Հենց որ պուտինյան ռեժիմը տապալվի, Ադրբեջանի և Հայաստանի հաշտեցման հեռանկարներ կհայտնվեն. Սահակաշվիլի

Հենց որ պուտինյան ռեժիմը տապալվի, Ադրբեջանի և Հայաստանի հաշտեցման հեռանկարներ կհայտնվեն: Այս մասին գրել է Միխեիլ Սահակասհվիլին Թվիթերի իր էջում արված հրապարակման մեջ, որը վերնագրել է «Իմ կոչը Հյուսիսային Կովկասի ժողովուրդներին»։

«Ժամանակը եկել է։
 
Դիմում եմ Ռուսական կայսրության բոլոր ազատատենչ ժողովուրդներին և քաղաքացիներին, որոնք դարեր շարունակ ստրկացրել են Կովկասը, ոչնչացրել ազգեր և շարունակում են զբաղվել կովկասցիների ցեղասպանությունով ու ռուսացմամբ, և որը իր գոյության վերջին ամիսներն է ապրում։

Երբ ես Վրաստանի նախագահն էի, Վրաստանի խորհրդարանը ճանաչեց չերքեզների ցեղասպանությունը՝ որպես հարգանքի տուրք միլիոնավոր խոշտանգված չերքեզների և հուշարձան կանգնեցրեց այդ ցեղասպանության զոհերի հիշատակին։ Մենք առանց վիզայի ռեժիմ բացեցինք սահմանները հիմնականում Հյուսիսային Կովկասի բնակիչների համար և ստեղծեցինք կրթական ծրագրեր նրանց համար։ Պայքարող Ուկրաինան իր խորհրդարանի միջոցով ճանաչեց Իչկերիայի Հանրապետությունը։

Ժամանակն է, որ բոլորը ոտքի կանգնեն: Վերջին իրադարձությունները ցույց տվեցին Մոսկվայի ռեժիմի ծայրահեղ թուլությունը։

Վերականգնեք հինը և ստեղծեք դիմադրության նոր բջիջներ, ակտիվացրեք ձեր կապերը Սփյուռքի և, իհարկե, Ուկրաինայի միջոցով, եկեք միասին աշխատենք ժողովրդավարական աշխարհը պատրաստելու հյուսիսկովկասյան ժողովուրդների անկախությանը: Մենք պետք է կամուրջներ կառուցենք միմյանց հետ, որպեսզի Ռուսաստանի քայքայման գործընթացը հնարավորինս ոչ բռնի դառնա և ապագայում խուսափենք հակամարտություններից։

Ես գրում եմ ձեզ որպես Վրաստանի նախկին նախագահ և Ուկրաինայի հպարտ քաղաքացի, ով պատանդ է վերցվել Վրաստանի ներկայիս կրեմլամետ իշխանությունների կողմից շինծու մեղադրանքներով և գերության մեջ է գտնվում Մոսկվայի անմիջական հրահանգով։

Հենց որ պուտինյան ռեժիմը տապալվի, Վրաստանում իշխանությունն անմիջապես կփոխվի, և Ադրբեջանի և Հայաստանի հաշտեցման հեռանկարներ կհայտնվեն Հարավային Կովկասում, այնպես որ մենք շատ շուտով կստանանք բոլորովին այլ, միասնական Հարավային Կովկաս և, միևնույն ժամանակ, պետք է ուղիներ փնտրել ամբողջ Կովկասը միավորելու համար՝ դեպի հաղթանակած Ուկրաինա և ողջ Եվրոպա մուտք գործելու հնարավորություն:

Ավարտվում է թալանի, բռնության, անարդարության շրջանը, և մենք բոլորս պետք է թեւակոխենք ազատության, խաղաղության, արդարության, մեր և մեր երեխաների հնարավորությունների դարաշրջանը։

Առանց պայքարի սա չի ստացվի, բայց որքան համախմբված ու համակարգված լինենք, այնքան մեր թշնամիները ավելի քիչ կկարողանան պարտադրել իրենց խաղի կանոնները։

Մոտ հաղթանակի նկատմամբ անսասան հավատով,
Կովկասի որդի և Ուկրաինայի հպարտ քաղաքացի
Միխայիլ Սահակաշվիլի»,-գրել է Սահակաշվիլին։

Այս թեմայով Արցախցիների իրավունքների հարցը միջազգային ատյաններում փակել է հենց Փաշինյանը. Մետաքսե Հակոբյան (տեսանյութ) «Հենց հիմա մեր հայրենակիցները ծեծի են ենթարկվում», «Ոչ մեկին էլ չեն ծեծում, ոստիկանը օրենք է պահում»․ Գառնիկ Դանիելյանը՝ վարչապետին (տեսանյութ) Ձեր փարաջան ա ձեզ պահում, բերման չենք ենթարկի, հենց հանեք, ենթարկելու ենք. ոստիկանապետը՝ Սրբազանին (տեսանյութ) Շարժումն ունի թափ հավաքելու մեծ պոտենցիալ, եթե չանենք կոպիտ սխալներ, հենց այդպես էլ լինելու է․ Վահե Հովհաննիսյան Անպատրաստ երիտասարդներին հենց այնպես հավաքագրում, տանում են, որ ի՞նչ անեն՝ ձեռք ու ոտք ջարդե՞ն. Նիկոլայ Գրիգորյան Հրահրում եք, պարոնայք ոստիկաններ, հենց հիմա մեր աչքի դիմացից մեքենա տարան. Սրբազան (տեսանյութ) «Իրական կինոյի տղեն հենց Կարեն Կառագուլյանն է». Վաչե Թովմասյան Կարելի է գտնել այլ դաշնակիցներ, բայց որքանո՞վ է դա ձեռնտու հենց իրեն՝ Հայաստանին. Գասումյանով Զգուշացում․ հայկական բանկերի անունից հավելվածները չներբեռնել, եթե դրանք հենց պաշտոնական մարքեթից չեն․ Սամվել Մարտիրոսյան Հենց հաշվեմ, պրծնեմ՝ կասեմ. ոստիկանապետը՝ ուժայինների քանակի մասին (տեսանյութ)