Ուր են և ինչու են լռում Հայաստանի խոշոր գործարարներն ու պաշտոնյաները. մաս 15. Արամայիս Գրիգորյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Այսօր կանդրադառնանք երկար տարիներ ԱԺ պատգամավորի, Արարատի մարզպետի, այնուհետև բնապահպանության նախարարի պաշտոնը զբաղեցրած Արամայիս Գրիգորյանին: Ահա թե ինչ պաթոսով էր վերջինս 2014 թվականին շնորհավորում Արցախի անկախության տոնը: Գրիգորյանը գրառում էր արել` նշելով, որ Լեռնային Ղարաբաղի Հանրապետության հռչակումն ահռելի նշանակություն ունեցավ հայ ժողովրդի նորագույն պատմության կերտման գործում: Մեր նվիրյալ հերոսների արյան գնով ձեռք բերված հաղթանակներն այսօր ամուր պահում եք դուք՝ շենացնելով պատմական Հայաստանի այս փոքրիկ հողակտորը: Ձեր շնորհիվ այսօր Լեռնային Ղարաբաղի Հանրապետությունը կայացած, զարգացող և ժողովրդավար պետություն է: Պատերազմի ոչ մի սպառնալիք ու հրադադարի ռեժիմի նենգաբար խախտում չի կարող սասանել արցախցու հաղթական ոգին, որով նա արդեն 23 տարի շարունակ կերտում է իր պետականության անսասան հիմքերն ու հարատև ուղին:

Վերջինս նաև հաճախակի հյուր էր Արցախում, հանդիպումներ էր ունենում Արցախի բարձրաստիճան պաշտոնյաների հետ: Նա էր առաջ տանում բնապահպանությոն ոլորտում հայկական երկու պետությունների համագործակցության անհրաժեշտության գաղափարը:

Մինչ այս պահը, սակայն, Գրիգորյանը անգամ քաղաքացիական դիրքորոշում չի հայտնել Արցախի շուրջ տեղի ունեցող ողբերգական իրադարձությունների վերաբերյալ: Նա նաև արցախցիներին օգնության ձեռք չի մեկնել, չնայած, ինչպես ասում են, այդ ձեռքը քարի տակ չէ: Մարզպետ աշխատելու տարիներին նրա եկամուտները կազմել են 114.605.621 ՀՀ դրամ: Դոլարային և ՌԴ ռուբլով հաշիվները կազմել էին 776.000 ԱՄՆ դոլար և 300.000 ռուբլի: Այսինքն` գրեթե դոլարային միլիոնատեր նախկին կարկառուն պաշտոնյան, ով տարիներ առաջ ձոներ էր նվիրում Արցախի ժողովրդին և կարևորում տասնամյակներ շարունակ ձգվող պայքարը, այսօր լռում է, երբ անգամ վտանգի տակ են՝ ժամանակին իր իսկ կողմից ղեկավարված Արարատի մարզի մի շարք տարածքներ: Գրիգորյանը ոչ խոսքով, ոչ էլ գործով չի աջակցում Արցախին և արցախցիներին:

Շարունակելի...

Այս թեմայով Պատերազմից հետո ՀՀ-ն կարողացել է դիմակայել ինքնիշխանության դեմ ճնշումներին՝ ժողովրդավարության միջոցով. Արմեն Գրիգորյան Հայաստանը Թուրքիայից սպասում է գործողությունների՝ առաջ շարժվելու համար․ Գրիգորյան Մինչև այսօր էլ Ռուսաստանն ամբողջությամբ Հայաստանին չի մատակարարել զենք-զինամթերքը. Արմեն Գրիգորյան Տավուշում սահմանազատման գործընթացն ավելի շատ կայունություն է բերելու. Արմեն Գրիգորյան Ճիշտ չէ գերիների հարցը փոխկապակցել խաղաղության պայմանագրի ստորագրման հետ, բայց խաղաղության հաստատումը պետք է լինի նաև գերիների վերադարձով. Արմեն Գրիգորյան Մինչև այսօր էլ Ռուսաստանն ամբողջությամբ չի մատակարարել զենք-զինամթերքը. Արմեն Գրիգորյան Ադրբեջանին առաջարկել ենք համատեղ հետաքննման մեխանիզմ ստեղծել. Արմեն Գրիգորյան ԵԱՏՄ-ում էներգետիկ շուկաների հարցով տարակարծություններ կան․ Մհեր Գրիգորյան Անպատրաստ երիտասարդներին հենց այնպես հավաքագրում, տանում են, որ ի՞նչ անեն՝ ձեռք ու ոտք ջարդե՞ն. Նիկոլայ Գրիգորյան Արցախը, միանշանակ, հայկական է, այստեղ քննարկելու հարց չկա. Ստեփան Գրիգորյան (տեսանյութ)