Ամեն ինչ արել ու անելու ենք, մնում է՝ մեր քաղաքացիները հասկանան, որ այդ ուղին լավ բանի չի բերի. Ալեն Սիմոնյանը՝ խաղամոլության մասին

ՀՀ ազգային ժողովի նախագահ Ալեն Սիմոնյանը վստահեցնում է, որ «Քաղաքացիական պայմանագիր» կուսակցությունը մինչև վերջ ի կատար է ածում խաղամոլության դեմ պայքարի իր հանձնառությունը. իշխանությունը շարունակելու է այդ ուղղությամբ քայլեր ձեռնարկել, սակայն Սիմոնյանը կարևորում է, որ քաղաքացիները հասկանան՝ այդ ուղին որևիցե լավ բանի չի բերելու:  ԱԺ նախագահն այս մասին ասաց ԱԺ արտահերթ նիստում՝ նախագծի քննարկման ժամանակ, որով սահմանվում է, որ ՀՀ-ում խաղային բիզնեսի ներկայացուցիչների անվանումներով հեռուստաընկերություն, ռադիոընկերություն չի կարող լինել:

««Քաղաքացիական պայմանագիր» կուսակցությունն իր ընտրողների առջև իր հանձնառությունն ի կատար է ածում մինչև վերջ»,-ասաց ԱԺ նախագահը:

Սիմոնյանը թվարկեց այն քայլերը, որոնք իշխանությունն իրականացրել է՝ խաղամոլության դեմ պայքարի համատեքստում: Օրինակ՝ ԱԺ-ն սահմանափակել է փողոցում առկա խաղամոլության գովազդները, արգելել է գովազդը հեռուստատեսությամբ, կայքերում: «ԱԺ-ն նույնիսկ հիմա քվեարկելու է, որ քողարկված գովազդը՝ ի դեմս ռադիոընկերությունների անվանումների, հեռուստաընկերությունների անվանումների, չլինի: Այսօր ֆուտբոլի առաջնության ավարտից հետո շատ-շատ քաղաքացիներ «բողոքում են», որ չեն  կարողանում, շատ դժվար է խաղադրույք կատարելը, ինչն ուրախալի բողոք է»,-ասաց Սիմոնյանը:

Նա շնորհակալություն հայտնեց ԱԺ պատգամավորներին, որոնք զբաղվել են այդ խնդրի լուծմամբ:

«Կարծում եմ՝ մենք մեր կողմից ամեն ինչ արել ենք և անելու ենք: Մնում է՝ մեր քաղաքացիները հասկանան, որ այդ ուղին որևիցե լավ բանի չի բերի և ավելի ուշադիր ու պատասխանատու վերաբերվեն իրենց անձին, իրենց ընտանիքին ու իրենց աշխատած գումարներին»,-եզրափակեց ԱԺ նախագահը:

Այս թեմայով Ծառուկյանի հանձնարարությամբ աղետի գոտի են հասցվել առաջին անհրաժեշտության իրեր Մեղմ է ասված, որ քաղաքացիների նկատմամբ բիրտ ուժ է կիրառվել, իսկ ձերբակալություններն ակնհայտորեն անհիմն են․ Փաստաբանը՝ ԱԳՆ շենքի մոտ տեղի ունեցածի մասին Մանկապատանեկան միջոցառում նախագահի նստավայրում․ երեխաներին հյուրընկալել են Խաչատուրյանն ու Սիմոնյանը (տեսանյութ) Անմոռանալի մրցաշրջան. Մխիթարյանը՝ Ինտերի հետ սկուդետոն նվաճելու մասին Պոլսո Հայոց պատրիարքարանն իր զորակցությունն է հայտնում Մայր Աթոռ Սուրբ Էջմիածնին Միրզոյանը հանդիպման համաձայնություն չի տվել, զբաղված է. ոստիկանապետը` Սրբազանի հետ հանդիպման մասին (տեսանյութ) Աշխատում ենք այդ ուղղությամբ. ՔՊ-ական պատգամավորը` եկեղեցու հարկման նախագծի մասին. 168.am Այն, ինչը վաճառվում է, պետք է հարկվի. ՊԵԿ նախագահ Ռուստամ Բադասյանը` Եկեղեցուն հարկելու մասին (տեսանյութ) Հանցագործ բանդա են բերետավորները, ամեն օր ենք համոզվում, բայց Նիկոլի հետ իրենց էլ ենք վռնդելու (տեսանյութ) ՈՒՂԻՂ․ Սրբազանի կոչով քաղաքացիները «Սուրբ Աննա» եկեղեցու բակում են