Ժամանակը չպետք է տարրալուծի պատմական հիշողությունը․ արգենտինացի փոխնախարարի ուղերձը՝ Ցեղասպանության տարելիցի կապակցությամբ

Արգենտինայի արտաքին հարաբերությունների, միջազգային առևտրի և պաշտամունքի նախարարի տեղակալ Պաբլո Տետամանտին ուղերձ է հղել Հայոց ցեղասպանության 107-րդ տարելիցի կապակցությամբ։ «Արմենպրես»-ին տրամադրած ուղերձում, մասնավորապես, ասված է․

«Արգենտինայում այսօր «Գործողություն՝ հանուն ժողովուրդների միջեւ հանդուրժողականության եւ հարգանքի» օրն է՝ 2008թ. թիվ 26199 օրենքի դրույթների համաձայն՝ ի հիշատակումն հարյուր հազարավոր հայերի ցեղասպանության, որը մեկնարկեց 1915թ. ապրիլի 24-ին։

Ժամանակը չպետք է տարրալուծի պատմական հիշողությունը։ Այդ հիշողությունը հանդիսանում է ավելի լավ աշխարհում ապրելու հստակ որոշման ապացույց, որտեղ տարաձայնությունները լուծվում են երկխոսության միջոցով եւ խաղաղ մեթոդներով՝ լսելով դիմացինին եւ հարգելով կյանքը։ Այդ հիշողությունը հանդիսանում է այն հարգանքը եւ պատիվը, որին զոհերն արժանի են։ Արգենտինայի եւ Հայաստանի միջեւ հարաբերույթուններն անկեղծ բարեկամության հարաբերություններ են։ 1915 թվականից ի վեր բազմաթիվ հայ վերապրածներ եկան Արգենտինա՝ փնտրելով խաղաղություն եւ բարեկեցիկ ապագա։ Այդ տղամարդիկ եւ կանայք փայլուն հայ համայնքի ներկայացուցիչներն են, որն արգենտինական հասարակության անբաժանելի մասն է կազմում։ Այդ առաջամարտիկներն ազնվորեն ծառայեցրեցին իրենց աշխատանքը, ազնվությունն ու տաղանդները իրենց հյուրընկալած երկրին։ Այստեղ մեծացան նրանց ժառանգները, այստեղ մշակեցին հողը, կառուցեցին գործարաններ, աչքի ընկան արվեստում, գիտություններում, սպորտում՝ այդպես նպաստելով իրենց նոր երկրի աճին, չմոռանալով իրենց նախնիների Հայրենիքի մասին։ Այսօր, ինչպես յուրաքանչյուր ապրիլի 24-ին, Արգենտինայի կառավարությունը հարգում է Ցեղասպանության զոհերի հիշատակը՝ մի ժեստով, որը վերահաստատում է մեր իրական հանձնառությունը մարդու իրավունքներին եւ Հայաստանի հանդեպ ջերմ վերաբերմունքը։  Խաղաղություն եւ բարեկեցություն հայերին»։

Այս թեմայով Փաշինյանը ջնջում է պատմական նվաճումների մասին հիշողությունը ռազմական և դիվանագիտական դաշտում ՔԿ-ն ցույցերի կապակցությամբ հաղորդում է վարույթ նախաձեռնելու մասին Խաչատուրյանը շնորհավորել է Կոպիրկինին Ռուսաստանի օրվա կապակցությամբ Գերմանիայի ԱԳՆ-ի կարծիքով՝ ՀՀ-ն ու Ադրբեջանը խաղաղության հասնելու պատմական հնարավորություն ունեն Այս շարժման հաջողությունը բոլորիս գիտակցության մեջ այլընտրանք չպետք է ունենա․ Ասպրամ Կրպեյան Արյան դոնորի համաշխարհային օրվա կապակցությամբ Երևանում կանցկացվի բացօթյա արյունատվության ակցիա Կա պատմական հնարավորություն վերջնականացնել խաղաղության համաձայնագիրը. Արարատ Միրզոյան (տեսանյութ) Նրա ուղերձը «հանուն է». հրապարակվել է «Լինել մարդ. Ռուբեն Վարդանյանի մանիֆեստը» ֆիլմը (տեսանյութ) Տավուշում դիրքերի փոփոխություն է եղե՞լ. ՊՆ փոխնախարարի պարզաբանումը Ապօրինի կառուցված և քաղաքաշինական նորմերին չհամապատասխանող որևէ գազաբենզալցակայան Երևանում չպետք է լինի. Տիգրան Ավինյան