Ընկած երկնաքարն այրել է տղամարդու ողջ ունեցվածքը և սպանել նրա շանը (տեսանյութ)

Բասկետբոլի գնդակի չափ երկնաքարն ընկել է ԱՄՆ Հյուսիսային Կարոլինա նահանգի բնակչի տան մոտ, այրել նրա տունը, զրկել ունեցվածքից ու սպանել շանը։ Այս մասին հայտնում է Daily Star-ը։

Ինքը՝ վիրավոր Դասթին Պրոսիտան, չի տեսել իր տունը ավերած երկնաքարը։ «Ես չտեսա, թե դա ինչ էր: Յուրաքանչյուր ոք, ում հետ խոսել եմ, պնդում է, որ տեսել է երկնքից ընկնող հրե գնդակ», - բացատրել է տղամարդը: Հարևանները կիսվել են երկնաքարի անկման պահի տեսանյութերով։ Կադրերում երևում է, թե ինչպես է ընկնող հրե գնդակը լուսավորում ամբողջ թաղամասը:

«Ես լսեցի ուժեղ պայթյուն և ծխի հոտ զգացի։ Դուրս եկա շքամուտք, և ամբողջը կրակի մեջ էր։ Մանուկ հասակում ես միշտ սիրում էի դիտել երկնաքարային անձրևներ, բայց չէի սպասում, որ դրանցից մեկը կընկնի իմ բակում կամ կջարդի իմ տան տանիքը», - ասում է ավերիչ հրդեհից փրկվածներից մեկը:

Նրա շներից մեկը՝ Թագ անունով, հայտնվել է տան ներսում և սատկել։ Տան տերը պատմել է, որ ինքն ու կինը՝ Ժանետը, հրդեհից կորցրել են իրենց ողջ ունեցվածքը և մնացել անօթևան։ «Իմ բախտը հաստատ շատ էր բերել, որ դա տեղի ունեցավ ինձնից ինը մետր հեռավորության վրա, և ոչ մի մետր հեռավորության վրա: Ասում են՝ դրա հնարավորությունը չորս տրիլիոնից մեկն է, ուստի պետք է վիճակախաղի տոմս գնեմ»,- ընդգծել է ամերիկացին։

Տեղի հրշեջ ծառայության ներկայացուցիչ Քլեյթոն Թոմասը հայտնել է, որ ինքը երբեք չի աշխատել երկնաքարի հետևանքով առաջացած հրդեհի վրա: Տեղի իշխանությունները հայտարարել են, որ չի կարելի բացառել, որ երկնաքարը բախվել է տանը, թեև միջադեպի պատճառների հետաքննությունը շարունակվում է:

Այս թեմայով Սաուդյան Արաբիայում երկնաքար է ընկել (տեսանյութ) Նորվեգիայում հսկայական երկնաքար է ընկել (տեսանյութ) NASA-ն հայտնել է Երկիր մոլորակին հինգ երկնաքարի մոտենալու մասին Երկրին է մոտենում մինչև 200 մետր տրամագծով երկնաքար Հայաստանի տարածքից նկատված երկնաքարը հնարավոր է՝ ընկել է Թուրքիայում Հայաստանի գիշերային երկնքում արտացոլված երկնաքարը իրականում ընկել է Թուրքիայի տարածքում․ Daily Sabah (տեսանյութ)