Նիկո՛լ, տղա ես, մտիր ժողովրդի մեջ եւ կզգաս՝ ինչ է մտածում ժողովուրդը քո մասին. Սաղաթելյան

Ֆրանսիայի հրապարակում հրավիրված հանրահավաքին այսօր՝ մայիսի 11–ին, ԱԺ փոխնախագահ. ՀՅԴ ԳՄ անդամ Իշխան Սաղաթելյանը բացատրեց, թե ինչու էին որոշել այսօր շրջափակել Երեւանի քաղաքապետարանի շենքը։

«Որովհետեւ ՔՊ–ն քաղաքապետարանը դարձրել է իր դուքյանը, որովհետեւ մարդկանց հետապնդում են, ճնշում են իրենց հայացքների համար, սպառնում են հանրահավաքներին մասնակցելու համար եւ այդ կառույցը ծառայում է ոչ թե երեւանցիներին, այլ օրվա չարիք իշխանությանը։ Հետեւաբար, մենք հերթով նման կառույցները շրջափակելու ենք եւ հասնելու ենք նրան, որ երկրում ստեղծվի լիարժեք երկիշխանություն։ Այսօր շենքը շրջափակել ենք 2 ժամ, ապա եթե խելքի չգան՝ վաղը փակելու ենք 4 ժամ, մյուս օրը՝ 6 ժամ, մինչեւ հասնենք վերջնական շրջափակման»,-ասաց Իշխան Սաղաթելյանը։

Ըստ ԱԺ փոխնախագահի՝ Հայաստանում ընթացող պայքարին զուգահեռ բուռն գործողություններ են տեղի ունենում սփյուռքում։

«Սա համազգային դիմադրություն է։ Նիկոլ, տեսա՞ր ոնց դիմավորեցին քեզ Նիդերլանդների մեր հայրենակիցները, ողջ հայ ժողովուրդն է այդպես մտածում քո մասին։ Պարզապես դու Հայաստանում ման ես գալիս ավտոշարասյունով, պաշտպանվում ես ոստիկանական պատնեշով եւ չես տեսնում, թե ինչ է մտածում ժողովուրդը քո մասին։ Ժամանակ կար՝ փողոցում հեծանիվ էիր քշում, գիրք էիր նվիրում, մարտի 8–ին ծաղիկներ էիր բաժանում,  Նիկո՛լ, տղա ես, մտիր ժողովրդի մեջ եւ կզգաս՝ ինչ է մտածում ժողովուրդը քո մասին»,-ասաց Սաղաթելյանը։

Սաղաթելյանն անդրադարձավ վարչապետ Նիկոլ Փաշինյանի արտասահման գործողումներին եւ նշեց, թե նա հայ ժողովրդին ներկայացնելու մանդատ չունի, հետեւաբար, իր հետ ձեռքբերված որեւէ պայմանավորվածություն առոչինչ է։

ԱԺ փոխնախագահը հայտարարեց՝ իրենց պայքարն անկասելի է. Հայաստանը չի թուրքացվելու, իսկ Արցախն էլ երբեք Ադրբեջանի կազմում չի լինելու։

Այս թեմայով Իշխան Սաղաթելյանի ճեպազրույցը ՀՀ այս իշխանությունը դատարկում է Հայաստանը հայկական բովանդակությունից. Իշխան Սաղաթելյան (տեսանյութ) Մայիսի 26-ին ժամը 16:00-ին լինելու եմ Հանրապետության Հրապարակում, որովհետև ուզում եմ արժանապատիվ ապրել. Իշխան Գևորգյան «Ազատազէն» խորհրդի անդամ (տեսանյութ) Անկհայտ է, որ թուրքական շահերը սպասարկող օլիգարխը ջղաձգումների մեջ է․ Իշխան Սաղաթելյանը՝ Խաչատուր Սուքիասյանին Չեմ փախել, երբ Փաշինյանի վարկանիշը 90% է եղել, 70%, հիմա պիտի փախչե՞մ, երբ 7 % է. Վազգեն Սաղաթելյան (տեսանյութ) Հանդիպել եմ Իշխան Զաքարյանի հետ, չի մերժել միանալու այս գործընթացին. Բագրատ Սրբազան Ինչո՞ւ ընդդիմությունը չի աջակցում Տավուշյան շարժմանը․ Իշխան Սաղաթելյանի պարզաբանումը Խուճապի մեջ են, փորձում են ջարդեն տեղերում դիմադրությունը, որ պայքարը չտարածվի. Սաղաթելյան (տեսանյութ) Փաշինյանի հանձնումների շղթան սրանով չի սկսվել ու սրանով չի ավարտվելու․ Իշխան Սաղաթելյան (տեսանյութ) Նիկոլը վախենում է ու ճիշտ է անում, պատմությունը չի ներում դավաճաններին. Վազգեն Սաղաթելյան