Հեղափոխական պաշտոնյաների աշխատանքի ՕԳԳ-ն. Արթուր Ճաղարյան

Շարունակելով ներկայացնել հեղափոխական պաշտոնյաների աշխատանքի արդյունավետությունը՝ այսօր կխոսենք Իջևանի համայնքապետ Արթուր Ճաղարյանից:

Մինչ իջևանցիները սպասում էին, թե երբ են տարիներ շարունակ իրենց կուտակած խնդիրները պրակտիկ լուծում ստանալու, Ճաղարյանը լրիվ այլ առաջնահերթություններ էր գույքագրում: Դիցուք՝ նա դեռեւս համայնքապետի պաշտոնակատար եղած ժամանակ՝ 2021 թվականին, ձեռք է բերել «Տոյոտա Պռադո» մակնիշի ծառայողական ավտոմեքենա, այն դեպքում, երբ համայնքապետարանն ունեցել է մեկ այլ՝ մի քիչ ավելի ցածր դասի «Տոյոտա»։ Սակայն ուշագրավ է, որ Իջեւանի համայնքապետարանի գնումների տեղեկագրի մեջ այս մասին ոչ մի ինֆորմացիա չկա, եւ, առհասարակ, 2020-ից այս կողմ որեւէ գնման մասին տեղեկություն չկա։ Այնինչ, բոլոր գնումները պետք է հրապարակվեին, քանզի որեւէ իշխանություն հանրային միջոցների ծախսը չպետք է թաքցնի հանրությունից, առավել եւս՝ արդարության մասին լոզունգներով իշխանության եկած ՔՊ-ականները։

Բացի այդ, իջևանցիները բախվել են լրջագույն խնդրի` պարարտանյութի կտրուկ թանկացմանը։ Ճաղարյանը մի քանի ամիս է` վստահեցնում է, որ պատրաստվում են ինչ-որ բան անել, սակայն դեռ չգիտեն` ինչպես հարցը լուծել։ «Ընդհանրապես նախատեսում ենք որևէ բան անել, բայց դեռ չգիտենք՝ կոնկրետ ինչպես այդ հարցը լուծենք, դեռ մտածում ենք։ Խորհուրդի նիստ է լինելու, որում այդ հարցն էլ կա, հիմա չեմ կարող ասել՝ ինչը ինչպես կլինի, մասնագետ ունենք, ինքն է զբաղվում այդ հարցերով»,- ասել էր Արթուր Ճաղարյանը։ Ավելորդ է ասել, որ այդ հարցը դեռ չի լուծվել․ դեռ մտածում են։

Ուշագրավ է նաև Իջևան համայնքի գնումների պլանը: 1 միլիոն 680 հազար դրամ է նախատեսված թուղթ ձեռք բերելու համար, 200 հազար դրամի գրիչ, 300 հազար դրամի ջերմաչափ, 490 հազար դրամի անձեռոցիկ, 245 հազարի զուգարանի թուղթ, 11300400 դրամի հաց, 396 հազար դրամի հավի կրծքամիս, 1019239 դրամի մակարոնեղեն,  1 միլիոն 518 հազար դրամի բանան ձեռք բերելու համար: Ամբողջական ցանկը կարելի է տեսնել այստեղ: Հիշեցնենք, որ Իջևանը սահմանամերձ համայնք է:

Միևնույն ժամանակ, կարող ենք փաստել, որ համայնքապետը նաև դրական քայլերով է աչքի ընկել: Դիցուք՝ ավարտվել են Մետաղագործների թաղամասի բազմաբնակարան շենքերի բակերի ասֆալտապատման աշխատանքները: Իջևան քաղաքում սուբվենցիոն ծրագրով իրականացվում են բազմաբնակարան շենքերի բակերի ասֆալտապատման աշխատանքներ։ Բացի այդ, Իջևան քաղաքում իրականացվեց «Գաղափարախաղ-գաղափարաքաղ» մշակութային ֆորումը, որի ընթացքում մասնակիցները վերհանեցին ու քննարկեցին Իջևան համայնքի մշակութային խնդիրները հասցեագրող գաղափարները, հստակ և կոնկրետ խնդիրների շուրջ խմբավորվեցին գաղափարակից-համախոհների շուրջ,ստեղծարար-նորարարական լուծումներով աշխատեցին նախագծերի մշակման վրա, որոնք թիմային աշխատանքի շնորհիվ կվերածեն իրագործելի ծրագրերի:

Այս թեմայով 30 մլն դրամ արժողությամբ նոր բնակարան․ ինչ ունեցվածք ունի ՔՊ քարտուղար Արթուր Հովաննիսյանը․ Armlur Արթուր Սուքոյանն ազատ է արձակվել, նրա նկատմամբ կիրառվել է տնային կալանք Արթուր Չիլինգարովի հուղարկավորությանը մասնակցել է ՌԴ ողջ էլիտան, իսկ հայկական կողմը անտեսել է հայազգի մեծանուն բևեռախույզի հրաժեշտի արարողությունը (տեսանյութ) Արթուր Հովհաննիսյանը ոչ պաշտոնական էջում ներողություն է խնդրել հինգերորդ ալիքից.  «Հրապարակ» Արթուր Չիլինգարովին հուղարկավորել են ՌԴ օրհներգի ներքո՝ զինվորական պատիվներով Հայազգի մեծանուն բևեռախույզ Արթուր Չիլինգարովը՝ Коммерсантъ-ի ֆոտոշարքում Արթուր Բազեյանը երկրորդ հաղթանակն է տարել օլիմպիական վարկանիշային մրցաշարում Ի՞նչ կապ ունի Սրբազանի սենյակում գաղտնալսող սարք տեղադրող կինը Արթուր Երոյանի հետ Խորին ցավակցություններս եմ հայտնում Իրանի եղբայրական ժողովրդին և բարեկամ պետությանը․ Արթուր Վանեցյան Չպետք է թույլ տանք Հայաստանում թուրքական կուսակցություն բացվի. սպառնալիք` ՀՀ անվտանգությանը. Արթուր Չախոյան (տեսանյութ)