Հայաստանն իր անգրագետ քաղաքականության շնորհիվ չունի դաշնակիցներ․ Վահե Հովհաննիսյան

Ֆրանսիական քաղաքների նախաձեռնությամբ Արցախի համար հումանիտար օգնությամբ բեռնված մեքենաներն այսօր առավոտյան Հանրապետության հրապարակից ուղևորվել են Կոռնիձոր։ 

ԼՈՒՐԵՐ.com-ի հետ զրույցում Այլընտրանքային նախագծեր խմբի համահիմնադիր Վահե Հովհաննիսյանը նշեց,  որ  Հայաստանից բեռներ ուղարկելը  գնահատում է պարզ պոպուլիստական քայլ, իսկ Ֆրանսիայինը փոքր-ինչ ավելի հետաքրքիր է։ 

«Հայաստանի դեպքում, եթե չկար պայմանավորվածություն ո՛չ հակառակորդի հետ, ո՛չ  ռուսական կողմի պարզ էր, որ այդ  բեռները գնալու էին և մնալու այնտեղ և  մի օր հետո, ոչ ոք չէր էլ հիշելու։ Ֆրանսիայի  առումով՝ հնչեղության և աղմուկի տեսակետից շատ կարևոր է։ Այն կարող է դառնալ միջազգային մեդիայի քննարկման առիթ և Ֆրանսիայի քայլը  կարող է կոնսոլիդացնել Եվրոպայում և Արևմուտքում  հայկական տրամադրություններ։ Սրանք շատ կարևոր են Արցախի, ինչպես նաև միջազգային ճնշման բարձրացման համար»,- ասաց նա 

Հովհաննիսյանի խոսքով՝ Ադրբեջանը ոչնչից չի վախենում և ունի Թուրքիայի աջակցությունը. «Ակնհայտ է, որ Ադրբեջանը ամբողջ աշխարհին մարտահրավեր է նետում, այն ինչ նա անում է, 21-րդ դարի խաղի կանոններում ընդունված չէ, բայց Ադրբեջանը անում է։ Շատ գիշատիչ և կոշտ դիրքորոշում է որդեգրել ունենալուվ Թուրքիայի աջակցությունը և Ռուսաստանի ոչ այնքան պինդ վիճակը։ Այս պայմաններում աշխարհը, միջազգային հանրությունը ցույց են տալիս իրենց վերաբերմունքը` դատապարտում, կոչեր են անում, բայց նաև տեսնում ենք, որ այս պահին ճնշումները այնքան չեն, որ ստիպեն Ադրբեջանին հետ կանգնել իր ստրատեգիական որոշումներից»,- ասաց Հովհաննիսյանը:

Մեր զրուցակցի խոսքով՝ տպավորություն կա, որ Ադրբեջանը գնալով հայտնվում է ինքն իր թակարդի մեջ, որովհետև ոչ ոք չէր սպասում, որ Արցախի ժողովուրդը  և էլիտաները այդ համառությամբ կդիմանան ամեն ինչին  և կխախտեն բոլորի համաձայնությունները։ 

«Ադրբեջանը չի կարող 21-րդ դարում ամբողջ  աշխարհի առաջ գնալ ցեղասպանության, հնարաավոր չի դա։ Ակնհայտ է, որ ստվերում գնում են բանկցություններ, որի մասին մենք շատ քիչ բան գիտենք։  Հայաստանի վարքագիծը  մի կողմ քաշված դիտորդի վարքագիծ է, կա ռուսական կողմ, որը ոչ միայն կորում է իրավական, այլ նաև բարոյական պատասխանատվությունից։ Կա Արցախ, որը ցույց տվեց, որ ինքը գործուն է և ունենք այս իշխանությունը, որը ասֆալտն ու անձնական PR-ը կարևորում է ամեն ինչից»,- ասաց նա:

Ըստ Հովհաննիսյանի՝  Ռուսաստանը խառն է, իսկ Հայաստանը  չի վարում գրագետ  քաղաքականություն, որ  ռեալ աջակիցներ ունենա։  

«Հայաստանը իր անգրագետ քաղաքականության շնորհիվ չունի դաշնակիցներ։ Մենք կարող էինք այս դժվար և խառը միջազգային իրականության մեջ ունենալ դաշնակիցներ, այդ թվում  անհավանական թվացող բևեռներում։ Նույնիսկ Ռուսաստան-Արևմուտք  հակամարտության մեջ, ճիշտ ձևակերպումների դեպքում մենք կարող էինք և՛ Ռուսաստանին դաշնակից տեսնել, և Արևմուտքին։ Մենք ունենք ռեալ դաշնակից՝ Իրանը, որի հետ չենք աշխատում,  ունենք ռեալ դաշնակից՝ եվրամիությունը և Ֆրանսիայի նման ազդեցիկ պետություն, բայց մենք մնացել ենք էմոցիոնալ հարթություններում, սպասում ենք Փարիզի քաղաքապետը բեռ կբերի, թե չի բերի։ Մենք Ֆրանսիայի հետ շատ  ավելի լուրջ ստրատեգիական ծրագրերով պետք է աշխատենք»,-ասաց նա՝ նշելով, որ մենք մենակ ենք մնացել և Ադրբեջանը լկտիացել է, որովհետև  պաշտոնական Երևանը չի կարողանում դաշնակիցներ ձեռք բերել իր կոպիտ սխալների պատճառով։ 

Լիլիթ Զալիբեկյան

Այս թեմայով Հայաստանը 148 ձայնով ընտրվեց ՄԱԿ Տնտեսական և սոցիալական խորհրդի անդամ Հայաստանը հետաքրքրված է տարածաշրջանային լայն համագործակցության խորացմամբ. Փաշինյան Պեսկովը ներկայացրել է, թե ինչի շնորհիվ է զարգանում ռուսական տնտեսությունը Հայաստանը և Ադրբեջանը մինչև հուլիսի 1-ը պետք է անցնեն այլ հատվածների սահմանազատման Հայաստանը բարձր է գնահատում Շվեդիայի հետ հարաբերությունները. ՀՀ նախագահ Արցախը պետք է դառնա մեր նոր Առաքելությունը, հակառակ դեպքում՝ կկորցնենք պետականության մնացած բեկորները. Վահե Դավթյան Հանրահավաքը կլինի առանցքային այն դեպքում, եթե նոր առանցքային թեմաներ սկսեն կարևորել․ Վահե Հովհաննիսյան Եկեղեցին ու ՀՅԴ-ն ուս-ուսի` հանուն պետականակերտ ավանդույթների, օրենքի ու բարոյականության հաղթանակի․ Վահե Սարգսյան Հայաստանը սկսել է խուսափել ՌԴ-ի հետ շփումներից ԱԳՆ-ի և ՊՆ-ի գծով. ՌԴ փոխարտգործնախարար Սրանք Էրդողանի կրտսեր եղբայրներն են, Հայաստանը չեն ներկայացնում, պետք է ազատվել Նիկոլի ռեժիմից. Շարմազանով (տեսանյութ)