Ադամ Շիֆի կարծիքով՝ հայ ժողովրդի դեմ ևս մեկ ցեղասպանություն կարող է իրականացվել

ԱՄՆ Ներկայացուցիչների պալատի անդամ Ադամ Շիֆը X (նախկինում՝ Twitter) սոցիալական ցանցում տեսանյութ է հրապարակել՝ ԱՄՆ իշխանություններին կոչ անելով գործել՝ Լեռնային Ղարաբաղի շրջափակմանը վերջ դնելու համար:

«Արմենպրես»-ի փոխանցմամբ՝ կոնգրեսականն իր տեսաուղերձում ներկայացրել է Լեռնային Ղարաբաղում ստեղծված իրավիճակը, այդ թվում՝ սննդի, դեղորայքի և այլ անհրաժեշտ պարագաների պակասը, որի հետևանքով մարդիկ սկսել են մահանալ։  

«Այս հարցին հարկավոր է լուծում տալ և հրատապ կերպով», - նշել է Շիֆը։

Նա նաև հիշեցրել է վերջերս Լաչինի միջանցքի արգելափակման հարցով ՄԱԿ-ի Անվտանգության խորհրդում անցկացված նիստի մասին՝ շեշտելով, որ «դրան, սակայն, ոչինչ չհետևեց»։

«Մեզ հարկավոր է բանաձև, որը կպահանջի վերջ դնել միջազգային իրավունքի այս խախտմանը․․․ Եվ ԱՄՆ կառավարությունը, Բայդենի վարչակազմը պետք է շատ ավելին անեն։ Նրանք պետք է Ադրբեջանին զրկեն ռազմական օգնությունից։ Նրանք պետք է այնպես անեն, որ այս անօրինական շրջափակումն ավարտվի։ Մենք չպետք է որևէ գումար տրամադրենք Ադրբեջանին․․․ Մենք չենք կարող լռել: Վարչակազմը պետք է խոսի, պետք է գործի, ինչ-որ բան պետք է արվի, հակառակ դեպքում՝ ավելի շատ մարդիկ կմահանան», - հայտարարել է Շիֆը։

 Կոնգրեսականը նաև հիշեցրել է Հայաստանի դեմ Ադրբեջանի սանձազերծած պատերազմի մասին, որի հետևանքով հազարավոր մարդիկ զոհվեցին։

«Նրանք շարունակում են ռազմագերիներին պահել ապօրինաբար, միջազգային իրավունքի խախտումներով, նրանց դատապարտում են առանց պատճառի: Սրան պետք է վերջ դրվի», - ասել է Շիֆը:

 Նա նաև շեշտել է, որ առաջին հերթին հարկավոր է դադարեցնել Լաչինի միջանցքի շրջափակումը:

 «Ես  խորապես անհանգստացած եմ, որ ևս մեկ ցեղասպանություն կարող է իրականացվել հայ ժողովրդի դեմ: Վարչակազմը պետք է գործի», - եզրափակել է կոնգրեսականը:

Այս թեմայով Չնայած սարսափներին, որ բախվել և բախվում է հայ ժողովուրդը, չի կոտրվել նրա տոկունությունը. Ադամ Շիֆ ԱՄՆ-ի կողմից Հայոց ցեղասպանության ճանաչմանն ու դատապարտմանը պետք է հետևեն իրական հետևանքներ․ Ադամ Շիֆ Ադամ Շիֆը կոչ է արել ԱՄՆ իշխանություններին պատժամիջոցներ կիրառել Բաքվի դեմ Ադամ Շիֆը բանաձև է ներկայացրել ԱՄՆ Կոնգրես՝ Ադրբեջանի դեմ պատժամիջոցներ կիրառելու պահանջով Ադամ Շիֆը պատրաստվում է Արցախի հարցով նամակ գրել Բայդենին Կոնգրեսական Ադամ Շիֆը համաձայնվել է հանդիպել ամերիկահայերի հետ Լոս Անջելեսում հայերը փողոց են փակել եւ շարժվում են կոնգրեսական Ադամ Շիֆի բնակարան Հայերը բողոքի ակցիա են իրականացնում Ադամ Շիֆի գրասենյակի դիմաց` ի աջակցություն Արցախի Ի պաշտպանություն Արցախի՝ հայերը նստացույց են կազմակերպել Ադամ Շիֆի գրասենյակի մոտ Կարգալույծ է հռչակվել Տ. Ադամ քահանա Մովսեսյանը