Երկու պատգամավորի փուռը տված Փաշինյանը հարկ եղած դեպքում փուռը կտա ողջ թիմին

Եռաբլուր զինվորական պանթեոն այսօր այցելած ՔՊ-ական երկու պատգամավորներին՝ Հակոբ Ասլանյանին և Հովիկ Աղազարյանին զոհված հերոսների ծնողները ընդունել են շառաչյուն ապտակներով: Ուշագրավ է, որ ինքը՝ Նիկոլ Փաշինյանը, այսօր Եռաբլուր չի գնացել՝ թերևս հասկանալով, թե ինչպես են իրեն դիմավորելու այն ծնողները, որոնց երեխաները, ըստ իր տիկնոջ, զոհվել են հանուն ոչնչի: 

Ընդ որում, Փաշինյանը Եռաբլուր գործուղելով իր երկու պատգամավորներին, որոնք թերևա ամենաշատն են թիրախավորել Արցախը և արցախցիներին, ըստ էության նրանց դարձրեց քավության նոխազ, կամ այլ կերպ ասած՝ փուռը տվեց: Նրանք ընդունեցին այն հարվածը, որը իրականում նախատեսված էր Նիկոլ Փաշինյանի համար; Այս ամենը զարմանալի չէ, նույնիսկ սպասելի է, սա Նիկոլ Փաշինյանի ձեռագիրն է: Նա երբեք էլ չի զլացել փուռը տալ իր թիմակիցներին՝ իրեն փրկելու և կրակագոտուց դուրս բերելու համար: 

Դիցուք՝ պատերազմից և խայտառակ կապիտուլյացիայից հետո Փաշինյանը փորձեց մեղքը բարդել բանակի վրա: Ավելին, նա հայտարարեց, որ Օնիկ Գասպարյանը դեռ պատասխան է տալու Շուշին հանձնելու համար: Բնականաբար, դեռևս քրեական գործ անգամ հարուցված չէ այս մասով, ուր մնաց՝ ինչ-որ մեկը պատասխան տա; Բացի այդ, նա հայտարարել է, որ Գասպարյանը իրեն պատերազմի 4-րդ օրը չէր առաջարկել կանգնեցնել պատերազմը, մինչդեռ Գասպարյանը պնդում էր հակառակը:

Մյուս նախկին թիմակիցը, ում Փաշինյանը փուռը տվեց, Դավիթ Տոնոյանն էր: Հիշեցնենք, որ պատերազմից հետո  ԱԱԾ-ն հաղորդագրություն էր տարածել, որով Դավիթ Տոնոյանը և Դավիթ Գալստյանը մեղադրվում են առանձնապես խոշոր չափերով՝ 2 մլրդ 277 մլն 323 հազ․ 840 դրամ գումար հափշտակելու և կեղծիքներ, հանրորեն վտանգավոր արարքներ կատարելու համար։ Նա կալանավորված է:

Համավարակի դեմ պայքարը տապալելուց հետո Նիկոլ Փաշինյանը քավության նոխազ դարձրեց առողջապահության նախարար Արսեն Թորոսյանին՝ ազատելով նրան պաշտոնից: Մամուլը գրել էր, Փաշինյանը Թորոսյանին հասկացրել էր, որ ամբողջ պատասխանատվությունը մնալու է իր վրա, սակայն վերջինս նշել էր, թե չի պատրաստվում քավության նոխազ դառնալ, քանի որ որոշումները միանձնյա չի ընդունել, ինչի մասին առկա են համապատասխան գրագրություններ, այդ թվում՝ անձնական: Այս թեմայի շուրջ էլ, ինչպես ասում են, կրքերը շիկացել են, և դա տարածվել էր նաև մամուլում: 

Ակնհայտ է, որ Նիկոլ Փաշինյանը ինչպես այսօր փուռը տվեց իր երկու պատգամավորներին, նույն կերպ վարվելու է իր մյուս թիմակիցների հետ, երբ դրա պահը հասունանա:

Այս թեմայով Դիմում Նիկոլ Փաշինյանին․ «Միասին» շարժում Ամերիկացի սենատոր Ռոջեր Ուիքերն հանդիպում է Նիկոլ Փաշինյանի հետ (տեսանյութ) Մանթաշյան-Նժդեհ փողոցների խաչմերուկի մոտ Նիկոլ Փաշինյանի ավտոշարասյունը վրաերթի էր ենթարկում հերթական քաղաքացուն, մի կերպ փրկվեց․ Րաֆֆի Ասլանյան Նոր Սահմանադրության ընդունումն ու ԱԺ ընտրությունները պետք չէ համատեղել. Նիկոլ Փաշինյան Ինչի՞ է ՀՀ-ում քրեական ենթամշակույթն այդքան պոպուլյար, ինչի՞ են մտածում արդարություն չկա․ Փաշինյան (տեսանյութ) Հայաստանը ԵՄ-ին անդամակցելու համար հանրաքվե չի անցկացնի․ Նիկոլ Փաշինյանը պարզաբանել է՝ ինչու Եթե ժողովուրդն ուզենա անել իշխանափոխություն, կանի, ոչ ոք չի կարող դեմն առնել. Նիկոլ Փաշինյան Կանանց պոտենցիալը մենք դռների հետևում կողպել ենք․ Փաշինյան (տեսանյութ) Որովհետև նախորդ օրը շատ ենք խմած լինում, հաջորդ օրը մոռանում ենք. Նիկոլ Փաշինյան (տեսանյութ) Նիկոլ Փաշինյանը չի ճանաչել Արցախն Ադրբեջանի կազմում. Արամ Սարգսյանի կուսակից թաղապետ (տեսանյութ)