Ալբերտ Ազարյանի մարզական կենսագրությունը ոգևորել է բազմաթիվ սերունդների. ՀՀ նախագահ

ՀՀ նախագահ Վահագն Խաչատուրյանը ցավակցական հեռագիր է հղել լեգենդար մարմնամարզիկ Ալբերտ Ազարյանի մահվան կապակցությամբ: Այս մասին տեղեկանում ենք ՀՀ նախագահի մամուլի ծառայությունից։

«Անուրանալի և անգնահատելի է Ազարյանի վաստակը հայկական մարմնամարզության զարգացման գործում: Նրա մարզական կենսագրությունը ոգևորել է բազմաթիվ սերունդների և ուղենիշ դարձել երիտասարդ մարզիկների համար, ովքեր այսօր էլ, Ալբերտ Ազարյանի օրինակով, շարունակում են նորանոր բարձունքներ ու մեդալներ նվաճել: Ալբերտ Ազարյանի անունն իր ուրույն տեղն ունի հայկական և համաշխարհային սպորտի օլիմպիական երկնակամարում: Խորապես ցավակցում եմ Ալբերտ Ազարյանի ընտանիքին ու հարազատներին»,–նշված է նախագահի ցավակցական ուղերձում:

Նշենք, որ երեկ` սեպտեմբերի 5–ին, կյանքի 94-րդ տարում մահացել է Հայաստանի մարմնամարզության ֆեդերացիայի պատվավոր նախագահ, օլիմպիական խաղերի եռակի չեմպիոն, լեգենդար մարմնամարզիկ Ալբերտ Ազարյանը։

Ալբերտ Ազարյանը ծնվել է 1929 թվականին Գանձակում։ Մարմնամարզության միջազգային ֆեդերացիայի հավաստագրման համաձայն՝ օղակների վրա նրա կատարած վարժությունների համալիրը պաշտոնապես անվանակոչվել է «Ազարյանական խաչ»։

Այս թեմայով Սրբազանը կարևոր «մեսիջ» ունի, որ այս հարցը պետք է լուծել հիմա, սա չպետք է թողնենք սերունդների վրա (տեսանյութ) ԱԱԾ-ն նախագահ Խաչատուրյանի տունն է հսկում․ «Հրապարակ» ԱԺ պետաիրավական հարցերի մշտական հանձնաժողովի նախագահը կգործուղվի Փարիզ Վլադիմիր Պուտինն ու Ալեքսանդր Լուկաշենկոն Զելենսկիին չեն համարում լեգիտիմ նախագահ Իրանի նախագահ Էբրահիմ Ռաիսիի կյանքից զրկվելու մեղավորը ԱՄՆ-ն է․ Լուկաշենկո Նախագահ Խաչատուրյանը գեներալ-մայորի զինվորական կոչումներ է շնորհել 200-ից ավելի արցախյան կազմակերպությունների նամակը փոխանցվել է ԵԱՀԿ գործող նախագահին Մաշհադում Իրանի նախագահ Ռայիսիի հուղարկավորությանը մասնակցում են օտարերկրյա պատվիրակություններ Դատարանն անփոփոխ թողեց Ալբերտ Բազեյանի խափանման միջոցը Իրանի նախագահ Ռայիսին պետք է այցելեր Հայաստան, ցավում եմ. Ալեն Սիմոնյան (տեսանյութ)