ՍԱՏՄ-ն չի պարզել՝ որն է հավի մսում սալմոնելայի առաջացման պատճառը, բայց կասեցումը վերացվել է․ «Հետք»

Հունիսի 2-ին «Հետք»-ը ներկայացրել էր Սննդամթերքի անվտանգության տեսչական մարմնի հետ զուգահեռ արված տեղական հավի մսի լաբորատոր փորձաքննության արդյունքները, ըստ որի՝ «Գետամեջ» և «Արաքս Թռչնաֆաբրիկա»-ի պաղեցված հավերի մեջ հայտնաբերվել էր սալմոնելա։

Այս երկու ընկերությունների գործունեությունը ՍԱՏՄ-ն ժամանակավորապես կասեցրել էր։ Վերջերս էլ՝ այդ կասեցումները վերացվել էին։

Ո՞րն էր սալմոնելայի առաջացման պատճառը. թռչուննե՞րն էին հիվանդ, թե՞ միսն աղտոտվել էր սպանդի, փաթեթավորման կամ վերամշակման փուլերում։ Այս հարցին չեն ցանկանում պատասխանել երկու արտադրողները, իսկ ՍԱՏՄ-ն ասում է, որ վերահսկողության տվյալների ամփոփումից հետո միայն կհստակեցվի սալմոնելայի առաջացման պատճառը։

Մինչդեռ մինչև հարուցչի պատճառը չպարզվեր ու չվերացվեր, արտադրամասը որևէ տեսակի գործունեություն ծավալելու իրավունք չուներ, սակայն թե’ «Գետամեջ», թե’ «Արաքս թռչնաֆաբրիկա»-ն շարունակել և շարունակում են աշխատել՝ առանց սալմոնելայի առաջացման հստակ պատճառը պարզելու։

«Գետամեջ» և «Արաքս թռչնաֆաբրիկա» ընկերությունների գործունեության կասեցման որոշումներից հետո և ընթացքում «Հետք»-ի ընթերցողները պարբերաբար լուսանկարներ էին ուղարկում, որտեղ երևում էր, որ այս երկու ընկերության ապրանքներն շարունակում են վաճառվել խանութներում։

Հունիսի 8-ին կասեցված «Գետամեջ» ընկերության թռչնամիսը վաճառքում է հունիսի 11-ին

Հունիսի 15-ին կասեցված «Արաքս թռչնաֆաբրիկայի» թռչնամիսը միսը վաճառքում է հունիսի 16-ին և 18-ին

«Հետք»-ը փորձել էր կապվել այս երկու ընկերությունների հետ՝ հասկանալու՝ ո՞րն է սալմոնելայի պատճառը, արդյոք թռչունները հիվանդ են եղել, անկում եղել է, թե՞ աղտոտումը երկրորդային է եղել։

«Արաքս թռչնաֆաբրիկան» այդպես էլ չցանկացավ մեկնաբանել իր արտադրամասում հայտնաբերված խախտումները, իսկ «Գետամեջ» ընկերության աշխատակիցն ասաց, որ իրենց մոտ «սալմոնելա չի եղել ընդհանրապես»։

Այս թեմայով Նիկոլը հեռանալու է, բայց մինչ այդ փորձելու Է մահացու հարվածներ հասցնել ժողովրդին. քաղաքագետ Հանցագործ բանդա են բերետավորները, ամեն օր ենք համոզվում, բայց Նիկոլի հետ իրենց էլ ենք վռնդելու (տեսանյութ) Հայաստանն իրավունք ունի փնտրելու այլ գործընկերներ, բայց տեսանելի ապագայում Ռուսաստանի հետ համագործակցությունն այլընտրանք չունի. Զատուլին ՍԱՏՄ հորդորը՝ Լոռու և Տավուշի մարզերի՝ աղետից տուժած քաղաքացիներին Ցավալի է բաց թողնել չեմպիոնությունը, բայց հպարտ եմ, որ դարձանք արծաթե մեդալակիր. Սպերցյան ՍԱՏՄ ղեկավարը մասնակցում է ԿԱՀԿ հոբելյանական նիստին Ծնողները երեխաներին տանում են մանկատուն, բայց պաշտոնապես չեն հրաժարվում, որդեգրման խնդիր է լինում. Մանասյան (տեսանյութ) Պրոբլեմ է, պիտի գետերը մաքրվեն, առաջ մտածում էի, որ մաքրելը միայն աղբն է, բայց գետում անտառ էր դարձել (տեսանյութ) Իրեն կհանդիպենք, բայց միայն կալանավայրում, գիտեմ՝ հատուկ ընթացակարգ կա. Սրբազանը՝ Փաշինյանին (տեսանյութ) Գեղամ Մանուկյանի քիթը ոստիկանները ջարդել են, բայց որևէ մեկը չի էլ ազատվել աշխատանքից. Խամոյան (տեսանյութ)