Դանիել Դանիելյանը ներկա է եղել «Վիլյամ Սարոյանը և արվեստը» միջազգային գիտաժողովի բացմանը

Գիտությունների ազգային ակադեմիայում այսօր մեկնարկել է «Վիլյամ Սարոյանը և արվեստը» խորագրով երկօրյա միջազգային գիտաժողովը, որը կազմակերպել են ՀՀ ԳԱԱ արվեստի ինստիտուտը և «Վիլյամ Սարոյան» հիմնադրամը (Սան Ֆրանցիսկո):

Սարոյանագիտության մեջ աննախադեպ այս գիտաժողովի բացմանը ներկա է եղել ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանը: Ողջունելով գիտաժողովի մասնակիցներին՝ Դանիել Դանիելյանը ներկաներին մաղթել է հետաքրքիր, բովանդակալից և արդյունավետ աշխատանք: 

Նախարարի տեղակալն անդրադարձել է ականավոր գրող Վիլյամ Սարոյանի ժառանգությանը և նշել, որ Սարոյանը տաղանդավոր էր իր բոլոր դրսևորումներում՝ նկարչական, երաժշտական, թատերական, ինչն ամբողջովին դեռևս չբացահայտված, սակայն անգնահատելի ժառանգություն է սերունդներին:

«Անչափ կարևորում եմ գիտաժողովի անցկացումը, որի շրջանակում սարոյանական արվեստի տարբեր դրսևորումներ կդրվեն գիտական հենքի վրա: Տարբեր քննարկումների, մտքերի փոխանակման արդյունքում ևս մեկ անգամ հնարավորություն կունենանք հանրահռչակելու, երիտասարդներին ներկայացնելու սարոյանական անգնահատելի արվեստն ու գրականությունը»,-  նշել է նախարարի տեղակալը և բարի երթ մաղթել գիտաժողովի մասնակիցներին:

Նշենք, որ գիտաժողովի աշխատանքներին մասնակցում են Հայաստանի, Ռուսաստանի, ԱՄՆ-ի, Մեծ Բրիտանիայի, Իսլանդիայի, Սերբիայի միջազգային ճանաչում ունեցող առաջատար գիտնականներն ու երիտասարդ հետազոտողները:

ՀՀ ԳԱԱ արվեստի ինստիտուտի տնօրեն Աննա Ասատրյանի խոսքով՝ «Վիլյամ Սարոյանը և արվեստը» գիտաժողովը կբացահայտի երգեր գրող, նկարող և այլ շնորհներ ունեցող Սարոյանին. «Երևի առաջին հայացքից տարակուսանք ու զարմանք կառաջացնի գիտաժողովի խորագիրը՝ «Վիլյամ Սարոյանը և արվեստը»: Չէ՞ որ Վիլյամ Սարոյանը, ինչպես գիտենք բոլորս, ականավոր գրող է: Ու թեև ստեղծագործել է անգլերեն ու նկարագրել ամերիկյան կյանքը, սակայն ոգին, որը նրան մղել է ստեղծագործելու, եղել է իր հայ ինքնությունը: Հետևաբար, ի՞նչ կապ ունի Վիլյամ Սարոյանն արվեստի հետ, իսկ ԳԱԱ Արվեստի ինստիտուտն էլ՝ Վիլյամ Սարոյանի հետ, կհարցնեն շատերը ու ճիշտ կանեն»,- ասել է Աննա Ասատրյանը՝ ընդգծելով, որ այս հարցի պատասխանը կտա գիտաժողովը, որը դառնալու է նաև հայտնությունների հարթակ:

ՀՀ ԳԱԱ արվեստի ինստիտուտի տնօրենի նշմամբ՝ Սարոյանի ստեղծագործությունները խթանել են հայ արվեստի զարգացումը. «Ի թիվս այլնի՝ գիտաժողովի ժամանակ սպասվում են բացահայտումներ Սարոյանի սարյանական և սիրավյանական կերպարների մասին: Սարոյանի պիեսները բեմադրվել են Հայաստանի և սփյուռքի թատրոններում և մեծ դեր կատարել հայ ռեժիսորների և դերասանների ստեղծագործական ճակատագրում: Այդ մասին ևս կլինեն զեկուցումներ»:

Տեղեկացնենք նաև, որ երկօրյա գիտաժողովի ընթացքում նախատեսված է 35 զեկուցում: «Վիլյամ Սարոյանը և արվեստը» միջազգային գիտաժողովի արդյունքները կդառնան կարևոր հանգրվան ինչպես արվեստագիտության, այնպես էլ սարոյանագիտության ասպարեզում:

Այս թեմայով Ծառուկյանի հանձնարարությամբ աղետի գոտի են հասցվել առաջին անհրաժեշտության իրեր Դանիել Դանիելյան, հորդ տնի՞ց ես բերել պետական միջոցները, մարդիկ Տավուշից եկել-հասել են. Սրբազան (տեսանյութ) Երևանում մեկնարկել է հունահռոմեական ոճի ըմբշամարտի միջազգային հուշամրցաշարը Բերետավորների գործողություններից տուժած Դանիել Սարկավագը և բժիշկ Նիկոլայ Գրիգորյանը` հիվանդանոցում Բերետները ծաղրաբար «հայր սուրբ», «հայր սուրբ» ասելով դաժան ծեծի են ենթարկել Դանիել սարկավագին Դանիել Սարկավագի ինքնազգացողությունը վատացել է, նրան շտապօգնության մեքենայով տարել են հիվանդանոց Երևանում մեկնարկեց Անիի հնագիտական պեղումներին, պատմությանը և կոթողներին նվիրված միջազգային գիտաժողով Ռուբեն Ռուբինյանը Բելգիայի դեսպանին է ներկայացրել Հայաստան-Թուրքիա հարաբերությունների կարգավորման ներկա փուլը Վարչապետներից մեկն էլ ես եմ, եկել եմ ԱԳՆ, դուռը խի՞ եք փակել, թող բացեն. Դանիելյանը` ոստիկանապետին (տեսանյութ) Փառահեղ անցյալ, անորոշ ներկա և հզոր ապագա, եթե ինքներս դա կամենանք․ «Միասնություն» շարժման ղեկավար Արման Վարդանյան