Բելառուսում ներկայացվել է Հայաստանի ոչ նյութական մշակութային ժառանգության պահպանության փորձը

Բելառուսի մայրաքաղաք Մինսկում անցկացվել է «ԱՊՀ երկրների ոչ նյութական ժառանգության պահպանումը գլոբալ մարտահրավերների համատեքստում» միջազգային գիտագործնական սեմինարը, որին մասնակցել են նաև ՀՀ ներկայացուցիչները:

Սեմինարին զեկույցներով հանդես են եկել Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի և Ուզբեկստանի ոչ նյութական մշակութային ժառանգության պահպանության ոլորտի գիտահետազոտական կազմակերպությունների, մշակութային և կրթական հաստատությունների մասնագետները՝ ներկայացնելով ոչ նյութական մշակութային ժառանգության պահպանման իրենց երկրների փորձը։

Հայաստանից հանդես են եկել ՀՀ ԳԱԱ «Շիրակի հայագիտական հետազոտությունների կենտրոն» ՊՈԱԿ-ի ավագ գիտաշխատող, պատմական գիտությունների թեկնածու Կարինե Բազեյանը՝ «Հայկական ժողովրդական արվեստի զարգացման դինամիկան. ավանդույթ և արդիականություն» և «Հովհաննես Շարամբեյանի անվան ժողովրդական արվեստների թանգարան» ՊՈԱԿ-ի տնօրենի տեղակալ Գայանե Ասլանյանը՝ «Ոչ նյութական մշակութային ժառանգության պահպանությունը Հայաստանի համայնքներում» զեկուցումներով:

Ոչ նյութական մշակութային ժառանգության խնդիրներին վերաբերող համանման հանդիպումները նպաստում են ԱՊՀ տարածաշրջանում ոչ նյութական մշակութային ժառանգության պահպանության գործընթացների առավել արդյունավետ իրականացմանը, ինչպես նաև միջազգային հարթակներում Հայաստանի մշակութային ժառանգության հանրահռչակմանը:

Այս թեմայով Մենք եղբայրների պես ենք. Լուկաշենկոն՝ Բելառուս-Ադրբեջան հարաբերությունների մասին Բելառուսի հետ սահմանին հարձակվել են լեհ զինվորականների վրա ԵՄ-ում հայտարարել են, որ չեն պատրաստվում որևէ մեկի վրա հարձակվել Բելառուսական շուկան փակվում է. Արևմուտքի հետ «սիրախաղի» առաջին ծիծեռնակները Բելառուսում արգելվել է «Արարատի կոնյակի գործարանի» արտադրանքի ներմուծումն ու իրացումը ՀՀ ԿԸՀ անդամները դիտարկել են Բելառուսի խորհրդարանական և ՏԻՄ ընտրությունները Լիտվան իր զինվորականներին արգելել է մեկնել Բելառուս, Ռուսաստան և Չինաստան Մինսկը հայտարարել է, որ իր դաշնակիցների վրա հարձակումը կդիտվի որպես ագրեսիա իր դեմ Որ անցակետով կարելի է հատել ռուս-բելառուսական պետական սահմանը. իրազեկում վարորդներին Վայոց ձորում քննարկվել են հայ-բելառուսական համագործակցության հեռանկարները