Ֆրանսիան զենք է ուղարկում Հայաստան՝ Ադրբեջանի հետ նոր կոնֆլիկտի մտավախության ֆոնին․ Politico

Ֆրանսիան ռազմական տեխնիկա է վաճառում  Հայաստանին, ինչպիսիք են հակաօդային պաշտպանության համակարգերը, երկուշաբթի ասել էՖրանսիայի կառավարությունը, քանի որ մտավախություններն աճում են, որ Ադրբեջանը կարող է անցյալ ամիս Լեռնային Ղարաբաղի գրավումից հետո հարձակվել իր հարևանի տարածքի վրա, ասվում է Politico-ի հոդվածում:

Ֆրանսիական զենքի մասին հայտարարությունը հնչել է ընդամենը մեկ ամիս այն բանից հետո, երբ Լեռնային Ղարաբաղում կայծակնային ռազմական հարձակումից հետո Ադրբեջանը հայտարարեց իր հաղթանակի մասին, որը ստիպեց տարածաշրջանում ապրող ավելի քան 100,000 էթնիկ հայերի լքել իրենց տները:

Մտահոգությունն այն է, ինչպես բարձրաձայնել է ԱՄՆ Պետքարտուղար Էնթոնի Բլինքենը, որ դա կարող է Ադրբեջանի տարածաշրջանային հավակնությունների ավարտը չլինել, և բոլոր հայացքներն այժմ ուղղված են «Զանգեզուրի միջանցքին»՝ ցամաքային հատված, որն անցնում է Հայաստանի և Իրանի սահմանի երկայնքով: Վտանգն այն է, որ Բաքվի ուժերի մեկ այլ քայլ կարող է ավելի լայն հակամարտություն բորբոքել Հարավային Կովկասում. մի տարածք, որտեղ Թուրքիան, Ռուսաստանը և Իրանը բոլորն ունեն հիմնական ռազմավարական շահեր:

Ֆրանսիան՝ երկիր, որն ունի Եվրոպայի ամենամեծ սփյուռքահայ համայնքը, հասկացրել է, որ չի պատրաստվում կողքից նայել:

«Նույնիսկ եթե մենք միևնույն ռազմական և քաղաքական դաշինքների մաս չենք, մենք պատկերացնում ենք այս պաշտպանական հարաբերությունները, որոնք հիմնված են մի պարզ սկզբունքի վրա՝ դուք պետք է կարողանաք պաշտպանել ձեզ և ձեր քաղաքացիական բնակչությանը», - ասել է Ֆրանսիայի Զինված ուժերի նախարար Սեբաստիեն Լեկորնուն։

Արևմուտքի կողմից քաղաքական աջակցության աճը գալիս է այն ժամանակ, երբ Հայաստանը աշխատում է Ռուսաստանից հեռու մնալու ուղղությամբ, նշում է Politico–ն: 

Այս թեմայով Քննարկվել է Հայաստան-Ֆրանսիա համագործակցության օրակարգային հարցեր Ֆրանսիա-Հայաստան բարեկամական խմբի ղեկավարը կժամանի Հայաստան Մակրոնը Դուրովին առաջարկել էր Telegram-ը տեղափոխել Ֆրանսիա. Wall Street Journal Պապիկյանն ու Ֆրանսիայի դեսպանը քննարկել են պաշտպանության բնագավառում ՀՀ-Ֆրանսիա համագործակցությանն առնչվող հարցեր ՀՀ նախագահը մեկնել է Ֆրանսիա՝ մասնակցելու Օլիմպիական խաղերի բացման պաշտոնական արարողությանը Հարությունյանն աշխատաքային այցով մեկնել է Ֆրանսիա․ հուշագիր է ստորագրվելու Բայդենը ժամանել է Ֆրանսիա Հացադուլի 41-րդ օրը ֆրանսահայ լրագրող Լեո Նիկոլյանը ՀՀ-ից մեկնեց Ֆրանսիա Օդանավակայանում հացադուլ հայտարարած Լեո Նիկոլյանին քնեցրել են և փորձել փոխադրել Ֆրանսիա․ «Իրավունք» Չինաստանի նախագահը պաշտոնական այցով մեկնել է Ֆրանսիա, Սերբիա և Հունգարիա