Պետք է հավատալ մեր ապագային և անբեկանելի որոշում կայացնել` չզիջել ոչ մի թիզ հայրենիք և ոչ մի պարագայում չլքել մեր տունը․ Ղազինյան

Արդեն գրեթե 80 տարի Պաղեստինի արաբները կռվում են բոլոր չափանիշներով իրենցից բազմակի անգամ ուժեղ Իսրաելի դեմ: Գազայի սեկտորն ամբողջությամբ շրջափակված է Իսրաելի կողմից, որն իր ուզած պահին փակում է Գազայի սեկտորի ջուրը, գազը և այլ կենսական նշանակություն ունեցող ռեսուրսների մատակարարումը, գրում է «Մեկ Հայաստան» կուսակցության նախագահ Արթուր Ղազինյանը:

«Պաղեստինի արաբները չեն տրտնջում, թե Իսրաելի բանակն ուժեղ է, մենք ռեսուրս չունենք կռվելու, իսկ այնտեղ չի կարող հայտնվել այնպիսի առաջնորդ, որ կասի «Գազայի սեկտորը հանձնենք, հանգիստ ապրենք», իսկ ով նման բան կասի, ուղղակի գիշերը չի լուսացնի:

Պաղեստինը կռվում է աշխարհի ամենաուժեղ պետություններից մեկի դեմ, ով ունի գերժամանակակից զինատեսակներ, լավ կազմակերպված պետություն, ուժեղ բանակ, պետության թիկունքին կանգնած համաշխարհային հրեական հածայնք` իր ահռելի ռեսուրսներով ու ներուժով:

Բայց Պաղեստինը չի ընկրկում, կռվում է հասանելի բոլոր միջոցներով, ընդունելի և անընդունելի կանոններով ու մեթոդներով: Այդ իսկ պատճառով ունի դաշնակիցներ, որոնք բացի հավատքից ու կրոնից, առաջնորդվում են իրենց շահերով. Իսրաելին թուլացնելու, վնասելու և կոտրելու շահով, և այդ շահերով օգնում ու աջակցում են Պաղեստինի արաբներին:

Ասածս ինչ է. որքան էլ մեզ համոզեն, թե մենք թույլ ենք, զենք ու բանակ չունենք, դա թշնամու ողորմածությանը հանձնվելու պատճառ չի կարող լինել: Նախ մենք և´ զենք ունենք, և´ բանակ ունենք, և´ հերոս զինվորականներ ունենք, և´ հանճարեղ գիտնականներ, դիվանագետներ ունենք:

Մենք ԿԱՄՔ ու ՆՎԻՐՈւՄ չունենք, հավատ ու համողմունք չունենք: Եթե մենք վերականգնենք մեր կամքն ու նվիրումը, մեր հավատն ու համոզմունքը մեր ուժերին և հաղթանակին, այնքան զենք ու զինվոր կունենանք, այնքան դաշնակից կունենանք, այնքան տեխնոլոգիա ու տեխնիկա կունենանք, որ ադրբեջանական բանակն ինքն իրեն կկազմալուծվի` ողնուղեղում ամուր նստած գենետիկ վախից ու սարսափից:

Ուղղակի պետք է հավատալ մեր ապագային և անբեկանելի որոշում կայացնել` չզիջել ոչ մի թիզ հայրենիք և ոչ մի պարագայում չլքել մեր տունը, մեր հողն ու հայրենիքը և չարտագաղթել լավ կյանքի փնտրտուքով»,- գրել է նա:

Այս թեմայով Հավաքին մասնակցելու նպատակով այլ անձանց նյութապես շահագրգռելու համար մեկ անձ ձերբակալվել է, մեկին էլ ձերբակալելու որոշում է կայացվել. ՔԿ Մեկնարկում է Եվրո-2024-ը․ ինչ պետք է իմանալ մրցաշարի մասին Պետք է հանդիպենք տարբեր քաղաքական ուժերի հետ. Սրբազան Դուք եք հասցրել նրան, որ հոգևորականը ստիպված փողոց է դուրս եկել, պետք է կրեն պատասխանատվությունը. Սրբազան (տեսանյութ) Այսօր առավել քան երբևէ պետք է համախմբվել հոգևոր արժեքների շուրջ. Սամվել Կարապետյանը երկխոսության կոչ է անում Հայ ժողովուրդը միշտ եղել է եկեղեցու կողքին, պետք է համախմբվենք հոգևոր արժեքների շուրջ․ Կարապետյան «Կանխիկ գումար եք հայտարարագրել, ինչու՞ », «Սրտի վիրահատություն եմ տարել, կանխիկ է պետք ունենալ»․ Դանիելյան (տեսանյութ) Արտակ և Արթուր Սարգսյաններն այսօր պետք է ազատ արձակվեն. փաստաբան «Հայրենիք»ը դատապարտում է ցուցարարների նկատմամբ ոստիկանության անօրինական գործողությունները. Վանեցյան Պետք չէ ձեզ այդպես պահել նիստերի դահլիճում, լռե'ք, տեղից մի բղավե'ք. ԱԺ-ում լարված իրավիճակ է