Միլիարդատերերը որոշել են նվիրաբերել մոտ 50 միլիարդ դոլար

Մոլորակի ամենահարուստ մարդիկ, այդ թվում՝ 11 միլիարդատերեր, միացել են Giving Pledge նախաձեռնությանը. 14 հոգի խոստացել են նվիրաբերել իրենց կապիտալի մեծ մասը, որն ընդհանուր առմամբ գնահատվում է գրեթե 50 միլիարդ դոլար։ Այս մասին չորեքշաբթի՝ դեկտեմբերի 15-ին, հայտնել է նախագծի մամուլի ծառայությունը։

Համաձայնողների թվում են Canva-ի հիմնադիր Մելանի Պերկինսը և Քլիֆ Օբրեխտը, Pinterest-ի համահիմնադիր Բեն Սիլբերմանը, DoorDash սննդի առաքման ծառայության ղեկավար Թոնի Սյուն և միլիարդատեր Ջարեդ Այզեքմանը: Ընդհանուր առմամբ, նախաձեռնությանը միացել է 231 մասնակից աշխարհի 28 երկրներից։

«Ես միշտ հավատացել եմ, որ եթե կարողանում ես ինչ-որ մեկին օգնել, պետք է դա անես»,- ասել է շարժման նախաձեռնող Բիլ Գեյթսը։

Նախաձեռնության գաղափարն այն է, որ երկրագնդի ամենահարուստ մարդիկ պետք է նվիրաբերեն իրենց ունեցվածքի առնվազն կեսը՝ իրենց կյանքի ընթացքում կամ որպես կտակ:

Ավելի վաղ հայտնի էր դարձել, որ Amazon-ի հիմնադիր Ջեֆ Բեզոսի նախկին կինը պատրաստվում է իր 37 միլիարդ դոլար կարողության առնվազն կեսն ուղարկել բարեգործության՝ Giving Pledge-ի շրջանակներում։

Այս թեմայով Բիլ Գեյթսի միջուկային ռեակտորը «փակվել է» Բիլ Գեյթսը նախազգուշացրել է Covid-19-ից շատ ավելի լուրջ համավարակների մասին «Ես անհամբեր սպասում եմ գալիք տարվան». Բիլ Գեյթսը բացահայտել է Երկիրը փրկելու ծրագիրը Բիլ Գեյթսը զգուշացրել է աշխարհին սպառնող նոր մարտահրավերների մասին Որն է համաճարակները հաղթահարելու միակ ուղին․ Բիլ Գեյթս Բիլ Գեյթսը նշել է համաճարակից հետո մարդկությանը սպասվող երկու նոր սպառնալիք Ըստ Բիլ Գեյթսի` հաջորդ համաճարակը կարող է «տասնյակ անգամ» ավելի վատ լինել «Կլինեն լավ նորություններ». Բիլ Գեյթսը համոզված է` 2021 թվականն ավելի լավ տարի կլինի «Ավելի սարսափելի, քան համաճարակը». Բիլ Գեյթսը կանխատեսել է նոր համաշխարհային աղետ