«Իրավիճակը դեռ կարող է փոխվել»․ ՆԱՏՕ-ի գլխավոր քարտուղարը՝ «Վագներ»–ի մասին
Աշխարհ![«Իրավիճակը դեռ կարող է փոխվել»․ ՆԱՏՕ-ի գլխավոր քարտուղարը՝ «Վագներ»–ի մասին](/timthumb.php?src=disc/26-06-23/a863657eb9ab306a83336b3288d07253.jpg&w=780)
ՆԱՏՕ-ն ուշադիր հետևում է Ռուսաստանում «Վագներ» մասնավոր ռազմական ընկերության ղեկավար Եվգենի Պրիգոժինի ապստամբության հետ կապված իրավիճակին և պատրաստ է արձագանքել Բելառուսում դրա վերատեղակայմանը։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը Վիլնյուսում կայացած մամուլի ասուլիսի ժամանակ, փոխանցում է «ՌԻԱ Նովոստին»։
«Նախ՝ դեռ վաղ է այս մասին հստակ ասել, քանի որ իրավիճակը դեռ կարող է փոխվել։ Երկրորդ՝ մենք հետևում ենք դրան, անհրաժեշտության դեպքում կարող ենք արագ արձագանքել»,- ասել է գլխավոր քարտուղարը։
Ավելի վաղ հայտնի էր դարձել, որ Բելառուսում սկսել են ճամբարներ ստեղծել, որտեղ տեղակայվելու են «Վագներ»-ի մարտիկները։ Նշվում է, որ շինարարությունն ընթանում է երկրի Մոգիլյովի շրջանում՝ Ուկրաինայի հետ սահմանից 200 կիլոմետր հեռավորության վրա, սակայն նման մի քանի ճամբարներ կլինեն։
![](banners/armflix.jpg)