Ուկրաինան Սահակաշվիլիին հատուկ նպատակով է ուղարկել Վրաստան. Ղարիբաշվիլի

Ուկրաինան Վրաստանի նախկին նախագահ Միխեիլ Սահակաշվիլիին ուղարկել է իր հայրենիք՝ Վրաստանում իրավիճակը ապակայունացնելու և երկիրը ռազմական գործողությունների մեջ ներքաշելու համար։ Այս մասին կիրակի օրը IMEDI հեռուստաալիքի եթերում հայտարարել է Վրաստանի վարչապետ Իրակլի Ղարիբաշվիլին։

«Ուկրաինայում պատերազմի մեկնարկը սպասվում էր դեռևս 2021 թվականի նոյեմբերին, առավելագույնը՝ դեկտեմբերին։ Մենք այդ մասին տեղեկություն ունեինք։ Ե՞րբ Սահակաշվիլին ժամանեց Վրաստան։ Հոկտեմբերի 1-ին։ Սահակաշվիլիին ուղարկեցին կազմակերպված ձևով։ Հիմնական նպատակն այստեղ հեղաշրջում կազմակերպելն էր և ճիշտ ժամանակին երկրներին պատերազմի մեջ ընդգրկելը: Մենք այսօր դրանում կասկած չունենք»,- ասել է Ղարիբաշվիլին։

Նրա խոսքով՝ «Ուկրաինայի համար, հավանաբար, մի տեսակ թեթևացում կլիներ, եթե Ռուսաստանը իր ուշադրությունը տեղափոխեր» Վրաստանի վրա։ Ըստ Ղարիբաշվիլիի, եթե Սահակաշվիլիի հիմնադրած ընդդիմադիր «Միացյալ ազգային շարժում» կուսակցությունը լիներ իշխանության ղեկին, Վրաստանը «կվերածվեր մարզադաշտի», և երկիրը կդառնար «երկրորդ Մարիուպոլը»։ Այսպիսով, Ուկրաինան «ժամանակ կշահեր», եզրափակել է վարչապետը։

Վրաստանում Սաակաշվիլիի դեմ չորս քրեական գործ է հարուցվել։ Նրանցից երկուսի համաձայն՝ քաղաքական գործիչը հեռակա կարգով դատապարտվել է երեք և վեց տարվա ազատազրկման։ 2022 թվականի հոկտեմբերի 20-ին Սահակաշվիլիին մեղադրանք է առաջադրվել սահմանն ապօրինի հատելու համար։ Նրան սպառնում է մինչև հինգ տարվա ազատազրկում։

Այս թեմայով ՀՀ տարածքում կան փակ ավտոճանապարհներ․ Վրաստան ուղևորվելիս ինչպես շրջանցել Մ-6 մայրուղին ՆԱՏՕ-ն և ԱՄՆ-ն չեն դիտարկում Ուկրաինա ռшզմական խորհրդատուներ ուղարկելու հարցը․ Պետքարտուղարություն Պարտադիր առողջապահական ապահովագրություն՝ Վրաստան մուտք գործելու համար․ օրենքը կգործի 2026 թվականից Ստոլտենբերգը հայտնել է, որ ՆԱՏՕ-ի շահերից չի բխում ՌԴ-Ուկրաինա հակամարտության կողմ դառնալը ՆԱՏՕ-ն գնահատել է Ուկրաինա զորքեր ուղարկելու հնարավորությունը Թբիլիսիում վերսկսվել են զանգվածային ցույցերը (տեսանյութ) ԵՄ դեսպանները համաձայնել են ՌԴ-ի սառեցված ակտիվների միջոցներն օգտագործել Ուկրաինային օգնելու համար ԵԽ պատգամավորները պահանջում են չեղարկել Վրաստանի՝ ԵՄ թեկնածուի կարգավիճակը «Անոնիմուսը» շարունակում է արգելափակել Վրաստանի կառավարական կայքերը Ամերիկացի նախկին հետախույզը հայտարարել է Վրաստանում պետական հեղաշրջում իրականացնելու ԿՀՎ-ի ծրագրերի մասին