Հայաստանը շարունակելու է իր ակտիվ համագործակցությունը ԵԽ-ի հետ. ՏԿԵ փոխնախարար

ՀՀ ՏԿԵ նախարարի տեղակալ Վաչե Տերտերյանը մասնակցել է Եվրոպայի խորհրդի ժողովրդավարության և կառավարման հարցերով եվրոպական կոմիտեի (CDDG) 18-րդ նիստին։ Հայտնում են ՏԿԵ նախարարությունից․

«Նիստի ընթացքում ամփոփվել են Կոմիտեի տարեկան աշխատանքները, մասնավորապես Ժողովրդավարական լավ կառավարման սկզբունքների, մասնակցային ժողովրդավարության, բազմաստիճան կառավարման, կանաչ հանրային կառավարման և էլեկտրոնային քվեարկության վերաբերյալ։

Վաչե Տերտերյանն իր ելույթում շնորհակալություն է հայտնել Կոմիտեի անդամներին և Քարտուղարությանը աշխատանքներում գրանցած հաջողությունների առթիվ և ընդգծել Կոմիտեի կարևորությունը անդամ երկրներում համապատասխան բարեփոխումների մասով։

Նախարարի տեղակալը ներկայացրել է վերջին շրջանում Հայաստանում իրականացրած բարեփոխումները և բարձր գնահատել Եվրոպայի Խորհրդի հետ երկարամյա համագործակցությունը և աջակցությունը։ Ներկայացվել է տարածքային վարչական բարեփոխումների նոր ձեռքբերումը՝ Ապակենտրոնացման հայեցակարգի ընդունումը, ինչը սահմանում է համայնքներում լիազորությունների հետագա ապակենտրոնացման շրջանակը և տեղական ինքնակառավարման կայուն զարգացման առաջնահերթությունը: Այն ձգտում է ամրապնդել տեղական ժողովրդավարությունը և նպաստել համայնքների հզորացմանն ու կայուն զարգացմանը:

Սույն Հայեցակարգը սահմանում է լիազորությունների ապակենտրոնացման սկզբունքները, խնդիրներն ու նպատակները, առաջարկվող լուծումներն՝ ուղղված լիազորությունների ապակենտրոնացմանն ըստ լիազորությունների ոլորտների, ակնկալվող արդյունքներն ու ֆինանսավորման աղբյուրը, առաջիկա տարիներին հնարավոր գործողությունների և ձեռնարկվելիք միջոցառումների շրջանակը։

Եզրափակելով ելույթը՝ Վաչե Տերտերյանը վստահեցրել է, որ Հայաստանը շարունակելու է իր ակտիվ համագործակցությունը ԵԽ գործընկերների հետ՝ տեղական բարեփոխումների ոլորտում լավագույն փորձի փոխանակման, Ժողովրդավարական լավ կառավարման սկզբունքների պահպանման և զարգացման ուղղությամբ»,- ասվում է նախարարության հաղորդագրության մեջ։ 

Այս թեմայով Չնայած ՌԴ սպառնալիքներին, Հայաստանը շարունակում է իր ուղին դեպի ազատություն. Ֆրանսիայի ԱԳ նախարար Նիկոլական տրանսգենդերը ներկայացնելու է Հայաստանը տրանս-«գեղեցկության» միջազգային մրցույթին. Ռուբեն Մելիքյան Հայաստանը մեծ պատվով ներկայացնելու եմ ես. տրանսգենդերը մասնակցելու է գեղեցկության մրցույթին Հայաստանը ներկայացնող թենիսիստուհի Էլինա Ավանեսյանը մամուլի ասուլիս կտա Տեսանելի ապագայում Հայաստանը ԵՄ անդամ չի դառնա, եթե անգամ 10 հանրաքվե անցկացվի. Արա Պողոսյան Մեր քաղաքական թիմը շարունակելու է անշեղորեն գնալ Ժողովրդավարության ճանապարհով․ Ալեն Սիմոնյան Հայաստանը դիմել է Հնդկաստանին՝ հնդկական հրթիռների գնման առաջարկով Հայաստանը «Ապագա կա»-ի ճիրաններում 3. Ռուբեն Հակոբյան Հայաստանը երկիր է, որն ունի հնամյա ժառանգություն եւ ժամանակակից ձգտումներ` զորացնել երիտասարդությանը․ Տուլիա Էքսոն (տեսանյութ) Հայաստանը «Ապագա կա»-ի ճիրաններում 3. Ռուբեն Հակոբյան