Հեղափոխական պաշտոնյաների «կիքսերն» ու բացթողումները. Դիանա Գասպարյան

Շարունակելով անդրադառնալ հայ պաշտոնյաների աշխատանքի ընթացքում ի հայտ եկած կիքսերին, բացթողումներին՝ այսօր կանդրադառնանք Էջմիածնի քաղաքապետ Դիանա Գասպարյանին:

Առաջին քայլը, որն արեց առաջին կին քաղաքապետը, դա հայտարարելն էր, որ քաղաքում տիրող քրեական իրավիճակին վերջ է տրվելու: Նա պնդում էր, որ նախկին բռնապետական կարգերը քաղաքից վերանալու են: Թե որքանով Գասպարյանը հաջողեց իր այս առաքելության մեջ, դժվար չէ գնահատել: Էջմիածինը այսօր անգամներ ավելի քրեականացված է, քան մինչ հեղափոխությունն էր: Չկա այնպիսի օր, որ քաղաքի բանուկ հատվածներում չհնչեն կրակոցներ և տեղի չունենա քրեական ռազբորկաներ: Ավելին` հենց Գասպարյանի ղեկավարության ընթացքում էր, որ ՀՀ նորագույն պատմության մեջ առաջին անգամ հարձակում կազմակերպվեց Մայր Աթոռի վրա, սպառնալիքներ էին հնչում անգամ կաթողիկոսի հասցեին, սակայն Գասպարյանն այդ ամենին չնկատելու տվեց:

Էջմիածնի քաղաքապետն ընտրվելուց հետո նաև որոշում էր կայացրել, որով քաղաքում սկսվելու է «խելացի» կանգառների տեղադրման գործընթացը: Սա ինքին ողջունելի նախաձեռնություն է, սակայն հանրությունն այդպես էլ ականատես չեղավ այդ կանգառների աշխատանքին:

Դիանա Գասպարյանն ակնհայտորեն սխալ էր հասկացել հեղափոխությունից հետո հնչած՝ անիմաստ ծախսերը կրճատելու մասին Նիկոլ Փաշինյանի կոչ-հորդորը: 2020 թվականին Էջմիածնի քաղաքապետը, իր խոսքերով, աննախադեպ տոնածառ էր գնել համայնքի համար: Գինն էլ էր աննախադեպ՝ 12,000,000 դրամ: Մինչդեռ, ի տարբերություն գնի, տոնածառը բնավ էլ աննախադեպ չէր, այլ նույնությամբ կրկնում էր 2015-ին Վիլնյուս քաղաքում տեղադրված տոնածառը:

Ներդրումային խոստացված բումը Էջմիածնում, իհարկե, նույնպես գրվեց սառույցին: Այդ իսկ պատճառով բյուջեն լցնելու տարբերակներից քաղաքապետն ընտրեց մարդկանց գրպանները մտնելը:  Այն պահին, երբ ամբողջ երկիրը գտնվում է սոցիալ-տնտեսական, ֆինանսական լրջագույն ճգնաժամի մեջ, քաղաքապետարանում գույքահարկի պարտքեր էին բռնագանձում, այն էլ՝ միլիոնների հասնող: Այսպես, մի քաղաքացուց բռնագանձվել է 643 հազար 290 դրամ, մեկ այլ քաղաքացուց բռնագանձվել է 790 հազար 50 դրամ: Միևնույն ժամանակ քաղաքապետը որոշել է նաև լավություն անել քաղաքի բուժաշխատողներին և վերջիններիս համար 180 հազար դրամի կեքս է պատվիրել: 

Դիանա Գասպարյանի արտասահմանցի գործընկերները շատ ավելի հոժարակամ են հրաժարականի դիմումներ ներկայացրել և շատ ավելի չնչին առիթներով:

Դիցուք՝ Վլադիվոստոկի քաղաքապետ Օլեգ Գումենյուկը հրաժարականի դիմում ներկայացրեց՝ նահանգապետ Օլեգ Կոժեմյակոյի քննադատությունից և այն բանից հետո, երբ ՌԴ նախագահի ներկայացուցիչը տարածաշրջանում շրջեց քաղաքում և բազմաթիվ բացեր ու թերություններ արձանագրեց:

Հռոմի քաղաքապետ Իգնացիո Մարինոն հրաժարականի դիմում ներկայացրեց միայն այն պատճառով, որ պարզ էր դարձել՝ ռեստորանում նա ընթրել է բյուջեի հաշվին:

Տոկիոյի քաղաքապետ Յետի Մասուդզոյեն հրաժարական տվեց կոռուպցիոն սկանդալից հետո, երբ հայտնի դարձավ, որ վերջինս իր ընտանիքի հանգիստը կազմակերպել էր պետական բյուջեի հաշվին:

Օսլոյի քաղաքապետ Պեր Դիտլեվ Սիմոնսենը հրաժարական ներկայացրեց միայն այն բանի պատճառով, որ ժառանգություն ստանալուց հետո պետական բյուջե չէր վճարել անհրաժեշտ հարկը:

Այս թեմայով Միակողմանի զիջումը սահմանազատում չի կարելի որակել. ո՞վ է ասում, որ չեմ պայքարում. Օնիկ Գասպարյան (տեսանյութ) Նիկոլին փախցնելու է պետություն, որը նրան բերել է․ Ալենն ու Արարատն էլ թռնելու են ՌԴ․ Աբրահամ Գասպարյան (տեսանյութ) «Վախով եկար, վախով էլ գնալու ես, անփառունակ ու անգերեզման». Աբրահամ Գասպարյան Այստեղ ընդհատելու ենք կորուստների շղթան, 7-10 օր է տևելու սա, չենք զլանալու պայքարել․ Գասպարյան (տեսանյութ) Ժողովրդի մոտ հավատի յուրահատուկ էներգիա կա, գնում ենք մասնակցենք սրբազան երթին․ Գասպարյան (տեսանյութ) Վլադիմիր Գասպարյանի գործով հանրային մեղադրողը միջնորդեց պատիժ 11 տարի ժամկետով. փաստաբան Հուժկու գործողությունների գնալու մեր կամքն արտահայտելու ենք առաջիկայում. Գասպարյան (տեսանյութ) Կիրանցը միասին դարձնենք Հայաստանի պարտվողական, հանձնվողական քաղաքականությանը վերջ տալու սկզբնակետը. Աբրահամ Գասպարյան (տեսանյութ) Այո, կպայքարեմ տավուշցիների հետ. Օնիկ Գասպարյան (տեսանյութ) Հրապարակվել է «Դիանա Աբգար» թեմայով նամականիշի նկար Հայաստանի առաջին կին դիվանագետի մասին տեղեկությամբ