30 երկրների պաշտոնյաներ կքննարկեն ՌԴ-ի դեմ պատժամիջոցները. նախաձեռնողը՝ ԱՄՆ-ն է
ԱՄՆԱՄՆ Ֆինանսների նախարարության, առևրի նախարարության և ազգային հետախուզության վարչության ներկայացուցիչները ուրբաթ՝ հոկտեմբերի 14-ին, հանդիպում կանցկացնեն ավելի քան 30 երկրների գործընկերների հետ, որոնք Վաշինգտոնի հետ միասին պատժամիջոցներ և արտահանման սահմանափակումներ են սահմանել Ռուսաստանի դեմ՝ Ուկրաինայում ռուսական հատուկ ռազմական գործողությամբ պայմանավորված:
Հանդիպման նախաձեռնողը Միացյալ նահանգների ֆինանսների նախարարությունն է, հաղորդում է ՏԱՍՍ-ը:
«Հանդիպման ժամանակ, որը կազմակերպվում է ԱՄՆ Ֆիննախի կողմից, ամերիկացի պաշտոնյաներն իրենց գործընկերներին նոր տեղեկություններ և վերլուծություններ կտրամադրեն այն մասին, թե ինչ ազդեցություն կարող են թողնել պատժամիջոցները և արտահանման վերահսկման միջոցները ռուսական ռազմաարդյունաբերական համալիրի և պաշտպանության ոլորտի մատակարարման շղթաների վրա», - ասվում է փաստաթղթում: