Կրեմլը ցանկանում է ազգայնացնել «Yandex»-ը․ ISW

Ռուսաստանի իշխանությունները փորձում են ազգայնացնել «Յանդեքսը» (Yandex), որպեսզի վերահսկեն տեղեկատվական տարածքը՝ 2024 թվականի ՌԴ նախագահական ընտրություններին նախապատրաստվելու համար։ Այս մասին գրում է Պատերազմի ուսումնասիրության ինստիտուտը (ISW)։

Նշվում է, որ «Յանդեքսը», հավանաբար, փորձում էր հավասարակշռություն պահպանել Կրեմլի և իր օտարերկրյա ղեկավար մարմինների միջև, բայց հիմա, կարծես, թե տանուլ է տալիս Կրեմլի դեմ պայքարում։

Կրեմլը, կարծես թե, ստիպում է «Յանդեքսին» վաճառել կամ հեռու մնալ միջազգային դուստր ձեռնարկություններից, ներառյալ Yango Israel տաքսի ծառայությունից, որպեսզի կատարի Ռուսաստանի տվյալների բացահայտման մասին օրենքները, որոնք «Յանդեքսից» պահանջում են տրամադրել օգտատերերի բոլոր տվյալները (ոչ միայն Ռուսաստանի օգտատերերի) Ռուսաստանի Դաշնության Անվտանգության դաշնային ծառայությանը։

Ռուսաստանի կառավարությունը նախկինում տուգանել է «Յանդեքսին» այս օրենքը չկատարելու համար՝ չնայած «Յանդեքսի» պնդումներին, որ չի կարող տրամադրել պահանջվող տվյալները։

Ռուսաստանի կառավարությունը նաև նախկինում տուգանել էր «Յանդեքսի» գործադիր տնօրեն Արտեմ Սավինովսկուն՝ ռուսական գրաքննության մասին օրենքները չկատարելու համար՝ հավանաբար փորձելով ստիպել «Յանդեքսին» համապատասխանել ռուսական գրաքննության օրենքներին ոչ միայն Ռուսաստանում, այլև ամբողջ աշխարհում՝ նրա գլոբալ գործունեությունը և օգտատերերի բազան խաթարելու նպատակով:

ՏՏ ընկերության պաշտոնյաները նախկինում ասել են, որ «Յանդեքսը» ձգտում է պահպանել օրենքները յուրաքանչյուր երկրում, որտեղ գործում է, և դատապարտել են ռուսական տվյալների հավաքագրման ջանքերը՝ պնդելով, որ դրանք տրամադրում են միայն տվյալ երկրի օգտատերերի կառավարություններին:

Ռուսական որոշ աղբյուրներ ենթադրում են, որ «Յանդեքսի» կորպորատիվ զարգացման խորհրդատու Ալեքսեյ Կուդրինը փորձում էր «Յանդեքսը» վերածել ազգային մասնավոր ընկերության, որը կվերահսկվի Պուտինի անձնական բանկիր Յուրի Կովալչուկի կողմից:

Այս թեմայով Yandex Armenia-ն ծրագրավորման դպրոցում սովորելու համար նոր հայտերի հավաքագրում է սկսում Armenian Code Academy-ն (ACA) և Yandex Armenia-ն Engineering Deep Dive անվճար ծրագրի համար հավաքագրում են նոր back-end ծրագրավորողների Իրանի նախագահը կայցելի Ռուսաստան՝ մասնակցելու ԲՐԻԿՍ գագաթնաժողովին «Անտերությունն էլ ո՞նց է լինում. Փաշինյանի հանձնարարականները շան տեղ դնող չկա». Հայկ Մամիջանյան (տեսանյութ) Հայաստանից թարմ պտուղ–բանջարեղենի արտահանումն աճել է. ավելի քան 85 տոկոսը՝ Ռուսաստան Իրանից բարձրաստիճան ռազմական պատվիրակություն է մեկնել Ռուսաստան «Օգնենք միասին». Yandex Go-ն հնարավորություն է տալիս բարեգործությունը դարձնել առօրյայի մաս Ռոսսելխոզնադզորն արգելել է հայկական պտուղ-բանջարեղենի ներմուծումը Ռուսաստան Հույս ունեմ Հայաստան-Ռուսաստան հարաբերությունների, խոսակցությունների ալգորիթմը փոխել. Գուրգեն Արսենյան Արցախից բռնի տեղահանվածների երեխաները հանգստանալու են մեկնել Ռուսաստան