Նախարար Ռոբերտ Խաչատրյանը մասնակցել է Ինտերնետ կառավարման հայաստանյան 8-րդ համաժողովին

Նոյեմբերի 3-ին մեկնարկել է Ինտերնետ կառավարման հայաստանյան 8-րդ համաժողովը՝ ArmIGF 2023-ը, որը կազմակերպվել է ՀՀ բարձր տեխնոլոգիական արդյունաբերության նախարարության, «Ինտերնետ հանրություն» և «Ինտերնետ հասարակության Հայաստան հատված» ՀԿ-ների համագործակցությամբ:

Համաժողովի բացմանը ողջույնի խոսքով հանդես է եկել ՀՀ բարձր տեխնոլոգիական արդյունաբերության նախարար Ռոբերտ Խաչատրյանը:

Նախարարն անդրադարձել է ինտերնետի կառավարմանն առնչվող մի շարք հարցերի, կարևորել, որ համաժողովի քննարկումներում ներգրավված են պետական, հասարակական, մասնավոր հատվածների ներկայացուցիչներ։

«Համացանցն այսօր գրավել է ամբողջ աշխարհը: Եվ այս համատեքստում, թվային փոխակերպումը ներկայում անխուսափելի գործընթաց է:  Այս առումով, Հայաստանի կառավարության առաջնահերթություններից է  թվային արդիական միջավայրի ստեղծումը՝ պետական կառավարման բոլոր ոլորտներում գիտելիքի և տեխնոլոգիաների հիման վրա հասանելի, մատչելի, հուսալի, անվտանգ, բարձրորակ և մրցունակ ծառայությունների ապահովումը՝ ուղղված Հայաստանի տնտեսության զարգացմանը, բնակչության կյանքի որակի բարձրացմանը:

Այս նպատակին հասնելու համար Կառավարության հնգամյա ծրագրում հստակ նախանշված են միջոցառումներ, ինչպիսիք են՝ նույնականացման արդիական համակարգի ներդրում, հանրային ծառայությունների թվայնացում, դրանց առցանց հասանելիության ապահովում, բնակչության թվային գրագիտության բարձրացում և թվային գործիքների կիրառման խթանում, իրավաբանական անձանց և քաղաքացիների հետ պետական և տեղական ինքնակառավարման մարմինների՝ էլեկտրոնային եղանակով հաղորդակցության ապահովում, և մի շարք այլ ծրագրեր:

Թվային փոխակերպումը Հայաստանում վերջերս նոր թափ է հավաքել, անելիքները շատ են, և պահանջում են բոլորիս գործուն մասնակցությունը»,- ասել է Ռոբերտ Խաչատրյանը:

Համաժողովի մասնակիցներին ողջունել են նաև RIPE NCC, արտաքին հարաբերությունների պատասխանատու Վահան Հովսեփյանը,  ICANN-ի Արևելյան Եվրոպայի և Կենտրոնական Ասիայի գլոբալ շահառու կողմերի ներգրավվածության ղեկավար Միխայիլ Անիսիմովը, «Ինտերնետ Հանրություն» ՀԿ խորհրդի նախագահ Իգոր Մկրտումյանը, Ինտերնետ հասարակության Եվրոպական կառավարության և կարգավորող հարցերի ավագ տնօրեն Դեյվիդ Ֆրաուտչին։

Նրանք խոսել են միջոցառման կարևորության, Հայաստանում թվայնացման, հեռահաղորդակցության ոլորտներում պետական քաղաքականության, առաջ եկած խնդիրների և դրանց լուծման հնարավորությունների շուրջ։

Այնուհետև տեղի են ունեցել պանելային քննարկումներ:

