Փոքր Վեդի գյուղի 44-ամյա բնակիչը գումարային հարցերի շուրջ ծագած վեճի ժամանակ դանակահարել է 24-ամյա համագյուղացուն
Արտակարգ Պատահար![Փոքր Վեդի գյուղի 44-ամյա բնակիչը գումարային հարցերի շուրջ ծագած վեճի ժամանակ դանակահարել է 24-ամյա համագյուղացուն](/timthumb.php?src=disc/26-06-23/89b6ed42ebe4e74592e13d4135be1237.jpg&w=780)
Հունիսի 26-ի կեսգիշերին հիվանդանոցից ոստիկանության Արարատի բաժին հաղորդում է ստացվել, որ կրծքավանդակի կտրած-ծակած վերքով բուժօգնության է տեղափոխվել 24-ամյա երիտասարդ, որը Փոքր Վեդի գյուղի բնակիչ է: Այս մասին հայտնում են ՀՀ ոստիկանությունից։
ՆԳՆ ոստիկանության Արարատի մարզային վարչության, Արարատի և Արտաշատի բաժինների ծառայողների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ հունիսի 25-ի ժամը 23.00-ի սահմաններում Փոքր Վեդիից Լուսառատ տանող ճանապարհին գումարային հարցերի շուրջ տեղի ունեցած վիճաբանության ժամանակ հիվանդանոց տեղափոխվածին դանակահարել էր 44-ամյա համագյուղացին: Բացատրական աշխատանքի արդյունքում նա ներկայացել է Արարատի բաժին և ներկայացրել հանցագործության գործիք դանակը:
44-ամյա տղամարդը ձերբակալվել և ներկայացվել է Վեդիի քննչական բաժին:
![](banners/armflix.jpg)