Մահացել է Հայաստանում բժշկական ռադիոլոգիայի և պերինատալ ուլտրաձայնային ախտորոշման հիմնադիրներից՝ բժիշկ Տիգրան Հարությունյանը
Հասարակություն![Մահացել է Հայաստանում բժշկական ռադիոլոգիայի և պերինատալ ուլտրաձայնային ախտորոշման հիմնադիրներից՝ բժիշկ Տիգրան Հարությունյանը](/timthumb.php?src=disc/21-08-23/f5d15b5a154829119a9dbbc3c10bbc38.jpg&w=780)
Ցավով տեղեկացնում ենք, որ 67 տարեկան հասակում կյանքից հեռացել է ականավոր բժիշկ, Հայաստանում բժշկական ռադիոլոգիայի և պերինատալ ուլտրաձայնային ախտորոշման հիմնադիրներից, բժշկական գիտությունների թեկնածու Տիգրան Ռաֆայելի Հարությունյանը։
Տիգրան Հարությունյանը ծնվել է 1956 թվականին Երևանում՝ մտավորականների և բժիշկների ընտանիքում։ Լինելով բժիշկագիտության դոկտոր-պրոֆեսոր Ռաֆայել Հարությունյանի որդին, ընտրել է բժշկությունը, որպես իր կյանքի ուղի։
1979թ. գերազանցությամբ ավարտել է Երևանի Բժշկական Ինստիտուտի բուժական ֆակուլտետն և անմիջապես անցել ուսման մանկաբարձության և գինեկոլոգիայի կլինիկական օրդինատուրայում։
1981-1983 թթ․ աշխատել է որպես Ապարանի կենտրոնական շրջանային հիվանդանոցի ծննդատան վարիչ։
1983-1990 թթ․ Հանրապետական ծննդատանը, որպես մանկաբարձ-գինեկոլոգ՝ ղեկավարելով պրենատալ ախտորոշման ծառայությունը։
1990-1994 թթ․ եղել է «Դիագնոստիկա» Բժշկական Կենտրոնի Քանաքեռ մասնաճյուղի տնօրեն։
1994-2018թթ․ «Սուրբ Գրիգոր Լուսավորիչ» ԲԿ-ի համակարգչային տոմոգրաֆիայի և ուլտրաձայնային ախտորոշման բաժանմունքի վարիչ։
Աշխատանքի ընթացքում բազմիցս անցել է վերապատրաստումներ և կատարելագործել իր գիտելիքները ԽՍՀՄ-ի, Եվրոպայի և ԱՄՆ-ի մի շարք քաղաքներում մասնավորապես՝
1983 և 1986 մանսագիտացել է Մոսկվայի մոր և մանկան առողջության պահպանման կենտրոնում,
1990- Ֆրանսիայի «Arold Tsang» հիվանդանոցում, իսկ 1992, 1994 և 1998 թվականներին ԱՄՆ- ի համալսարանական կլինիկայում։
Ժառանգելով գեղարվեստական շնորհը իր մտավորական ընտանիքից հեղինակել է մի շարք գեղարվեստական և պատմական վեպեր։
Հոգեհանգիստը տեղի կունենա 2023 թվականի օգոստոսի 22-ին ժամը 18։00- 20։00-ն, Երևանի Նոր Նորքի 5-րդ զանգված Միկոյան փողոց ՍՈՒՐԲ ՍԱՐԳԻՍ ԵԿԵՂԵՑՈՒՄ, հուղարկավորությունը հաջորդ օրը օգոստոսի 23-ին ժամը 13։00-ին նույն վայրից։
![](banners/armflix.jpg)