Արմեն Գրիգորյանն ամիսներ շարունակ ստել և մոլորեցրե՞լ է հանրությանը (տեսանյութ)

Անվտանգության խորհրդի քարտուղար Արմեն Գրիգորյանը հայտարարեց, որ մինչև այս պահը Հայաստանն ու Ադրբեջանն անկլավների հարց չեն քննարկել:

«Մինչև այս պահն անկլավների հարց չի բարձրացվել: Կարելի է ասել, որ երկու կողմից էլ (Հայաստանի և Ադրբեջանի- խմբ)անկլավ կա, և դրանց տարածքները գրեթե հավասար են, երկու կողմն էլ լուռ է այս հարցում և այն դեռևս չի  քննարկվել: Մեր հույսն այն է և հնարավոր լուծման տարբերակն այն է, որ  Հայաստանի անկլավը թողնվում է Ադրբեջանին, Ադրբեջանի անկլավները, որոնք Հայաստանի տարածքում են, մնում են Հայաստանին: Իհարկե, կա այսպիսի հարց, թե ինչպես են դրանք առաջացել, որոնք շարունակում ենք ուսումնասիրել, բայց ընդհանուր երկարաժամկետ տարբերակը սա է»,- ասել է Գրիգորյանը։

Մինչդեռ ուշագրավ է, որ ընդամենը ամիսներ առաջ Գրիգորյանը այլ հայտարարություններով էր հանդես գալիս: Մասնավորապես՝ Արմեն Գրիգորյանը 2021 թվականի դեկտեմբերի 21-ին հայտարարել է՝ անկլավների հարց չկա, քանզի մեր ուսումնասիրությունները ցույց են տվել, որ Հայաստանի տարածքում անկլավներ չկան: «Եղել են սովետական շրջանում տարբեր տարիներին տարբեր սովխոզների միջև տարածքների փոխանակում, բայց դրանք անկլավներ չեն: Ուստիև, կարծում եմ, որ սահմանազատման և սահմանագծման գործընթացի արդյունքում Հայաստանի ներկայիս սահմանները առանձնապես չեն փոխվի, քանզի անկլավների հարց ՀՀ տարածքում առկա չէ, կա Արծվաշենի անկլավի հարցը, որը ներկայումս գտնվում է Ադրբեջանի տարածքում»,- հավաստել էր Անվտանգության խորհրդի քարտուղարը:

Նույն ժամանակ մեկ այլ դրվագում նա հայտարարել էր, որ իրավական հիմքով անկլավի հարց գոյություն չունի: «Մենք շարունակում ենք քննարկել, ուսումնասիրել այս հարցը, բայց այս պահին մեր ձեռքի տակ գտնվող ամբողջ ինֆորմացիոն փաթեթը, որը գոյություն ունի, այդ փաթեթներով որևէ իրավական հիմք չկա անկլավների հարցով։ Հնարավոր է համայնքի ղեկավարն ինչ-որ որոշում է կայացրել, կամ սովխոզի [советское хозяйство] ղեկավարն ինչ-որ որոշում է կայացրել, բայց դա իրավական հիմք չունի, իրավական հիմք ունեն այն փաստաթղթերը, որոնք գոյություն են ունեցել 20-ական թվականներից մինչև առնվազն 70-ական թվականները։ Այսինքն՝ մեր ուսումնասիրությունները ցույց են տվել, որ այդպիսի հարց չկա», - ասել էր ԱԽ քարտուղարը։

Ի՞նչ է ստացվում. ընդամենը հինգ ամսվա ընթացքում ՀՀ իշխանությունները ոչ միայն ՀՀ-ում ադրբեջանական անկլավներ հայտնաբերեցին, այլ նույնիսկ գտան այն իրավական հիմնավորումը որոնցով դրանք կարող են փոխանցվել Ադրբեջանին: Մինչդեռ հինգ ամիս առաջ ԱԽ քարտուղարը լրիվ այլ մեսիջներ էր հղում հանրությանը: Փաստորեն, ՀՀ բարձրաստիճան պաշտոնյաներից մեկը մի քանի ամիս շարունակ ստել է ՀՀ քաղաքացիներին և փափուկ բարձ դրել հանրության գլխի տակ...

Այս թեմայով Ալիևը ասել է՝ կպահանջեն ոչ անկլավային տարածքները, հետո անկլավայինը, հետո ճանապարհ դեպի անկլավներ Չկան ութ գյուղերի անկլավներ, հորինել է այս պարոնը, ինչպես՝ Ալմաթիի դեկլարացիան. Արամ Սարգսյան Հայաստանի ո՞ր գյուղերն են անկլավներ․ լրագրողը՝ ԱԱԾ պետին ՀՀ-ի պատմական հողերը Բաքուն համարում է իրենը՝ պահանջելով «Զանգեզուրի միջանցք» և անկլավներ․ Դե Վաալ «Կլինի մեզ բացատրեք` այդ ի՞նչ 8 անկլավներ են․ 1974 թ-ի քարտեզում 3 անկլավ կա». Հրանտ Բագրատյան Անորոշություն՝ «անկլավների» հարցում. ՔՊ-ականները միմյանց հակասում են Փորում են երրորդ գիծ խրամատներ, որ գյուղերը հանձնեն թուրքին, իսկ Շամշադինն ու Նոյեմբերյանն էլ կդառնան անկլավներ. Զոհրաբյան