Հեղափոխական պաշտոնյաների աշխատանքի ՕԳԳ-ն. Մխիթար Մաթևոսյան

Շարունակելով ներկայացնել հեղափոխական պաշտոնյաների աշխատանքի արդյունավետությունը՝ այսօր կանդրադառնանք Վայքի համայնքապետ Մխիթար Մաթևոսյանին:

Դիցուք՝  ՏԻՄ ընտրություններում Վայքի համայնքապետ ընտրված Մխիթար Մաթևոսյանը բավական հաճախ է պաշտոնն ստանձնելուց հետո հայտնվում սկանդալային կամ հակասական պատմությունների կիզակետում:

Վերջերս հայտնի դարձավ, որ Մաթևոսյանն ընդհանուր 537 միլիոն դրամի պայմանագրեր է կնքել իր կնոջը պատկանող ընկերության հետ, ընդ որում՝ մինչև 2022 թվականն այդ ընկերությունը ղեկավարել է հենց ինքը՝ Մխիթար Մաթևոսյանը, սակայն համայնքի ղեկավար ընտրվելուց հետո ընկերության իր բաժնեմասն ու կառավարումը հանձնել է կնոջը՝ Մերի Մարգարյանին։ Պետական գնումների armeps.am համակարգի տվյալներով՝ 2022 թվականի ընթացքում Վայքի համայնքապետարանը՝ ի դեմս Մխիթար Մաթևոսյանի, 4 պայմանագիր է կնքել «Մավշին» ՍՊԸ-ի հետ։ Այս տեղեկությունը, իհարկե, մեկնաբանվեց այնպես, կարծես՝ այստեղ անգամ կոռուպցիոն ռիսկի նշույլներ չկան, ուր մնաց՝ բուն կոռուպցիոն ռիսկը:

2020 թվականի հունվարի 9-ին գրանցվել է մի նոր ընկերություն՝ «Վայկ-ինվեստ» ՍՊԸ-ն, որը հասցրել է մի քանի օրվա ընթացքում դիմել Վայքի և Զառիթափի համայնքապետարաններ՝ Ազատեկի ոսկու-բազմամետաղային հանքի՝ ստորերկրյա եղանակով շահագործման նախագծի հայտով հանրային լսումներ կազմակերպելու համար։ Կարճ ժամանակում հայտնի է դառնում, որ լսումներ կանցկացվեն միայն Զառիթափում, իսկ Վայք համայնքում, որի վարչական տարածքում է Ազատեկը, լսումներ չեն լինի։ Ամեն դեպքում, այդ մասին տեղեկությունները Վայքի համայնքապետարանի կայքում բացակայում են։ 

Վայքի համայնքապետը ևս մեկ սկանդալի կիզակետում էր հայտնվել, դեռևս մինչ ընտրությունները: Բանն այն է, որ  Հայաստանի քննչական կոմիտեն 2019-ի օգոստոսին հաղորդել էր, որ Վայոց ձորի մարզի քննչական վարչությունում բացահայտվել է «ՍՊ ընկերության տնօրենի կողմից պաշտոնեական դիրքն օգտագործելով՝ առանձնապես խոշոր չափերի առերևույթ հափշտակություն կատարելու դեպքը: Վայքի մարզադաշտին կից շինության ու համայնքային նշանակության այգու բարեկարգման համար քաղաքապետարանի կողմից հայտարարված մրցույթում հաղթել է «Մավշին» ՍՊԸ-ն, և նշված սուբվենցիոն ծրագրի համար կառավարությունը Վայոց Ձորի մարզպետարանին տրամադրվել է 120 միլիոն դրամ։ 2016 թ. մարտի 21-ից սեպտեմբերի 21-ն ընկած ժամանակահատվածում,  պետությունից խաբեությամբ առանձնապես խոշոր չափի գումար հափշտակելու դիտավորությամբ, ՍՊԸ-ի տնօրենը շինարարական աշխատանքների կատարման ընթացքում ծավալաթերթ-նախահաշվով նախատեսված աշխատանքներ մասնակի կատարելու և չիրականացված աշխատանքները կատարողական թերթերում ներառելով, պետության միջոցներից ավել է ստացել ընդհանուր 4.055.498.4 ՀՀ դրամ գումար` պետությանը պատճառելով առանձնապես խոշոր չափերի գույքային վնաս»:  «Մավշին» ՍՊԸ-ի տնօրենը եղել է այն ժամանակ դեռևս Վայքի քաղաքապետի ԺՊ Մխիթար Մաթևոսյանը, այս գործով նա եղել է մեղադրյալ, Մաթևոսյանին պատկանող շարժական ու անշարժ գույքի վրա արգելանք է դրվել՝ պետությանը պատճառված վնասը վերականգնելու նպատակով։ 

Մինչ ընտրվելը Մաթևոսյանը հայտարարում էր, որ ամեն ինչ անելու է՝ ժողովուրդը գոհ մնա: Սակայն, մինչ այս պահը Վայքի համայնքապետարանի կողմից մեգա նախագծերի իրականացման մասին դեռևս որևէ հիշատակում չկա:

Սակայն, որոշ արդյունավետ քայլեր համայնքապետն, ամեն դեպքում, կատարել է: Դիցուք՝ ձմռանն ընդառաջ  Արտավանում վերանորոգվել է խմելու ջրագիծը, կատարվել են գյուղամիջյան ճանապարհների փոսալցման աշխատանքներ՝ ասֆալտի եկրորդական հումքով։ Սերս բնակավայրում նույնպես կատարվել են գյուղամիջյան ճանապարհների փոսալցման աշխատանքներ՝ ասֆալտի եկրորդական հումքով։ Բարձրունիում վերանորոգվել է խմելու ջրագծի 50 մ–ոց հատվածը, կատարվել է ջրահավաք ջրամբարի առուների մաքրում, գյուղամիջյան ճանապարհների փոսալցում՝ խճով և ասֆալտի եկրորդական հումքով։

Այս թեմայով Պիտի համակերպվեն, որ կառավարել չեն կարողանում, պիտի հեռանան, թողեք Հայ մնանք. Մխիթար Ավետիսյան (տեսանյութ) Նախարար Մխիթար Հայրապետյանն այցելել է «ՍոֆթԿոնստրակտ» ընկերություն ՔՊ-ական պաշտոնյաների արտոնյալ ԽԾԲ-ն. Մխիթար Մաթևոսյան «Սկզբունքայնություն»՝ ՔՊ ոճով. Արմեն Գրիգորյան, Մխիթար Հայրապետյան Մխիթար Հայրապետյանն ընդունել է Հունաստանի դեսպան Խրիստոս Սոֆիանոպուլոսին Մխիթար Հայրապետյանն այցելել է «Ինժեներական քաղաք» Ռուսական ալիքները կփակվե՞ն. Մխիթար Հայրապետյանն օդանավակայանում է. բացառիկ Մխիթար Հայրապետյանն ընդունել է ԱՄՆ ՄԶԳ հայաստանյան առաքելության տնօրեն Ջոն Ալելոնին Հայրապետյանը ԲՏԱ ոլորտը կարգավորող օրենսդրական փաթեթը քննարկել է ԱՄՆ ՄԶԳ առաքելության տնօրենի հետ Մխիթար Հայրապետյանը ընդունել է ՀՀ հանրային ծառայությունները կարգավորող հանձնաժողովի նախագահին