Տրակտորները գողացել են և 900 000 դրամով հանձնել մետաղների ընդունման կետ

Նոյեմբերի 26-ին ՆԳՆ ոստիկանության Արագածոտնի մարզի օպերատիվ կառավարման կենտրոն հաղորդում էր ստացվել, որ Ագարակ համայնքի վարչական տարածքի չգործող քարհանքից տրակտորներ են գողացել:

ՆԳՆ ոստիկանության Աշտարակի բաժնից օպերատիվ խումբ, ինչպես նաև պարեկային ծառայության կարգախումբ է մեկնել նշված վայր: Պարզվել է, որ նոյեմբերի 25-ի ժամը 19.00-ից նոյեմբերի 26-ի ժամը 18.15-ն ընկած ժամանակահատվածում գողացել են չգործող քարհանքի երկու անսարք տրակտորները:

Արագածոտնի մարզային քննչական վարչությունում նախաձեռնվել է քրեական վարույթ:

ՆԳՆ ոստիկանության Աշտարակի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են, որ գողությունը կատարել են 25-ամյա, 24-ամյա և 41-ամյա երեք տղամարդիկ՝ նորխարբերդցի 41-ամյա տղամարդու «Մերսեդես» մակնիշի ավտոտարհանիչ-մանիպուլյատոր և երևանցի 24-ամյա երիտասարդի «Քեմրի» մեքենաներով:

Նոյեմբերի 27-ին նրանք ձերբակալվել և տարվել են ոստիկանության Աշտարակի բաժին, որտեղ երևանցի երիտասարդները խոստովանել են, որ նոյեմբերի 26-ի ժամը 17-ի սահմաններում քարհանքի տարածքից գողացել են երկու անսարք տրակտոր, որոնք այնուհետև 900 000 դրամով հանձնել են Արգավանդ համայնքի Կենտրոնական փողոցի մետաղների ընդունման կետ:

«Մերսեդես» ավտոտարհանիչ-մանիպուլյատոր և «Քեմրի» մեքենաները տեղափոխվել են ոստիկանության Աշտարակի բաժնի հատուկ պահպանվող տարածք:

Կազմված փաստաթղթերը և երեք տղամարդիկ ներկայացվել են Արագածոտնի մարզային քննչական վարչություն: Կատարվում է նախաքննություն: Հանգամանքները պարզվում են:

Այս թեմայով Գողացել են շուրջ 3000 մետր էլեկտրական բարձր լարման հաղորդալար Ստամբուլում գողացել են հայկական եկեղեցու խաչը Երևանի կենտրոնում կոտրել են բանկի տերմինալը և գողացել 5 դրամապահոց Արտակարգ դեպք՝ Կոտայքի մարզում․ գողացել են «Իդրամ» վճարային տերմինալը, որում եղել է 2 մլն դրամ Չինաստանում դիակիզարաններից ու բժշկական լաբորատորիաներից ավելի քան 4000 դի են գողացել. South China Morning Post 53-ամյա տղամարդը փոստային բաժանմունքում աշխատասեղանի վրայից գումար է գողացել Քաղաքացին պնդում է, որ Ինեկոբանկն իր հաշվից գումար է «գողացել» Երևանում «Հայփոստ»-ի բաժանմունքից գողացել են զինվորի համար նախատեսված դրամատուփի գումարը Քասախի բնակչի ներքնակի տակից գողացել են 55 հազար դոլար. կազմակերպիչն ու օժանդակողը կալանավորվել են, կատարողը որոնվում է Գիտեմ, որ Սուրեն Պետրոսյանին ԱԱԾ ծառայողները գողացել են. այլ տեղեկություն չունեմ. Սրբազան (տեսանյութ)