«Թվային մարտահրավերներ և հնարավորություններ. Հասարակության, կառավարության և տնտեսության թվային փոխակերպման լուծումները» թեմայով քննարկմանը մասնակցել են ՀՀ ազգային ժողովի նախագահի տեղակալ Հակոբ Արշակյանը, ՀՀ բարձր տեխնոլոգիական արդյունաբերության նախարար Ռոբերտ Խաչատրյանը և Տեղեկատվական համակարգերի կառավարման խորհրդի քարտուղար, «Հայաստանի տեղեկատվական համակարգերի գործակալություն» հիմնադրամի տնօրեն Ներսես Երիցյանը։ Քննարկվել են թվայնացման, կիբեռանվտանգության, հեռահաղորդակցության  ոլորտում պետական և մասնավոր հատվածի փոխգործակցության, օրենսդիր և գործադիր իշխանությունների համակարգված գործունեության, 2024թ բյուջեում թվայնացման մասով նախարարությանը վերապահված գործառույթներին ու դերին, ներկայացված ոլորտներում իրականացվող աշխատանքների որակին ու ժամանակացույցին առնչվող մի շարք հարցեր։ Ներսես Երիցյանը մանրամասներ է ներկայացրել նաև գործակալության կողմից իրականացվող աշխատանքների ու ծրագրերի վերաբերյալ։

Պանելային քննարկումները շարունակվել են «Համընդհանուր Ընդունումը» որպես համացանցի անբաժան մաս», «Արհեստական բանականությունը կրթական և ուսումնական պրոցեսներում, դրական և բացասական կողմերը», «Ինչ է WSIS+20-ը, կարևորությունը թվային զարգացման դարում», «Համաշխարհային թվային պայմանագիր, «Ինտերնետ հասարակության Հայաստան հատված» ՀԿ ներգրավվածությունը և տարեկան նախագծերը» թեմաների շուրջ։

Արդեն 8-րդ անգամ անցկավող ArmIGF համաժողովի հիմնական նպատակն է քննարկելու, վեր հանելու ինտերնետ կառավարմանն առնչվող արդիական խնդիրները, մարտահրավերներն ու զարգացման հեռանկարները, նախանշելու լուծման տարբերակներն ու հնարավորությունները։

Միջոցառման անցկացման նախաձեռնությունը «ՀՀ Ինտերնետ կառավարման հանձնաժողով» միջգերատեսչական խմբինն է, որը կազմավորվել է ՀՀ կառավարության որոշմամբ՝ 2014թ., ինտերնետ կառավարմանն առնչվող խնդիրների լուծման համար առաջարկություններ մշակելու և ներկայացնելու նպատակով։

Այս թեմայով «Ադրբեջանցիների որոշ մասը ծաղրում էր, որոշները գոռում, անգամ՝ հայհոյում»․ Անահիտ Խաչատրյանը տեղահանվել է Մարտակերտի շրջանից (տեսանյութ) Կարիք ունենք գտնելու երեխաներին պաշտպանելու լավագույն ձևերը. Ժաննա Անդրեասյանը մասնակցել է ուսուցչական համաժողովի Փաշինյանը մասնակցել է Վեդի քաղաքում ամֆիթատրոնի բացման միջոցառմանը ՆԱՏՕ-ն Ռուսաստանի հետ պատերազմի է պատրաստվում. Հունգարիայի ԱԳ նախարար «Կառավարությունը մեր ընդունած օրենքը չի կատարել», «Դրա համար նախարար է փոխվել». ԱԺ նիստ (տեսանյութ) Չե՞ք կարող պայքարել ոչ պատշաճ տնտեսվարողի դեմ, վերացրե՛ք հարկային համակարգը․ Խաչատրյանը` Բադասյանին (տեսանյութ) 44-oրյային զավակ կորցրածներին նոր երեխա ունենալու հնարավորություն է տալիս պետությունը. ԱՆ նախարար (տեսանյութ) Պապիկյանը մասնակցել է Շումանի անվտանգության և պաշտպանության ֆորումի բացման արարողությանը ՊՆ նախարար կա, ուսուցիչ, դա է եկել, ինձ խնդրել, որ «Իմ քայլով» պատգամավոր դառնամ. Բագրատ Սրբազան Նիկոլ Փաշինյանը Լոռու եւ Տավուշի մարզերում արտակարգ իրավիճակի կառավարման օպերատիվ շտաբի նիստ է անցկացրել