Ադրբեջանն ու Հայաստանը կարող են մի քանի ամսում խաղաղության պայմանագիր ստորագրել. Ալիև

Ադրբեջանի նախագահ Իլհամ Ալիևը հայտարարել է, որ Ադրբեջանն ու Հայաստանը կարող են խաղաղության պայմանագիր պատրաստել և ստորագրել մի քանի ամսվա ընթացքում, գրում է Interfax-ը։

«Կարծում եմ, որ մենք կարող ենք ավարտին հասցնել աշխատանքը և խաղաղության պայմանագիր կնքել մի քանի ամսվա ընթացքում»,- ասել է Ալիևը իտալական Il Sole 24 Ore թերթին տված հարցազրույցում։

Իրադարձությունների նման զարգացումը նա իրական է համարում, «եթե հայկական կողմը նույն կամքը դրսևորի»։

«Ալիևը Եվրոպական խորհրդի ղեկավար Շառլ Միշելի միջնորդությամբ օգոստոսի 31-ին Բրյուսելում կայացած Հայաստանի վարչապետ Նիկոլ Փաշինյանի հետ բանակցությունների կարևոր արդյունքներից է համարել Հայաստանի Ադրբեջանի արտգործնախարարների հանդիպման մեկնարկի պայմանավորվածությունը խաղաղության համաձայնագրի շուրջ բանակցությունների վերաբերյալ։ Նա նշել է, որ Ադրբեջանը խաղաղության համաձայնագիր կնքելու առաջարկ է ներկայացրել Ղարաբաղյան Երկրորդ պատերազմի ավարտից գրեթե անմիջապես հետո։

«Մենք ասացինք, որ մեզ պետք է խաղաղություն, խաղաղության պայմանագիր։ Հայաստանին սրան համաձայնելու համար պահանջվեց մոտ երկու տարի։ Կարծում եմ՝ դա հանդիպման ամենակարեւոր արդյունքներից մեկն էր»,- ասել է Ալիևը։ Նա հավելել է, որ շատ բան կախված կլինի բանակցությունների առաջընթացից՝ «ինչպիսին կլինի ժամկետը և բովանդակությունը»։

Ալիևն ասել է, որ խաղաղության պայմանագիրը կառուցվելու է Բաքվի կողմից առաջ քաշված և Երևանի կողմից ընդունված հինգ հիմնական սկզբունքների հիման վրա»,-գրում է պարբերականը։

Այս թեմայով Ադրբեջանը հայտնում է երկու վիրավորի մասին Ֆրանսիան շահագրգռված չէ տարածաշրջանում խաղաղության և կայունության հաստատմամբ. Բաքուն մեղադրանքներ է հնչեցրել Ալիևը ՌԴ դեսպանի հետ խոսել է «տրանսպորտային միջանցքի կարևորության» մասին Պուտինն Էրդողանի հետ կքննարկի հայ-ադրբեջանական հարաբերությունները Ադրբեջանն ու Հայաստանը պատրաստ չեն որևէ պայմանով հաշտության պայմանագիր կնքել. ՌԴ ԱԳՆ Առանց ռուս խաղաղապահների՝ «Ղարաբաղի հայերի» հետ ավելի հեշտ էր շփվել. Ալիև Ադրբեջանն ազատ է ցանկացած որոշում ընդունելու. Թուրքիայի ԱԳ նախարարը խոսել է Լաչինի ու «Զանգեզուրի միջանցքի» մասին Ադրբեջանը վտանգի տակ է դնում ընթացող խաղաղ բանակցությունները. Փալոուն Ռուսաստանն անհանգստացած է ԱՄՆ-ի՝ Բաքու-Ստեփանակերտ երկխոսության մեջ իր միջնորդական ծառայությունները պարտադրելուց. ՌԴ ԱԳՆ Ադրբեջանի և Հայաստանի միջև տրանսպորտային հաղորդակցությունների ապաշրջափակման վրա վերահսկողություն է իրականացնելու Ռուսաստանի ԱԴԾ-ն. Մուստաֆաև