Ինչու արցախցիներին որոշ դեսպանատներ շենգենյան վիզա չեն տրամադրում

Համացանցում տեղեկություններ են տարածվել այն մասին, որ եվրոպական դեսպանատներն այլևս շենգենյան վիզա չեն տրամադրում արցախցիներին՝ ասելով, որ պետք է դիմեն որպես օտարերկրյա քաղաքացիներ։ Նշվում է, որ, մասնավորապես, այդպիսի դեպք եղել է Լեհաստանի դեսպանատանը։ ԼՈԻՐԵՐ․com-ը մեկնաբանություն ստանալու համար դիմեց ՀՀ արտաքին գործերի նախարարություն, որտեղից մեր հարցմանն ի պատասխան` հայտնում են․ «ՀՀ ԱԳՆ-ն ստացել է մի քանի ահազանգ այն մասին, որ առանձին քաղաքացիների վիզա ստանալու դիմումները ԵՄ անդամ երկու տարբեր երկրների դեսպանությունների կողմից չեն ընդունվել՝ կապված ՀՀ-ում հաշվառում չունենալու հետ։ Նշված բոլոր դեպքերում ՀՀ ԱԳՆ միջամտության արդյունքում խնդիրը լուծվել է։ Կոնկրետ երկրների նշումը չի դիտարկվում նպատակահարմար»,- տեղեկացնում են ԱԳՆ-ից։

Նախարարությունից նշում են, որ Արցախում բնակվող ՀՀ քաղաքացիներին՝ որպես օտարերկրյա քաղաքացի դիմելու վերաբերյալ տեղեկություններ երբևէ չեն ստացել։ 

Ավելի վաղ խնդրին անդրադարձել էր նաև Արցախի պետնախարար Արտակ Բեգլարյանը․ «Շենգենյան վիզաների վերաբերյալ լսել եմ մի քանի անհատական դեպքի մասին և կոնկրետ երկրների դեպքի մասով։ Այս երկրների մասով հաջողված դեպքեր էլ են եղել, որից ենթադրում եմ՝ համակարգային խնդիր կամ որոշում չկա ԵՄ երկրների կողմից։ Միգուցե, կոնկրետ երկրների կողմից այդպիսի որոշում կա։ Կոնկրետ դեպքերի դեպքում գիտեմ, որ մեր ԱԳՆ-ն ՀՀ ԱԳՆ-ի հետ համատեղ կարողացել է նաև լուծում տալ նմանատիպ խնդիրների։ Ամեն դեպքում, անընդունելի է որևէ արցախցու ըստ ծագման կամ ծագման վայրի, բնակության վայրի հիման վրա խտրականության ենթարկել, սա էական խնդիր է, եթե այդպիսի ինստիտուցիոնալ խնդիր կա, ուրեմն ՀՀ-ն իր գործընկերների, ՀՀ-ում ներկայացված երկրների հետ համատեղ պետք է լուծում տա»,- նշել էր Արցախի պետնախարարը։  

Սոնա Հարությունյան

Այս թեմայով Արցախցիները պատասխանել են իրենց սպառնացող իշխանություններին (տեսանյութ) Բագրատ Սրբազանը ճիշտ առաջնորդ է, անվերապահ աջակցում եմ նրան. բազմաթիվ արցախցիներ են միացել շարժմանը. Բեգլարյան (տեսանյութ) Փաշինյանին դիմել էինք Արցախից տղաների շիրիմների տեղափոխման հարցով, անտեսել է մեզ․ արցախցիներ Ելքի վիզա չունենալու համար 27-ամյա երիտասարդը Զվարթնոց օդանավակայանի մեկնման սրահի պատշգամբից փորձել է ցած նետվել. ինչ է կատարվել 99 820 արցախցիներ արդեն ստացել են կոմունալների և տան վարձերի համար տրվող գումարները Հարգելի արցախցիներ, ձեր օրհասական խնդիրների լուծման պատասխանատուն կառավարության շենքում է․ Էլիբեգովա Սիրելի՛ արցախցիներ, այս հարցերը վտանգներ են պարունակում, ես երբեք չեմ հրաժարվի բանակցել. Շահրամանյան «Ժողովուրդ». ՔՊ խմբակցության անդամ Լևոն Հովհաննիսյանը դիմել է ԱՄՆ վիզա ստանալու համար Խոշոր ավտովթար` Երևանում. վարորդն ու վիրավորները արցախցիներ են Ճանապարհին մահացած արցախցիներ էլ կան, մարդիկ 40 ժամից ավելի ճանապարհին են եղել․ Անահիտ Ավանեսյան