Նունե Սարգսյանը մանկական գրականության Հանս Քրիստիան Անդերսենի մրցանակի Հայաստանի թեկնածուն է

 «ԻԲԲԻ Արմենիա»-ն՝ International Board on Books For Young People կազմակերպության հայկական ազգային մասնաճյուղը, մանկական գրականության ամենակարևոր՝ Հանս Քրիստիան Անդերսենի անվան միջազգային մրցանակ 2024-ի համար Հայաստանի կողմից առաջադրել է Հանրապետության չորրորդ նախագահ Արմեն Սարգսյանի տիկնոջ՝ մանկագիր Նունե Սարգսյանի թեկնածությունը:

օրեր առաջ Բոլոնիայի մանկական գրքի միջազգային տոնավաճառի շրջանակում, որին մասնակցել են նաև Խնկո Ապոր անվան ազգային մանկական գրադարանի տնօրեն, «ԻԲԲԻ Արմենիա»-ի նախագահ Ռուզան Տոնոյանը, «Զանգակ» հրատարակչության գործադիր տնօրեն Էմին  Մկրտչյանը, տեղի է ունեցել Նունե Սարգսյանի «Կապույտ գետաձիուկի և վարդագույն մկնիկի արկածները» գրքի շնորհանդեսը։ Ի դեպ, Նունե Սարգսյանի «Կապույտ գետաձիուկի և վարդագույն մկնիկի արկածները» գիրքն ընդգրկված է նաև IBBY-ի 2022թ. պատվո ցուցակում:

Շնորհանդեսին մասնակցող՝ տիկին Սարգսյանի 10-ամյա թոռնուհին՝ Սավաննա Սարգսյանը, որ գրքի համահեղինակն է և նկարազարդումների հեղինակը, նշել է, որ փոքր տարիքից տատիկն է իր մեջ սերմանել գրքերի հանդեպ սերը: «Ցանկանում եմ, որ բոլոր երեխաները հնարավորություն ունենան գրելու, ժպտալու և գաղափարներով կիսվելու իրենց տատիկ-պապիկների կամ ծնողների հետ: Այն օգնում է ամրապնդել ձեր երևակայությունը և կապն ընտանիքի հետ»,-ասել է Սավաննան։

Նշենք, որ Նունե և Սավաննա Սարգսյանները պատրաստում են «Կապույտ գետաձիուկի և վարդագույն մկնիկի արկածները» գրքի շարունակությունը, որը խոստանում է երեխաներին և ոչ միայն նրանց վերստին տեղափոխել հեքիաթի հետաքրքիր աշխարհ:

Այս թեմայով Շանթ Սարգսյանը 5-րդն է «Aktobe open»-ում Հայաստանի մի շարք հասցեներում էլեկտրաէներգիայի անջատումներ կլինեն Հայաստանի կանանց ֆուտբոլի ընտրանին պատմության երկրորդ անընդմեջ հաղթանակն է տոնել Պոլսո Հայոց պատրիարքարանն իր զորակցությունն է հայտնում Մայր Աթոռ Սուրբ Էջմիածնին Ձեր ծառայության այսօրվա հետևանքները կրելու են Հայաստանի ապագա սերունդները․ Դիվանագետների համահայկական խորհուրդ Հայաստանի իշխանությունները փոխանակ պատասխանեն Ադրբեջանին, փորձել են ճնշել սեփական ժողովրդին․ Սրբազան Հայաստանի ազգային պատկերասրահում կցուցադրվի Բենվենուտո Տիզիի «Տիրամայրը մանկան հետ» կտավը Հայաստանի թիմը Կոսովոյում կխաղա ադրբեջանցիների հետ Ղրղզստանի ԱԳՆ ղեկավարությանն է ներկայացվել Հայաստանի պատվավոր հյուպատոսը Հայաստանի բասկետբոլի հավաքականը կմասնակցի 3x3 Եվրոպայի առաջնության ընտրական փուլին