Փետրվարին օտարերկրացիների կողմից անշարժ գույքի առքուվաճառքի մոտ 400 գործարք է կայացել. առաջին տեղում ՌԴ քաղաքացիներն են

Հայաստանի անշարժ գույքի շուկայում այս տարվա փետրվարին իրականացվել է 3606 առքուվաճառքի գործարք, մինչդեռ նախորդ տարվա պետրվարին այդ ցուցանիշը կազմել է 3930: Իսկ այս տարվ հունվարին կատարվել է 3021 գործարք:

Ազգային վիճակագրական կոմիտեի տվյալների համաձայն, հաշվետու ժամանակահատվածում ամենաշատ գործարքները՝ 1057 կատարվել են Երևանում, որը կազմում է ընդհանուրը 29,3 տոկոսը:

Անշարժ գույքի առքուվաճառքի գործարքների մոտ 45 տոկոսը հողի գործարքներն են, 28,8 տոկոսը՝ բազմաբնակարան շենքերի բնակարանների գործարքները, 15,2 տոկոսը տների, 5,4 տոկոսը՝ ավտոտնակների գործարքները:

Փետրվարին օտարերկրացիները Հայաստանում անշարժ գույք գնելու 158 գործարք են կատարել։ Դրանցից 116 գործարք կատարվել է Ռուսաստանի, 19-ը՝ եվրոպական երկրների, 7-ական՝ ԱՄՆ-ի և ԱՊՀ երկրների (բացառությամբ Ռուսաստանի Դաշնության), 3-ը՝ Իրանի քաղաքացիների կողմից։

Օտարերկրյա քաղաքացիների կողմից իրականացված անշարժ գույքի գնման 158 գործարքներից 83-ը եղել են բազմաբնակարան շենքերի բնակարանների, 24-ը` բնակելի տների: Ամենաշատը օտարերկրացիները անշարժ գույք են գնել Երևանում (99 գործարք), ամենաքիչը՝ Սյունիքի մարզում (1 գործարք)։

Միաժամանակ, հաշվետու ամսում օտարերկրյա քաղաքացիները Հայաստանում իրականացրել են անշարժ գույքի վաճառքի 243 գործարք։ Այսպես, ՌԴ քաղաքացիների կողմից իրականացվել է 178 գործարք, ԱՄՆ-ի 19, ԱՊՀ երկրների (առանց Ռուսաստանի Դաշնության)՝ 18, եվրոպական երկրների՝ 16, Իրանի՝ 4, իսկ այլ պետությունների քաղաքացիների՝ 8 գործարք։

Օտարերկրյա քաղաքացիների կողմից անշարժ գույքի առուվաճառքի 243 գործարքներից 104-ը կատարվել է բազմաբնակարան շենքերի բնակարանների շուկայում, 73-ը` հողի շուկայում, 54-ը` բնակելի տների, 9-ը` ավտոտնակի շուկայում:

Ամենից շատ օտարերկրյա քաղաքացիները անշարժ գույք են վաճառել Երևանում (82 գործարք), ամենաքիչը՝ Վայոց ձորի մարզում (2 գործարք)։

Այս թեմայով Դժբախտ պատահար. 77-ամյա տղամարդը ծիրան հավաքելիս ծառից վայր է ընկել և տեղում մաhացել Փոխվարչապետի գլխավորությամբ կայացել է սուբվենցիոն հայտերի գնահատման հանձնաժողովի հերթական նիստը ՆԳՆ հայտի հիման վրա՝ ՄԱԿ-ի կողմից իրականացվել է Լոռու և Տավուշի մարզերում աղետի ազդեցության, վնասի և մարդասիրական կարիքների առաջնային գնահատում Դե զինվորական է` կարող է խմել, մի հատ կրակել է, բայց ոչ մեր կողմից, կարող է իրենց կողմից է (տեսանյութ) Հայաստան կժամանի ԱՄՆ Պետքարտուղարի առաջին տեղակալ Ռիչարդ Վերման «Ազգային անվտանգություն»կուսակցությունը խստորեն դատապարտում է քաղաքացիների նկատմամբ ոստիկանության կողմից բիրտ և անհամաչափ ուժի կիրառումը Մհեր Գրիգորյանն ընդունել է «Ռոսատոմ» պետական կորպորացիայի գլխավոր տնօրենի առաջին տեղակալին Փաշինյանն արցախցիներին մեղադրում է Արցախում չմնալու համար (տեսանյութ) Ոստիկանության մի շարք սխալներ և օրինախախտումներ ենք արձանագրել. «Իրազեկ քաղաքացիների միավորում» ՀԿ ԱԺ-ում հնչում է ամենամեծ ինքնախոստովանանքը հանցագործության մասին՝ դե-ֆակտո վարչապետի կողմից. թյուրքագետ