում մինչև օրս գրանցվել է կորոնավիրուսի 338 հազար 120 դեպք, առողջացել է 316 հազար 198 քաղաքացի, գրանցվել է մահվան ընդհանուր առմամբ 7535 դեպք:

Այս թեմայով Էլինա Ավանեսյանը դուրս մնաց «Ռոլան Գարոս»-ից Կուզեյի՞ք այդպիսի կիրակի ունեցող երկրում արթնանայիք․ Ռուբեն Մխիթարան Էլինա Ավանեսյանը հաղթելով աշխարհի 8-րդ ռակետին` «Ռոլան Գարոս»-ի 1/8 եզրափակիչում է ՈւՂԻՂ․ Բադասյանը ԱԺ-ում ներկայացնում է 2023-ի ՊԵԿ-ի բյուջեի կատարողականը Մեր երկրում «безотчётник» մարդ չպետք է լինի, այս փողոցային բառն եմ ասում, որը իրենցն է, որ հասկանան. Սրբաազան (տեսանյութ) Հայրենի երկրում մեր Սբ Եկեղեցին մարմնավորում է պետության խիղճը. Տեր Ասողիկ աբեղա Կարապետյան «Հայհիդրոմետ» ՊՈԱԿ-ը ներկայացնում է Հայաստանում գետերի ջրի մակարդակը` 20:00-ի դրությամբ 39 շաբաթական հղին տարհանվել է Ախթալայից. մոր և երեխայի առողջական վիճակը բավարար է. ԱՆ ՏԿԵՆ ներկայացնում է այս պահին փակ ճանապարհները և առաջարկում այլընտրանքային երթուղիներ Խաչատուր Սուքիասյանի նյարդային վիճակը հրապարակի պատկերով է պայմանավորված, նրանց աչքերում վախ կա (տեսանյութ)