Երևանում կանցկացվի ԵԱՀԿ ԽՎ աշնանային նստաշրջանը. պատվիրակների մի մասը կայցելեն ՀՀ սահմաններ

Կառավարությունն իր այսօրվա՝ նոյեմբերի 9-ի նիստում որոշեց 2023-ի բյուջեի կառավարության պահուստային ֆոնդից հատկացնել 120 մլն դրամ՝ այս տարվա նոյեմբերի 18-20-ին Երևանում ԵԱՀԿ խորհրդարանական վեհաժողովի աշնանային նստաշրջանը անցկացնելու նպատակով:

Նշենք, որ նախապես որոշված էր, որ այս նստաշրջանը պետք է անցկացվի Ուզբեկստանի Սամարկանդ քաղաքում, սակայն, 2023թ․-ի փետրվարին պարզ դարձավ, որ քաղաքական դրդապատճառներից ելնելով Ուզբեկստանի կառավարությունը չեղարկել է նիստը հյուրընկալելու իր որոշումը։

Հայաստանը հունիսի 13-ին ՀՀ ԱԺ նախագահի անունից պաշտոնական նամակ է ուղղել ԵԱՀԿ ԽՎ նախագահին և գլխավոր քարտուղարին առ այն, որ ՀՀ ԱԺ-ն պատրաստ է հյուրընկալել աշնանային նիստը Երևանում:

ԵԱՀԿ ԽՎ աշնանային նստաշրջանը Երևանում անցկացնելը հնարավորորություն կտա Հայաստանում հյուրընկալել կառույցի 57 անդամ պետությունների պատվիրակությունների` շուրջ 350 պատգամավորներին։ Նիստի ընթացքում՝ երեք գլխադասային հանձնաժողովներում հնարավորություն կընձեռնվի քննարկել Հվ․Կովկասի տարածաշրջանին առնչվող մի շարք հարցեր։

Մի շարք երկրների պատվիրակությունների անդամներ արդեն ցանկություն են հայտնել նիստի անցկացման ժամանակահատվածում նրանց այցը կազմակերպել նաև Հայաստանի սահմաններին ԵՄ դիտորդական առաքելություն իրականացնող հատվածներ։

Նախատեսվում է անցկացնել նաև մի շարք երկկողմ հանդիպումներ տարբեր երկրների պատվիրակությունների և ՀՀ ԱԺ համապատասխան բարեկամական խմբերի միջև։

2023թ. սեպտեմբերի 11-ին Երևան են ժամանել ԵԱՀԿ ԽՎ գլխավոր քարտուղարի տեղակալ Գուստավո Պարալլեսը, նիստերի համակարգող Օդիլ Լելարջը և հասարակական կապերի պատասխանատու Անժելիկա Իվանիշչևան՝ Երևանում կայանալիք ԵԱՀԿ ԽՎ աշնանային նստաշրջանի կազմապերպման նախապատրաստական աշխատանքները քննարկելու, միջոցառման անցկացման վայրըտեսնելու և պայմաներին ծանոթանալու համար։

ԵԱՀԿ ԽՎ-ի կողմից ներկայացված պահանջների հիման վրա կատարվել է ծախսերի նախնական հաշվարկ, որը կազմել է մոտ 145.1 մլն դրամ, որից 25.1 մլն դրամը նախատեսվում է իրականացնել ԱԺ տնտեսված միջոցների հաշվին, 120.0 մլն դրամը՝ ՀՀ 2023 թվականի պահուստային ֆոնդի միջոցների հաշվին:

Այս թեմայով Ինչո՞ւ են անձրևների արդյունքում Երևանում «գետեր» ու «լճեր» առաջանում. «Փաստ» Խնդիրը ծագել է Տավուշում, բայց լուծումը Երևանում է, մեր Շարժումը հաշտության օրակարգի մասին է (տեսանյութ) Կին դատավորների մեծ մասը ԲԴԽ գնալու ցանկություն չունի. «Ժողովուրդ» Տավուշում թեժ «հերոսամարտեր» են, Սրբազանին արգելում են մտել Կիրանց, իսկ տավուշցի ՔՊ-ական պատգամավորը աղբի մասին քննարկում է անում Երևանում (տեսանյութ) Երևանում վերացվել է հանրային սննդի օբյեկտի գործունեության կասեցումը Շառլ Ազնավուրի ծննդյան 100-ամյակին նվիրված տոնական համերգ տեղի կունենա Երևանում Երևանում փոքր կենտրոնի որոշ հատվածներ ժամանակավորապես փակ կլինեն Ուկրաինայում բանտարկյալների մի մասը կարող է համալրել երկրի զինված ուժերի շարքերը Մայիսի 19-ին Թբիլիսիում կանցկացվի ավանդական դարձած Վարդատոնը Քիշնևի քաղաքապետը Երևանում է․ համագործակցության հարցեր են քննարկել