Ադրբեջանի ԱԳՆ-ն արձագանքել է հայկական կողմի հայտարարությանը

Ադրբեջանի արտաքին գործերի նախարարությունը պատասխանել  է Լաչինի միջանցքում ստեղծված իրավիճակի վերաբերյալ ՀՀ ԱԳՆ-ի կողմից երեկ արված հայտարարությանը՝  նշելով, թե  հայկական կողմը «փորձ է անում մոլորության մեջ  գցել միջազգային հանրությանը»:

«ՀՀ ԱԳՆ-ի՝ 2023 թվականի հունվարի 3-ի հերթական հայտարարությունը Լաչինի ճանապարհին տեղի ունեցած բողոքի ակցիաների վերաբերյալ բացարձակապես անհիմն է և նպատակ ունի մոլորեցնել միջազգային գործընկերներին և արհեստականորեն լարել իրավիճակը»,- ասվում է Ադրբեջանի ԱԳՆ մամուլի ծառայության մեկնաբանության մեջ:

ՀՀ արտաքին գործերի նախարարությունը երեկ կրկին հայտարարություն էր տարածել՝ ևս մեկ անգամ միջազգային գործընկերների և ողջ առաջադեմ մարդկության ուշադրությունը հրավիրելով այն փաստին, որ ավելի քան երեք շաբաթ Ադրբեջանը շրջափակման մեջ է պահում Լեռնային Ղարաբաղը՝ կոպտորեն խախտելով Լաչինի միջանցքի՝ 2020թ. նոյեմբերի 9-ի եռակողմ հայտարարությամբ ամրագրված ռեժիմը և արգելափակելով Լեռնային Ղարաբաղը Հայաստանին և ողջ աշխարհին կապող կյանքի ճանապարհը։

Հայաստանի արտաքին հարցերով գերատեսչությունն ահազանգում էր, որ արդեն ավելի քան  3 շաբաթ Ադրբեջանն ամբողջ աշխարհի աչքի առջև բռնի տեղահանության է դրդում Լեռնային Ղարաբաղի բնակչությանը՝ շարունակելով էթնիկ զտումների իր քաղաքականությունը:

Այս թեմայով Ո՞ւմ շահերն են պաշտպանում, Ադրբեջանի՞. վարչապետ կոչեցյալը չէ՞ր ասում՝ Արցախը Ադրբեջան է. Ստեփանակերտի քաղաքապետի կին Միրզոյանն ու ՇՀԿ քարտուղարը քննակել են ՀՀ-Ադրբեջան հարաբերությունների կարգավորման զարգացումները Փաշինյանը մեկնելու է Ադրբեջան. Շաիրօղլու Այս իշխանությունը Արցախը համարում է Ադրբեջան, իսկ արցախցիներին՝ փախստական. Բաբայան ՀՀ ԱԽ քարտուղարը և ԵԱՀԿ Մինսկի խմբի ԱՄՆ համանախագահը քննարկել են ՀՀ- Ադրբեջան հարաբերությունների կարգավորման գործընթացը Հայաստանն «Արևմտյան Ադրբեջան» անվանողի հետ գործակցողները շարունակում են նախկիններին մեղադրել. Գալստյան (տեսանյութ) Մենք եղբայրների պես ենք. Լուկաշենկոն՝ Բելառուս-Ադրբեջան հարաբերությունների մասին ՀՀ-ն ու Ադրբեջանը ցանկանում են երկկողմանի հարթության վրա լուծել խնդիրները, մենք աջակցում ենք (տեսանյութ) Ադրբեջանի պաշտպանության փոխնախարարն ազատվել է պաշտոնից Բաքվում բացվել է «Արևմտյան Ադրբեջան հեռուստատեսության» շենքը․ Monument Watch-ը ահազանգում է