Մեքենայով 90 մետր բարձրությունից ընկած զույգին փրկել է սմարթֆոնը

ԱՄՆ Կալիֆորնիայում սմարթֆոնն օգնել է մեքենայով 90 մետր բարձրությունից ընկած զույգին փրկվել ու դուրս գալ Կապիկների կիրճից։ Այս մասին հայտնում է The New York Times-ը։

Երեքշաբթի օրը՝ դեկտեմբերի 13-ին, 23-ամյա Քլոե Ֆիլդսն ու նրա ընկերը՝ 24-ամյա Քրիստիան Սելադան, երթևեկում էին Կապիկների կիրճի մոտով։ Ինչ-որ պահի նրանց մեքենայի հետևում հայտնվել է սպիտակ Mercedes-Benz-ով մի կին և սկսել ազդանշան տալ։

Սելադայի խոսքով՝ որոշել էր թույլ տալ, որ նա անցնի, սակայն այդ պահին նրա մեքենան անցել է մանրախիճի վրայով, կորցրել հավասարակշռությունը, բախվել մի քանի ծառերի, գլորվել ու ընկել ձորը։ Զույգը հրաշքով ողջ է մնացել. «Հիշում եմ՝ կրկնում էի՝ «լավ ենք, լավ ենք», երբ մեքենան ներքև էր թռչում»,- ասել է Ֆիլդսը։

Այն բանից հետո, երբ Քլոեն և Քրիստիանը դուրս են եկել մեքենայից, նրանք բախվել են խնդրի․ ձորում հեռախոսները կապ չէին տալիս և իրենք չէին կարողանում փրկարարներին կանչել։ Սակայն շուտով պարզ դարձավ, որ ամեն ինչ այնքան էլ անհույս չէ։ Չնայած այն հանգամանքին, որ Ֆիլդսի հեռախոսի էկրանը կոտրվել էր, այն շարունակում էր աշխատել և առաջարկել էր սեփականատիրոջը դիմել շտապօգնության ծառայություն՝ օգտագործելով Emergency SOS ֆունկցիան, որն աշխատում է արբանյակի միջոցով։ Հեռախոսը օգտատիրոջ՝ մի քանի կարճ հարցերի պատասխանները փոխանցում է փրկարար ծառայությանը, ինչպես նաև հայտնում է անձի գտնվելու վայրը։

Ծառայության աշխատակիցներն արձագանքել են կանչին և նշված վայր ուղարկել փրկարարներ։ Նրանք ժամանել են ուղղաթիռով, վերցրել տուժածներին ու տեղափոխել հիվանդանոց։ «Մենք ունենք միայն դեմքի կապտուկներ, կտրվածքներ, պարանոցի հատվածում մի փոքր ցավ և թեթև ուղեղի ցնցում», - ասել է Ֆիլդսը: Որոնողափրկարարական խմբի համակարգողը նշել է, որ նման միջադեպերը սովորաբար ավարտվում են մահով, ուստի Քլոեի ու Քրիստիանի դեպքն իսկական հրաշք է։

Այս թեմայով Տավուշի մարզում ողբերգական ավտովթար է տեղի ունեցել․ կա զոհ ու վիրավոր Խոշոր ավտովթար՝ Շիրակի մարզում. Արթիկում «KamAZ»-ը կողաշրջվել է. կա վիրավոր Խոշոր ավտովթար՝ Կոտայքի մարզում Խոշոր ավտովթար՝ Աշտարակի կամրջի վրա. «Lada»-ն մխրճվել է երկաթե արգելապատնեշների մեջ. կա վիրավոր Խոշոր ավտովթար՝ Արագածոտնի մարզում. բախվել են «ԶԻԼ»-ն ու «ՎԱԶ 2107»-ը,կա վիրավոր Խոշոր ավտովթար՝ Թբիլիսյան խճուղում. բախվել են «Mitsubishi Pajero»-ն ու «Opel Astra»-ն. կա 6 վիրավոր Խոշոր ավտովթար Տաշիրում. բախվել են «ԴԱՖ» բեռնատարն ու 2 մարդատար մեքենա. կա 1 զոհ, 5 վիրավոր Շղթայական ավտովթար՝ Երևան-Աշտարակ ճանապարհին Խոշոր վթար «Գայի պոստի» մոտ. վիրավnրների մեջ կան դերասան ու տիկտոկեր Ավտովթար Ճամբարակ-Բերդ ավտոճանապարհին. կան տուժածներ և զոհ