«Դուք մեզ հետ եք եղել մեր ամենադժվար օրերին». Ժաննա Անդրեասյանը հրաժեշտի հանդիպում է ունեցել Անդրեա Վիկտորինի հետ

ՀՀ կրթության, գիտության, մշակույթի եւ սպորտի նախարար Ժաննա Անդրեասյանն ընդունել է Հայաստանում ԵՄ պատվիրակության ղեկավար, դեսպան Անդրեա Վիկտորինին, որն ավարտում է դիվանագիտական առաքելությունն Հայաստանում: Այս մասին տեղեկանում ենք ՀՀ ԿԳՄՍՆ հասարակայնության հետ կապերի եվ տեղեկատվության վարչությունից:

ԿԳՄՍ նախարար Ժաննա Անդրեասյանը շնորհակալություն է հայտնել դեսպանին իր պաշտոնավարման ընթացքում Հայաստան-ԵՄ հարաբերությունների ամրապնդման ու համագործակցության արդյունավետության բարձրացման ուղղությամբ ներդրած ջանքերի համար:

«Եվրոպական միության գործընկերների հետ մենք միշտ հավակնոտ ծրագրեր ենք նախաձեռնել, քանի որ հիմքում փոխվստահության եւ գործընկերային հարաբերություններ են: Եվ այն բոլոր ձեռքբերումները, որ կան այսօր կրթական համակարգում, գիտության ոլորտում, մշակութային եւ երիտասարդական ծրագրերի իրականացմամբ, համատեղ աշխատանքների արդյունք են»,- ասել է ԿԳՄՍ նախարարը՝ կարեւորելով Եվրոպական միության ցուցաբերած աջակցությունը:

Նախարարը հատկապես ընդգծել է ՀՀ կրթության մինչեւ 2030 թ. զարգացման պետական ծրագրի մշակման աշխատանքներին ԵՄ ցուցաբերած աջակցությունը՝ շեշտելով հանրակրթության նոր չափորոշչի ներդրման աջակցմանը միտված «ԵՄ-ն հանուն նորարարության» ծրագրով իրականացվող աշխատանքները։ Կարեւորվել են նաեւ EU-Armenia TUMO Convergence Center-ի կյանքի կոչման, EU4Armenia ծրագրի «Ստեղծարար արդյունաբերություն» ծրագրով մշակույթի ոլորտում իրականացվող ծրագրերը, որոնք նպաստել են կրթության եւ մշակույթի ոլորտների զարգացմանը։

Հայաստանում ԵՄ պատվիրակության ղեկավար, դեսպան Անդրեա Վիկտորինը եւս շնորհակալություն է հայտնել արդյունավետ համագործակցության, համատեղ աշխատանքի համար: Նա վստահություն է հայտնել, որ Հայաստան-ԵՄ համագործակցությունը կրթամշակութային, երիտասարդական, գիտության ոլորտներում շարունակական կլինի՝ նոր նախաձեռնությունների ու ծրագրերի կյանքի կոչմամբ:

Կողմերն անդրադարձել են նաեւ համագործակցության օրակարգում խաղաղության կրթության անհրաժեշտությանը՝ ոչ միայն տարածաշրջանային երկրների, այլեւ ավելի լայն աշխարհագրության ընդգրկմամբ:

Նախարարն անդրադարձել է Լեռնային Ղարաբաղում Լաչինի միջանցքի շրջափակմամբ պայմանավորված հումանիտար աղետին: Ժաննա Անդրեասյանն ընդգծել է նաեւ Լեռնային Ղարաբաղում մշակութային ժառանգությանը սպառնացող վտանգի խնդիրը, որի լուծման ուղղությամբ նախարարությունը դիմել է ՅՈՒՆԵՍԿՕ-ի ղեկավարին՝ փաստահավաք առաքելություն իրականացնող պատվիրակություն ուղարկելու նպատակով:

Ամփոփելով հանդիպումը՝ ԿԳՄՍ նախարար Ժաննա Անդրեասյանը նշել է, որ ԵՄ դեսպան Անդրեա Վիկտորինը Հայաստանի հետ է եղել ամենադժվար օրերին՝ համավարակից մինչեւ պատերազմ․ «Անկախ Ձեր կարգավիճակից, մենք միշտ ուրախ կլինենք տեսնել Ձեզ Հայաստանում: Դուք մեզ հետ եք եղել մեր ամենադժվար օրերին. Հույս ունենք, որ կգաք մեզ հետ կիսելու նաեւ մեր լավ օրերը»,- խոսքը եզրափակել է նախարարը:

Այս թեմայով Ծառուկյանի հանձնարարությամբ աղետի գոտի են հասցվել առաջին անհրաժեշտության իրեր Կարիք ունենք գտնելու երեխաներին պաշտպանելու լավագույն ձևերը. Ժաննա Անդրեասյանը մասնակցել է ուսուցչական համաժողովի Երեխե'ք ջան, մի վայրկյան չտխրե'ք, դուք էս բեմին կարոտ չեք, իրենք են կորցրել. Սրբազանը` երեխաներին (տեսանյութ) ՄԻՊ-ն այցելել է հեղեղումներից տուժած բնակավայրեր, առանձնազրույցներ ունեցել 50 բնակիչների հետ Տեղի է ունեցել օպերատիվ շտաբի նիստը․ Գնել Սանոսյանի նոր հանձնարարականները ՊԵԿ նախագահն ո՞վ ա, էն քնքու՞շը, Եկեղեցուց բռնագրաված գույքը դուք պիտի վերադարձնեք․ Սրբազան (տեսանյութ) Դուք ապօրինի կերպով մեքենաները տանում եք, մենք խաղաղ ակցիա ենք անում. Գառնիկ Դանիելյան (տեսանյութ) ՔՊ վարչության նիստ է տեղի ունեցել. Թաթուլ Բաղդասարյանը հեռացվել է կուսակցությունից ԱԳ նախարարը հեռախոսազրույց է ունեցել Իրանի ԱԳ նախարարի պարտականությունները կատարող Ալի Բաղերի Քանիի հետ «Պարոն Խաչատրյան, գնացեք զբաղվեք ուրիշ գործով», «Դուք չպետք է ասեք՝ ես ինչ անեմ»․ վեճ ԱԺ-ում