«Ժողովուրդ». Ինչպես է պատրաստվում Տիգրան Ավինյանի ղեկավարած կառույցը ծախսել 2024 թվականի բյուջեն

«Ժողովուրդ» օրաթերթը գրում է. Երեւան քաղաքի բյուջեի նախագիծն արդեն ներկայացված է հանրային քննարկման Իրավական ակտերի նախագծերի հրապարակման միասնական հարթակում։ Հանրային քննարկման ժամկետը մինչեւ դեկտեմբերի 5-ն է, դրանից հետո նախագիծը քննարկվելու է Երեւանի ավագանիում դեկտեմբերի 26-ին կայանալիք նիստում։ Նախագիծը կայքում դիտվել է 255 անգամ։ Ներկայացնենք փոքրիկ մասեր, թե ինչպես է պատրաստվում Ավինյանի ղեկավարած կառույցը ծախսել դեֆիցիտ ունեցող բյուջեն։

Օրինակ՝ աշխատակազմի մասնագիտական զարգացման ծառայությունների համար նախատեսվել է 26 մլն դրամ՝ ՀՀ օրենսդրությամբ նախատեսված համայնքային ծառայողների վերապատրաստման եւ նեղ մասնագիտական ու կոմպետենցիաների վերապատրաստման համար աշխատակիցների մասնակցելու գործընթացը ապահովելու համար։ Հարցն այն է, որ մասնագիտական զարգացման կարիք կա ամբողջ քաղաքապետարանում։ Հետո անհասկանալի է այն փաստը, որ քաղաքապետարանն ավելի շատ գումար հատկացրել է գրասենյակային նյութերին եւ հագուստներին, քան վերը նշված մասնագիտական զարգացմանը։

«Գրասենյակային նյութեր եւ հագուստ» հոդվածով ծախսերը ծրագրվել են 69 մլն դրամ, ինչը ավելի է 2023 թվականի հաստատված ցուցանիշից 7 մլն դրամով. հաշվարկվել են՝ հաշվի առնելով գործունեության համար անհրաժեշտ գրասենյակային նյութերը։ Հավելենք նաեւ, որ հազիվհազ ընտրված ֆրակցիայի բյուջեում, ինչպես իրենց դեպքում հաճախ է լինում, ահռելի գումար է հատկացված կենցաղային եւ հանրային սննդին։

«Կենցաղային եւ հանրային սննդի ծառայություններ» գծով նախատեսվել է 33 մլն դրամ՝ 2023 թվականի 30 մլն դրամի դիմաց. ավելացումը հիմնականում պայմանավորված է գնաճով եւ նախատեսվում է տնտեսական ապրանքների ձեռք բերման նպատակով: Բյուջեի քննարկումներից հետո սպասենք եւ տեսնենք, թե նման ավել ծախսերը որ ընկերություններից են կատարվելու, եւ որ իշխանականն է հարստանալու»:

Այս թեմայով Անհրաժեշտ է հասկանալ՝ ինչպես են ապրում ու կռվում Դոնբասում հայ կամավորները. Թևանյան (տեսանյութ) Ես էդ կինոյի տղան չեմ. էդ մարդը 12 անգամ ցուցմունք է տվել. ուզել է խուսափել կալանավորումից. Թովմասյան (տեսանյութ) Արցախցի երեխաներին Հունգարիա տանելու ծրագիրն օր առաջ պետք է կանգնեցվի. Տիգրան Քոչարյանը` Տեր Վրթանեսին 2.7 միլիարդով կրճատել են ռազմարդյունաբերության բյուջեն և ուղղել պարգևավճարներին և գործուղումներին. 168.am Ծնունդդ շնորհավոր գեներալ ջան․ ազատությո՛ւն մեր բոլոր գերիներին/ռազմագերիներին․ Տիգրան Աբրահամյան Ինչպես 5 տարի պարտվել Իգոր Սարգսյանին և չկարողանալ տղամարդավարի ընդունել դա. Yerkir.am Հայաստանում առաջին անգամ անցկացվում է Furniture Expo 2024 կահույքի մասնագիտացված ցուցահանդեսը Սեպտեմբերյան մարտերի ժամանակ Ադրբեջանը խնդիր էր դրել ՀՀ-ի նկատմամբ. Տիգրան Աբրահամյան Նախաքննությունը շարունակվում է. ՔԿ-ն՝ Տիգրան Համասյանին տեղափոխող մեքենայի վրա հարձակման դեպքի մասին Տիգրան Քոչարյան. Արցախի սպեցնազի գործողությունների, Ջերմուկը պաշտպանների մասին համարյա ոչ մի տող տեղեկատվություն չկա