Կիպրոսի խորհրդարանն Ադրբեջանին դատապարտող բանաձև է ընդունել
Արտաքին Քաղաքական![Կիպրոսի խորհրդարանն Ադրբեջանին դատապարտող բանաձև է ընդունել](/timthumb.php?src=disc/06-04-23/6ec004af89d6ba1b1e756ec4d2132b8d.jpg&w=780)
Կիպրոսի խորհրդարանն այսօր Ադրբեջանի գործողությունները դատապարտող բանաձև է ընդունել։ Այս մասին հայտնում է Կիպրոսի ՀՅԴ կոմիտեն։
Նշվում է, որ ընդունված բանաձևով խորհրդարանը կոչ է անում Ադրբեջանին անհապաղ բացել Լաչինի միջանցքը և դատապարտում է Ադրբեջանի գործողությունները։
«ՀՅԴ Կիպրոսի կոմիտեն և Հայ Դատի հանձնախումբը, նկատի ունենալով Լաչինի միջանցքի փակումը և Ադրբեջանի կողմից շարունակվող սադրանքները Հայաստանի նկատմամբ, գործակցելով Հայ համայնքի պետական ներկայացուցչի, ինչպես նաև Արցախի բարեկամների հետ` Ադրբեջանի գործողությունները դատապարտող բանաձև է պատրաստել, որը ներկայացվել է Կիպրոսի խորհրդարանի լիագումար նիստին»,-ասված է հաղորդագրության մեջ։
Նշվում է, որ համազգային ջանքերի միջոցով միայն հնարավոր կլինի հաղթահարել թուրք-ադրբեջանական ծավալապաշտական հարձակումները և աշխարհաքաղաքական մարտահրավերները։
![](banners/armflix.jpg)