3000 դրամը մեծ չի թվում, սակայն տոկոսային առումով նշանակում է 16.6% բարձրացում, ինչը քիչ չի. Բաբկեն Թունյան

ԱԺ «Քաղաքացիական պայմանագիր» խմբակցության պատգամավոր Բաբկեն Թունյանը ֆեյսբուքյան իր էջում գրառում է արել՝ անդրադառնալով կենսաթոշակներն ու նպաստները բարձրացնելու Կառավարության որոշմանը։

Գրառումը ներկայացնում ենք ստորև․

«Ինչպես արդեն հայտարարվեց, 2022թ. սեպտեմբերի 1-ից կբարձրացվեն կենսաթոշակները և նպաստները:

Քանի որ աչքովս ընկան որոշ հեգնական և քննադատական գրառումներ, որոշ պարզաբանումներ ներկայացնեմ կենսաթոշակների վերանայման վերաբերյալ:
3000 հազար դրամով (18 հազարից 21 հազար) ավելանում է ոչ թե միջին, այլ ՀԻՄՆԱԿԱՆ (բազային) կենսաթոշակի չափը, որի հիման վրա հաշվարկվում է աշխատանքային կենսաթոշակը:
Այսինքն, այն հիմնական թոշակը, որի վրա կախված ստաժից գործակիցներ են կիրառվում, և մարդը ստանում է ավելի շատ: Սա նշանակում է, որ միջին կենսաթոշակն ավելանում է ԱՌՆՎԱԶՆ 3000 դրամով:

Բացարձակ առումով 3000 դրամն իհարկե մեծ թիվ չի թվում, սակայն տոկոսային առումով սա նշանակում է 16.6% բարձրացում, ինչը քիչ չի:
 Սա միջանկյալ բարձրացում է՝ սեպտեմբերի 1-ից: 2023 թվականի հունվարի 1-ից ևս մեկ անգամ թոշակները կվերանայվեն, ինչպես հայտարարվել է:
Կառավարությունը իր 2021-2026թթ. ծրագրով խոստացել է, որ մինչև 2026 թվականը
միջին կենսաթոշակը բարձր կլինի սպառողական զամբյուղի արժեքից,
իսկ նվազագույն կենսաթոշակը՝ պարենային զամբյուղից:

ԱՆԿԱԽ ՆՐԱՆԻՑ, թե որքան կարժենան պարենային և սպառողական զամբյուղները:

Սա նշանակում է, որ կենսաթոշակներն ավելի արագ են աճելու, քան սպառողական զամբյուղի արժեքը:

Սա նշանակում է, որ թոշակառուն իր թոշակով կկարողանա հոգալ գոնե մինիմալ կարիքները:
Որքան էլ ոմանց սա դուր չգա, որքան էլ նեղվեն, որ կառավարությունը անելու է այն, ինչ իրենց 20 տարի չի հաջողվել, մենք ամեն ինչ անելու ենք, որ դա իրականություն դառնա»:

Այս թեմայով ԱԺ-ն Լաչինի միջանցքի փակման հետ կապված նիստ է անցկացնելու. Բաբկեն Թունյան Օտարերկրյա ուղղակի ներդրումները կտրուկ աճել են՝ մոտ 80 տոկոսով. Բաբկեն Թունյան Հայաստանի պարտքային բեռը էապես նվազել է 2 պատճառով. ինչ է դա տալու երկրին. Բաբկեն Թունյան Հայաստանի տնտեսական ակտիվության աճի տեմպն արագացել է․ Բաբկեն Թունյան «Մինչև որոշենք, թե հիվանդի համար դեղը ով պետք է գնի, հիվանդը կմահանա». Բաբկեն Թունյան Կարտոֆիլը թանկացել է, որովհետեւ պահանջարկն ավելացել է․ Բաբկեն Թունյան Ստեղծված իրավիճակում իրանցիները կփորձեն խուսափել այդ ճանապարհով Հայաստան ապրանքներ ներմուծելուց. Թունյան «Ժողովուրդ». Ինչու Բաբկեն Թունյանը հայտնվեց լուսանցքում Տնտեսությունն աճի նշաններ է ցույց տալիս. երկնիշ աճ է գրանցվել շինարարությունում, արդունաբերությունում. Թունյան Աննախադեպ քայլ է, երբ իշխանությունը ցանկանում է վերահաստատել իր մանդատը. Բաբկեն Թունյան