Ինչ գնահատականներ էր ժամանակին հնչեցնում Փաշինյանը՝ Արթուր Ջավադյանի և Էդմոն Մարուքյանի հասցեին (տեսանյութ)

Վերլուծական 21 Նոյեմբեր, 2022 20:23

Մինչ 2018 թվականին տեղի ունեցած Թավշյա հեղափոխությունը և դրանից ամիսներ անց էլ Նիկոլ Փաշինյանը տարբեր առիթներով խոսել է նախկին իշխանության ճամբարում հանգրվանած պաշտոնյաների մասին, տվել նրանց գործունեությանը այս կամ այն՝ ոչ միշտ հաճելի գնահատականներ: Այնպես է ստացվել, որ հեղափոխությունից հետո Փաշինյանի իշխանության գալուց հետո՝ երկու անձ՝ ԿԲ նախկին նախարար Արթուր Ջավադյանը և Փաշինյանի երբեմնի թիմակից Էդմոն Մարուքյանը, սիմվոլիկ, սակայն կարևոր պաշտոններ ստացան: Նրանք նշանակվեցին հատուկ հանձնարարություններով դեսպաններ: Ուշագրավը, սակայն, այն է, որ Փաշինյանի մինչ այս նշանակումները բավականին ուշագրավ հայտարարություններ և էպիտետներ է հնչեցրել Ջավադյանի և Մարուքյանի հասցեին:

Դիցուք՝ Արթուր Ջավադյանի պաշտոնավարման տարիներին ընդդիմադիր Փաշինյանի և նրա միջև թեժ քննարկումներ էին գնում ԱԺ-ում:

Արթուր Ջավադյանը պարզաբանումները որոշ ապրանքների գների աճի հետ կապված պատգամավոր Փաշինյանի մոտ բուռն ծիծաղ էին առաջացնում:

Փաշինյանը ԱԺ-ում նաև հայտարարում էր, որ պետության կողմից ստացված վարկերը աննպատակ են ծախսվում, մսխվում են

Ինչ վերաբերվում է Էդմոն Մարուքյանին, ապա Փաշինյանը այստեղ էլ է աչքի ընկել: Դիցուք՝ նա նույնիսկ ծաղրում էր իր սեփական թիմակցի հնչեցրած տեսակետը:

Հեղափոխությունից հետո թեժ բանավեճերի պակաս կրկին չի զգացվել: Ըստ Մարուքյանի՝ Փաշինյանը շատ ու շատ հարցերում այդպես էլ դասեր չի քաղել:

Իսկ, ըստ վարչապետ Փաշինյանի, իր երբեմնի թիմակիցը դեռևս երկու տարի առաջ շատ ու շատ բաներ տեղը չէր բերում:

Երկու տարի առաջ Մարուքյանը այն կարծիքին էր, որ պարտված առաջնորդը պետք է հեռանա:

Իսկ ահա թե ինչպես զարմանալիորեն արագ փոխվեց Մարուքյանի տոնայնությունը դրանից հետո:

Ինչպես տեսնում ենք՝ չնայած այն հանգամանքին, որ հեղափոխությունից առաջ որպես ընդդիմադիր պատգամավոր և հեղափոխությունից հետո էլ որպես վարչապետ Փաշինյանը շատ է քննադատել վերը նշված երկու գործիչներին, այնուամենայնիվ նրանց որոշել է անգործ չթողնել: Սակայն, էլ ավելի ուշագրավ է այն, որ այդ քննադատություններից և մեղադրանքներից հետո վերջիններս համաձայնվել են համագործակցել Փաշինյանի հետ և այսօր որպես հատուկ հանձնարարություններով դեսպաններ հրապարակավ վարչապետին ամենուր պաշտպանում և աջակցում են: Ինչպես ասում են՝ իշխանությունը քաղցր բան է...