Չավուշօղլուն և Աքարը մեկնաբանել են Հնդկաստանի և Իրանի կողմից Հայաստանին զենք մատակարարելը

Թուրքիայի արտգործնախարար Մևլութ Չավուշօղլուն մեկնաբանել է Հնդկաստանի և Իրանի կողմից Հայաստանին զենք մատակարարելը։

Vesti.az-ը հայտնում է, որ APA-ի հարցին ի պատասխան՝ նախարարն ասել է, որ 30 տարի անց բոլորը տեսան, որ այս հակամարտությունը չի լուծվի զենքի մատակարարման միջոցով։

 «Ներկայումս Կովկասում բոլորը պետք է խոսեն խաղաղության և կայունության մասին։ Պետք է խոսել կարևոր ծրագրերի իրականացման մասին, այդ թվում՝ Միջին միջանցքը, որը շատ կարևոր է դարձել։ Պարենային և էներգետիկ ճգնաժամը բազմաթիվ հնարավորություններ է ստեղծել։ Մենք պետք է կենտրոնանանք խաղաղության և համատեղ աշխատանքի վրա, ոչ թե զենքի վրա»,- ասել է նա։

Խոսելով Թուրքիայի և Հայաստանի միջև հարաբերությունների կարգավորման գործընթացի մասին՝ Չավուշօղլուն նշել է, որ հատուկ ներկայացուցիչների միջև բանակցությունները շարունակվում են։

«Մեր նախագահ Ռեջեփ Թայիփ Էրդողանը Պրահայում հանդիպել է նաև Հայաստանի վարչապետ Նիկոլ Փաշինյանի հետ։ Հաջորդ փուլում հատուկ ներկայացուցիչները կշարունակեն հանդիպումները։ Արդյունքում որոշակի քայլեր են ձեռնարկվել վստահությունը բարձրացնելու համար։ Օդային տարածքը բացվեց, և մենք նման անկեղծ ժեստեր արեցինք։ Մենք միշտ ասում ենք, որ և՛ Ադրբեջանը, և՛ Թուրքիան անկեղծ են հարաբերությունների կարգավորման գործընթացում։ Ուստի Ադրբեջանն առաջարկում է համապարփակ խաղաղության պայմանագիր»։

Չավուշօղլուն ասել է, որ առաջիկա փուլում Հայաստանի հետ հարաբերությունների կարգավորման գործընթացը կքննարկվի՝ համաձայնեցնելով Ադրբեջանի հետ։

«Մենք շարունակելու ենք հանդիպումները Հայաստանի հետ։ Մենք անկեղծ ենք հարաբերությունների կարգավորման հարցում»,- ասել է նա։

Թուրքիայի ազգային պաշտպանության նախարար Հուլուսի Աքարն իր հերթին ավելի կոշտ է արտահայտվել Հնդկաստանի կողմից Հայաստանին զենք վաճառելու մասին՝ ասելով, որ իրեն չի հետաքրքրում, թե նրանք ինչով են զբաղվում։

«Այն, ինչ նրանք անում են, մեզ չի մտահոգում։ Հայրենիքը պաշտպանելու համար մենք աշխատում ենք «եթե մեռնենք՝ շեհիդ ենք, եթե ողջ մնանք՝ ղազեր ենք» մտածելակերպով։ Այս մտքերով են աշխատում թե՛ ադրբեջանական բանակը, թե՛ Թուրքիայի զինված ուժերը։ Ինչ էլ որ անեն։ Մենք պատրաստ ենք պաշտպանել մեր հայրենիքը, մեր ազգը, մեր հողը ցանկացած զենքից»,- ասել է նախարարը։

Այս թեմայով Ռուբեն Ռուբինյանը Բելգիայի դեսպանին է ներկայացրել Հայաստան-Թուրքիա հարաբերությունների կարգավորման ներկա փուլը Հռոմի պապը մտադիր է հաջորդ տարի Թուրքիա այցելել Թուրքիայի ԱԳՆ-ն միջազգային հանրությանը կոչ է արել ճանաչել Պաղեստինը Թուրքիայում բյուզանդական վանքը վերածել են մզկիթի Ադրբեջանի և Թուրքիայի արտգործնախարարները հանդիպել են Ադրբեջանը կմասնակցի Թուրքիայում կայանալիք զորավարժություններին Թուրքիան դադարեցրել է առևտուրն Իսրայելի հետ ԱՄՆ-ը պատժամիջոցներ է սահմանել Թուրքիայում և Ադրբեջանում գործող ընկերությունների դեմ Թուրքիան որոշել է միանալ Արդարադատության միջազգային դատարանում Իսրայելի դեմ հայցին Ստամբուլում 210 ցուցարար է բերման ենթարկվել (տեսանյութ)