Կգնա՞ն արդյոք պատկան մարմիններն Ավանեսյանի հասցեին թիմակցի քողարկված մեղադրանքների հետևից

Բրիտանական «Հետաքննական լրագրության բյուրոն» (The Bureau of Investigative Journalism) 2023 թվականի հունվարին մանկական քաղցկեղի բուժման համար օգտագործվող դեղերի վերաբերյալ մի հետաքննություն էր հրապարակել, որում նշվում է նաև Հայաստանի մասին: 

Հետաքննությունը բացահայտել էր, որ աշխարհի ավելի քան 90 երկիր ասպարագինազա (asparaginase) դեղանյութ պարունակող անորակ դեղամիջոց է ներմուծվել։ Ասպարագինազան մանկական քաղցկեղի ամենատարածված տեսակի՝ սուր լիմֆոբլաստային լեյկեմիայի բուժման նպատակով օգտագործվող հիմնական դեղանյութն է։ Ըստ Առողջապահության նախարարության՝ «Ասպատերո» դեղի ներմուծման թույլտվություն ստանալու համար որևէ դեղագործական ընկերություն չի դիմել։

Թե որ տնտեսվարողն է «Ասպատերո» դեղամիջոցը Հայաստան ներկրել, ինչ խմբաքանակով, և արդյոք այդ դեղերը օգտագործվել են բուժման նպատակով՝ հայտնի չէ:

Նախորդ տարվա մարտի 29-ին ՀՀ ԱԺ առողջապահության հարցերի մշտական հանձնաժողովը հրավիրել էր աշխատանքային քննարկում՝ «ՀՀ-ում դեղերի շուկայում առկա խնդիրները» թեմայով: Քննարկմանը մասնակցել են ՀՀ-ում դեղերի ներկայացուցչությունների ներկայացուցիչներ: ԱԺ առողջապահության հարցերի մշտական հանձնաժողովի նախագահ Նարեկ Զեյնալյանը տեղեկացրել է, որ նախորդ օրը նույն թեմայով քննարկում է անցկացվել նաեւ դեղերի ներմուծմամբ զբաղվող ընկերությունների ներկայացուցիչների հետ: Քննարկման ընթացքում հնչած գլխավոր մեսիջը թերևս այն էր, որ զուգահեռ ներմուծումը սահմանվել է դեղերի գնիջեցման նպատակով, որը գործնականում չի կիրառվում, ավելին՝ զուգահեռ ներմուծման անվան տակ շուկայում հայտնվում են անորակ դեղամիջոցներ՝ հաճախ նաեւ սպառնալով ազգային անվտանգությանը: Մասնակիցների կարծիքով՝ զուգահեռ ներկրողները հետապնդում են գերշահույթ ստանալու նպատակ: Փաստացի, տեսչական մարմնի ղեկավարը և առողջապահության նախարարը բաց են թողել այս փաստը, այն վրիպել է նրանց ուշադրությունից, ինչի արդյունքում ազգային անվտանգության սպառնալիք է առաջացել:

Թեև միտքը, որ համապատասխան կառույցների ղեկավարներն իրենց անգործությամբ սպառնում են ազգային անվտանգությանը, Զեյնալյանինը չէ, սակայն այն հնչել է վերջինիս հանձնաժողովում և որևէ առարկության այս առումով չի արժանացել: Ստացվում է` Անահիտ Ավանեսյանը, ում ղեկավարած կառույցն արդեն իսկ հայտնվել է ՊՎԾ ուշադրության կենտրոնում, հարվածներ է ստանում նաև թիմակիցներից: Հիմա էլ լուրեր են պտտվում շուկայում անորակ դեղերի հայտնվելու մասին: Սա, թերևս, նույնպես պատկան մարմինների ոչ պրոֆեսիոնալ աշխատելու արդյունքն է:

Հարց է առաջանում՝ կգնա՞ն արդյոք պատկան մարմիններն այս տեղեկությունների հետևից, քանի որ, ըստ էության, դրանք ոչ այլ ինչ են, քան հանցագործության մասին հաղորդումներ:

Այս թեմայով Եթե վարչապետը որոշի ինձ ազատել աշխատանքից, ուրեմն չեմ համապատասխանի պահանջվող որակին. Ավանեսյան (տեսանյութ) Հայտնի է ՝ երբ տեղի կունենա Անահիտ Չարենցի հոգեհանգիստը Մահացել է Եղիշե Չարենցի կրտսեր դուստրը՝ Անահիտ Չարենցը Անահիտ Մանասյանն ընդունել է Յակոբ Ռայկերտ Թոդոր Ֆրեդերիքսի գլխավորած պատվիրակությանը Սկսել եմ սիրել այս ծանր ընթացքը. Անահիտ Ավանեսյան Հայաստանում տարեկան կենցաղային այրվածքների մոտ 3000 դեպք է գրանցվում. Անահիտ Ավանեսյան Մարդու իրավունքների ազգային հաստատությունների եվրոպական ցանցը հայտարարել է, թե Անահիտ Մանասյանը ենթարկվում է «քաղաքական գործիչների կողմից սպառնալիքների և հարձակումների» Անահիտ Մանասյանն ընդունել է «Գարդման-Շիրվան-Նախիջևան» համահայկական միության և «Լեռնային Ղարաբաղի փախստականների իրավապաշտպան միություն» ՀԿ նախագահներին Անահիտ Մանասյանն այցելել է կանանց գումարտակ «Միանալու եմ բացօթյա արյունատվության ակցիային»․ Անահիտ Ավանեսյան