«2500 ծառերի հատման ծրագիրը հաստատվել է առանց ՇՄԱԳ փորձագիտական եզրակացության». ավագանու անդամ

Հարգելի երևանցիներ, խոստացել էի, որ ծառերի փոխարինման ծրագիրը ստանալուն պես, կհանրայնացնեմ այն։ Այդ մասին ֆեյսբուքյան իր էջում գրում է Երևանի ավագանու անդամ Քրիստինա Վարդանյանը՝ կից հրապարակելով լուսանկարներ․

«Փաստացի՝ կազմակերպությունը հաստատեց, որ չորս անձ որոշում են կայացրել և վարչության պետի պ/կ լիազորել է Երևանում իրականացնել ծառերի փոխարինման ծրագիր, առանց ՇՄԱԳ փորձագիտական եզրակացության։ Նշեմ, որ ցանկացած միջավայրի փոփոխություն պարտավոր է ունենալ նշված փորձագիտական եզրակացությունը, այլապես, հայտնի չէ բնակչության և կենսաբազմազանության համար միջավայրի ռիսկերը կառավարելի են, թե ոչ։ Վարչության պետի պ/կ նման լիազորություններ չունի և սա առանձին ուսումնասիրության խնդիր է։ Նշեմ, որ ծառահատման տոմսերի առկայության անհրաժեշտության մասին որոշումը ընդունել է Երևանի ՔԱՂԱՔԱՊԵՏԸ։ Իսկ 2500 ծառերի հատման ծրագիրը հաստատվել է վարչության պետի՞ կողմից…

Միամոմենտ հատել հազարավոր ծառեր անապատացման եզրին գտնվող Երևանում և տասնամյակով, մինչև սաղարթ կձևավորեն տնկիները, բնակչությանը թողնել շրջակա միջավայրի չկառավարվող ռիսկերի ներքո ու վտանգել բոլորիս առողջությունը, անընդունելի է, անօրեն է և բավական տարօրինակ է տեսչական մարմնի խորը լռությունը։ Ի դեպ, ոչ մի մասնագիտական եզրակացություն, առավել ևս գիտական, այս գրության մեջ չկա։

Գիտությունը՝ թվեր են, այլ ոչ թե սաղարթավոր ծառերը հանել ենք, պարտիզային ձևեր տնկել՝ մայթի լայնությունով պայմանավորված։ Ծառը քաղաքում էկոծառայության համար է՝ միավոր զանգվածը պետք է տեսակով պայմանավորված լավագույնս կլանի փոշին, այլ աղտոտիչները, իջեցնի ջերմաստիճանը, ՈւՄ-ճառագայթման ինտենսիվությունը, թույլ չտա, որ ջերմային կղզիներ ձևավորվեն, շիկանան շենքերի ճակատները և կարծր մակերեսները։ Նշածս բոլոր ռիսկերը, այլևս կառավարելի ՉԵՆ, պարտիզային ձևերը ու պատվաստով ֆիքսված ծառի ցածր սաղարթը, զրկել է նշված փողոցներում բարձրաբուն և լայնասաղարթ ծառեր ունենալու հնարավորությունից…

Հավելեմ, որ գիտաժողովին ոչ մի փողոցում ծառատեսակների հետ կապված քննարկումներ չեն եղել։ Կազմակերպության էջին կա արձանագրությունը»։

Այս թեմայով ԲԴԽ դատավոր անդամ է ընտրվել Մերի Համարձումյանը Երևանի բյուջեից 135 մլն դրամ կհատկացվի մանկապարտեզներում տեսախցիկներ տեղադրելու համար Արգելվելու է մշակութային գործունեության իրականացումը Երևանի կենտրոնում. Հայկ Կոստանյան Երևանի մանկապարտեզներում կտեղադրվեն տեսախցիկներ Օդի աղտոտվածության ցուցանիշները Երևանի քաղաքապետարանի պաշտոնական կայքում հասանելի կլինի բոլորին Գո՞հ եք ոստիկանության ձեր բարեփոխումներից, գո՞հ եք ձեր ստեղծած համակարգից. Էլինար Վարդանյան (տեսանյութ) «Երևանի բալետ ֆեստ»-ի օրերին «Թումո»-ի հարակից տարածքից կգործեն անվճար ավտոբուսային երթուղիներ Ձերբակալել են «ՀայաՔվեի» խորհրդի անդամ, 44-օրյա պատերազմի մասնակից Դավիթ Արիստակեսյանին Ես և հոգևոր արժեքային համակարգ ունեցող բոլոր մարդիկ միշտ էլ Հայ Առաքելական Եկեղեցու և Վեհափառ Հայրապետի կողքին ենք. «Միասնություն» շարժման ղեկավար Արման Վարդանյան Մայիսի 26-ին ժամը 16:00-ին լինելու եմ Հանրապետության Հրապարակում, որովհետև ուզում եմ արժանապատիվ ապրել. Իշխան Գևորգյան «Ազատազէն» խորհրդի անդամ (տեսանյութ)