Եթե Թրամփը չառաջադրվեր, գուցե ես էլ չառաջադրվեի. Բայդեն

ԱՄՆ նախագահ Ջո Բայդենը հայտարարել է, որ հավանաբար չէր առաջադրվի նախագահի պաշտոնում, եթե նախկին նախագահ Դոնալդ Թրամփը չհայտարարեր ընտրություններին մասնակցելու մասին։

«Եթե Թրամփը չառաջադրվեր, ես վստահ չեմ, որ կառաջադրվեի: Բայց ես չեմ կարող թույլ տալ, որ նա հաղթի», - ասել է Բայդենը Մասաչուսեթս նահանգի Ուեսթոն քաղաքում նախընտրական ընդունելության ժամանակ, մեջբերում է CNN-ը:

Թրամփն իր թեկնածությունը հայտարարել է նախագահի պաշտոնում 2022 թվականի նոյեմբերին՝ միջանկյալ ընտրություններից հետո։ Բայդենը հայտարարեց, որ կփորձի վերընտրվել այս տարվա ապրիլին։

The New York Times-ի և Siena College-ի վերջին հարցման համաձայն, եթե ընտրություններն անցկացվեին հիմա, Բայդենը կպարտվեր Թրամփին Արիզոնայում, Ջորջիայում, Միչիգանում, Նևադայում և Փենսիլվանիայում, որոնք համարվում են 2024 թվականի ընտրությունների առանցքային նահանգները:

Սեպտեմբերի սկզբին AP-NORC-ի հարցումը ցույց տվեց, որ ԱՄՆ բնակիչների մեծամասնությունը 80-ամյա Բայդենին համարում է շատ ծեր երկրորդ ժամկետով վերընտրվելու համար։ Հարցվածների 77%-ը կիսում է այս կարծիքը։

Միաժամանակ, ինքը՝ Բայդենը, հայտարարել է, որ տարիների ընթացքում միայն ավելի իմաստուն է դարձել և մտադիր է շարունակել իր քաղաքական գործունեությունը։

Բայդենը ներկայումս 81 տարեկան է, Թրամփը՝ 77։

Նախագահական ընտրությունները ԱՄՆ-ում տեղի կունենան 2024 թվականի նոյեմբերին։ Մինչ այդ թե դեմոկրատները, թե հանրապետականները պետք է ընտրեն իրենց թեկնածուին։

Այս թեմայով Հայ-ադրբեջանական խաղաղության պայմանագրի ստորագրումը վերջ կդնի տասնամյակներ տևած հակամարտությանը. Բայդեն Թրամփը պատրաստ է գաղտնազերծել Քենեդու սպանության և սեպտեմբերի 11-ի հարձակումների վերաբերյալ փաստաթղթերը Գուցե հարգարժան սրբազանների սրտերն այնքան են լցվել ատելությամբ, որ սա սկսել է մթագնել նրանց բանականությունը. Ռուբինյան Այն, ինչ կատարվում է Գազայում, ցեղասպանություն չէ. Բայդեն Ազատվենք թրքահպատակ իշխանությունից, որ մի օր վերադարձնենք Արցախը. քաղաքացի (տեսանյութ) Եթե Իսրայելը մտնի Ռաֆահ, զենք չեմ մատակարարի. Բայդեն ԱՄՆ–ն պատրաստ է աջակցել Իսրայելին՝ չնայած տարաձայնություններին․ Բայդեն Գուցե եզրակացություն անե՞ք.... «Փաստ» Բայդենը ստորագրել է Ուկրաինային կարևոր լրացուցիչ ռազմական օգնություն մասին օրինագիծը Թե բա՝ Մեծ Եղեռն, գուցե՝ տխուր միջադեպ... և սա հանուն առևտրի. լրագրողը հեգնանքով մեկնաբանել է Հայոց ցեղասպանություն իրավական եզրույթից վարչապետի խուսափելու հնարքը